Meke 92 - AI VOLA TABU（FIJ1864）

A ka vinaka na vakavinavinaka vua na Kalou, 1-4. A ka levu na nona cakacaka, kei na nona lewa, 5-8. Era na cudruvi na tamata ca, ka vinaka tiko na tamata dodonu, 9-15.A Meke se Sere ni siga tabu.

1A KA vinaka me ia na vakamolimoli vei Jiova, ka sere vaka na vakavinavinaka ki na yacamu, o iko sa Cecere sara:

2me dautukuna na nomu yalololoma e na sabogibogi, kei na nomu lomadina e na veibogi;

3e nai qiriqiri e tini na kena wa, kei na saliteri; kei na api e domo vinaka.

4Ni ko sa vakamarautaki au, Jiova, e na nomu cakacaka: au na rekitaka na cakacaka ni ligamu.

5I Jiova, na ka levu na nomu cakacaka! a ka titobu na nanuma ni lomamu.

6A tamata yalovakamanumanu sa sega ni kila; kei na tamata lialia sa sega ni vuku rawa e na ka o qo.

7Ni ra sa tubu me vaka na co nai valavala ca, ka bulabula na daucaka ca; a ka ga me ra kawaboko laivi:

8ia ko iko, Jiova, sa Cecere sara ka tawa mudu.

9Ni ra na rusa laivi vakaidina, Jiova, ko ira na nomu meca; ia ko ira dina na nomu meca; era na dui vakasevi tani ko ira kecega na daucaka ca.

10Ia na noqu kaukamea ko na laveta cake me vaka na kaukamea ni yunikoni: au na lumuti e na votea vou.

11Ia ena raici ira na noqu meca na mataqu, ka rogoca na daligaqu ni ra rusa na tamatai valavala ca era tu cake vakaivalu vei au.

12Ena bulabula na yalododonu me vaka na balabala: ena tubu tiko me vaka na sitari mai Lipanoni.

13O ira era tei e na vale i Jiova era na bulabula e na lomanibai ni noda Kalou.

14Era na vuavua tiko ni ra sa qase mai; era na drokadroka ka bulabula;

15me vakatakila ni sa yalododonu ko Jiova: a noqu uluvatu ko koya, a sa sega vua na caka cala.