Meke 97 - AI VOLA TABU（FIJ1864）

Me dokai ko Jiova, 1-6. Sa rusa ko ira era qarava na matakau, 7-9. Ne da lomana na Turaga, 10-12.

1SA lewa ko Jiova; me reki ko vuravura; me marau kina na veiyanuyanu e vuqa.

2Sa vakavolivoliti koya na o kei na butobuto: ai tutu ni nonai tikotiko vakaturaga na yalododonu kei na lewa dodonu.

3Sa liutaki koya na buka, ka vakacaudreva na nona meca era vakavolivoliti koya.

4Sa vakararamataki vuravura na nona livaliva: sa kunea ko vuravura, ka sautaninini.

5Sa waicala na veiulu-ni-vanua mai na mata i Jiova, mai na matana na Turaga kei vuravura kecega.

6Sa tukuna na nona yalododonu na lomalagi, a ra sa kunea na nonai ukuuku na veimataqali kecega.

7Me ra vakamaduataki kecega era qarava na matakau ceuceu, o ira sa daudokai ira e na matakau: dou cuva vua, na kalou kecega.

8Sa rogoca ko Saioni, ka reki kina; a ra sa ladelade na gonealewa i Juta, e na vuku ni nomu lewa, Jiova.

9Ni ko sa cecere sara, Jiova, ki vuravura kecega: o sa levu sara ka lailai na kalou kecega.

10Oi kemudou sa lomani Jiova, dou cata na ka ca: sa maroroya ko koya na yalodra na nona tamata yalododonu; sa vakabulai ira mai na liga ni valavala ca.

11Sa kaburaki na rarama me nona na caka dodonu, kei na marau me nodra sa dodonu na lomadra.

12Dou rekitaki Jiova, na yalo dodonu; ka vakavinavinaka ni dou sa na numa na nona yalosavasava,