Meke 112 - AI VOLA TABU（FIJ1864）

E yaga na lotu e na bula o qo, 1-3, kei na 114, bula emuri, 4-9. Ena kunea ko ira na tamata ca, 10.

1DOU vakavinavinaka vei Jiova. Sa kalougata na tamata sa rerevaki Jiova, o koya sa rekitaka vakalevu na nona vunau.

2Ena kaukauwa e vuravura na nona kawa: era na kalougata na nodra mataqali na yalododonu.

3Ai yaya kei nai yau ena tu ga e nona vale: ia na nona cakacaka dodonu ena tawa oti.

4Sa cadra na rarama e na butobuto vei ira na yalododonu: sa daulomasoli ko koya, ka yalololoma, ka daucaka dodonu,

5Sa tamata yaco ko koya sa dauyalololoma, ka dausoli ka: ena dau-tokona na nona ka e na caka dodonu:

6ni na tawa yavavala e na dua na gauna: ena tawa mudu ni nanumi tiko na tamata dodonu.

7Ena sega ni rerevaka nai rogorogo ca: sa dei na lomana, ni sa vakararavi tiko vei Jiova.

8Sa dei na lomana, ena sega ni rere, ena kunea mada ni ra bale na nona meca.

9Sa duibiubiuta ko koya, sa dausoli ka vei ira na dravudravua; sa tawa mudu na nona cakacaka dodonu; ena laveti cake na nona kaukamea ka vakarokorokotaki.

10Ena kunea ko koya na tamata ca, ka cudru kina; ena vakasequruquru e na batina, ka waicala yani: a ka era gadreva nai valavala ca ena tau a yaco.