Meke 98 - AI VOLA TABU（FIJ1864）

Sa vakarota vei ira na kai vuravura kecega me ia na vakavinavinaka vua na Kalou.

1DOU meketaka vei Jiova na meke vou, ni sa cakava oti na ka mana: a ligana i matau, kei na ligana daucaka dodonu, ka rawa kina na veivakabulai.

2Sa vakatakila ko Jiova ni sa dauia na veivakabulai ko koya: sa vakaraitaka votu na nona caka dodonu e na matadra na veimataqali.

3Sa nanuma na nona yalololoma kei na nona lomadina ki na mataqali i Isireli: sa kunea nai yalayala kecega kei vuravura ni sa dauia na veivakabulai na noda Kalou.

4Dou ia na meke vei Jiova, na vuravura kecega: dou lagata sara, dou kaila e na reki, dou ia na qiriqiri.

5Dou sere vei Jiova e na api; e na api kei na domo ni meke.

6E na davui kei na domo ni kaukamea dou ia na meke e na mata i Jiova, na Tui.

7Me vadugu na Wasawasa, kei na ka e sinai kina; ko vuravura, kei ira era tiko kina.

8Me cobo na uciwai: me reki vata na veiulu-ni-vanua

9e na mata i Jiova; ni sa lako mai me lewai vuravura: ena lewai vuravura e na yalododonu, kei ira na tamata e na lewa dodonu.