Meke 90 - AI VOLA TABU（FIJ1864）

Sa tukuna ni sa lekaleka na bula ni tamata e na vuku ni nonai valavala ca, 1-12. Sa masuti koya na Kalou me yalololoma mai, 13-17.A masu i Mosese na tamata ni Kalou.

1O IKO, Turaga, na neimami tikotiko e nai tabatamata kecega.

2Ni sa sega ni tubu na veiulu-ni-vanua, ia ni ko a sega ni bulia na vuravura se na vanua, sai iko ga na Kalou e tawa tubu ka tawa mudu.

3O sa vukica na tamata me rusa; o sa kaya, Dou lesu tale mai, na luve ni tamata.

4Ni sa tautauvata e matamu e dua na udolu na yabaki kei na siga e na noa ni sa oti, kei na dua na tiki ni bogi e veivuke yadra kina.

5O sa kauti ira tani me vaka na dobui; era sa vaka na moce; era sa malai yani e na sabogibogi me vaka na co:

6sa tubu bulabula e na mataka, a sa malai yani; sa tamusuki e na yakavi, a sa mamaca.

7Ni keimami sa oti e na nomu cudru, a sa rarawa e na nomu cudru waqawaqa.

8O sa tauca na neimami caka cala e matamu, kei na neimami valavala vuni e na rarama ni matamu.

9Ni sa oti yani na neimami siga kecega e na nomu cudru: keimami sa vakaotia na neimami veiyabaki me vaka na vakanananu walega.

10Na siga ni neimami yabaki, sa yabaki ga e vitusagavulu; ia kevaka sa yabaki e walusagavulu e na vuku ni kaukauwa, sa ka veivakaocai ka rarawa na kena via kaukau wa ko ya; ni sa muduki tani vakasauri, keimami sa qai vuka yani.

11O cei sa kila na kaukauwa ni nomu cudru? se na nomu cudru waqawaqa, me rerevaki iko dina kina?

12Mo vakavulici keimami me wilika na neimami siga, me keimami vaqara kina na yalo i keimami ki na vuku.

13Mo lesu mai, Jiova, a cava na kena dede ni ko cudru tiko? ia mo veivutuni e na vukudra na nomu tamata.

14Mo vakamamautaki keimami vakusakusa e na nomu loloma; me keimami reki kina ka marau e na neimami veisiga kecega.

15Mo vakamarautaki keimami me tautauvata kei na veisiga ko a vakararawataki keimami kina, kei na veiyabaki keimami a kunea kina na ca.

16Me rairai na nomu cakacaka kivei ira na nomu tamata, kei na nomui ukuuku vei ira na luvedra.

17Ia me cilavi keimami nai ukuuku i Jiova na neimami Kalou: ia mo vakataudeitaka vei keimami na cakacaka ni liga i keimami; io, na cakacaka ni liga i keimami mo vakataudeitaka.