Meke 110 - AI VOLA TABU（FIJ1864）

A matanitu, 1-3, Itei na cakacaka vakabete, 4, kei na qaqa, 5, 6, kei na rarawa i Karisito, 7.A Meke i Tevita.

1SA kaya ko Jiova vua na noqu Turaga, Mo tiko e na ligaqu i matau, meʼu cakavi ira mada na nomu meca mei tutu-ni-yavamu.

2Ena tala ko Jiova nai titoko ni nomu kaukauwa mai Saioni: mo lewa e na kedra maliwa na nomu meca.

3O ira na nomu tamata era na via cabori ira mei madrali e nai ukuuku ni yalosavasava e na siga ni nomu kaukauwa; era na lewe vuqa na nomu cauravou ka lailai na mata ni tegu mai na kete ni sabogibogi.

4Sa vosavavakini oti ko Jiova, ena sega ni veivutuni, O iko na bete tawa mudu me vaka nai valavala i Melikiseteki.

5Na Turaga, o koya mai na ligamu i matau, ena laubasikataki ira na tui e na siga sa cudru kina ko koya.

6Ena lewa na veimatanitu ko koya, ena vakasinaita e na yagodra era sa moku; ena vuetaka na kedra tui na vanua e vuqa.

7Ena gunuva na uciwai e na sala: o koya ena ta cake kina na uluna.