1O KOYA sa tiko e na yasana vuni i Koya na Cecere sara, ena tiko ga e na yaloyalo i Koya sa Kaukauwa.
2Au na kaya e na vuku i Jiova, O koya ga na noqui drodro kei na noqu bai ni valu: na noqu Kalou; au na vakararavi vua.
3Ni na vakabulai iko dina mai na nona tudai na tamata sa dauia na tudai, kei na mate ca e dauveiveitauvi.
4Ena ubi iko e na lawena, ia ko na vakararavi ki na rukuruku ni tabana: ena nomui sasabai kei na nomui vakaruru na nona yalodina.
5O na sega ni rerevaka na ka e daurerevaki e na bogi, se na gasau sa vuka voli e na siga;
6se na mate dauveiveitauvi sa lako voli vakabutobuto; se na ka veivakamatei sa dauia na veivakamatei e na siga levu.
7Ena bale e dua na udolu mai na ligamu i mawi, ka tini na udolu mai na ligamu i matau; ia ena sega ni yacovi, iko.
8E na matamu ga ko na raica, ka kunea nai sau ni tamatai valavala ca.
9E na vuku ni ko sa cakavi Jiova, o koya na noqui drodro, ia ko Koya na Cecere sara, me nomui tikotiko,
10ena sega kina ni yacovi iko e dua na ka ca, ena sega talega ni torova na nomu vale e dua na mate dauveitauvi.
11Ni na vakarota ko koya vei ira na nona agilose e na vukumu, me maroroi iko e na nomu sala kecega.
12Era na keveti iko e na ligadra, de ko tavutu ki na vatu na yavamu.
13O na butuka na laioni kei na gata loa: na laioni kaukauwa kei na gata ko na buturaka sara.
14E na vuku ni sa lomani au ko koya, kaʼu na vakabulai koya kina: au na vakatikora kicake, e na vuku ni sa kila na yacaqu.
15Ena tagi vei au, ia kaʼu na vakarorogo vua: au na tiko kaya ni sa rarawa; au na vakabulai koya ka vakarokorokotaki koya;
16au na vakamamautaki koya e na bula balavu, ka vakatakila vua niʼu sa vakabulai koya tiko.
Who We AreWhat We EelieveWhat We Do
2025 by iamachristian.org,Inc All rights reserved.
