Meke 87 - AI VOLA TABU（FIJ1864）

Ai ukuuku ni lewe ni soro.A Meke se Sere na nodra na luve i Kora.

1A NONA yavu sa koto mai na ulu-ni-vanua tabu.

2Sa lomana vakalevu ko Jiova na matamata-ni-koro mai Saioni, ka vakalailai nai tikotiko kecega nei Jekope.

3A ka rogo sa dautukuni e na vukumu, o iko na koro ni Kalou! Sela.

4Au na cavuti Reapi kei Papiloni vei ira era kilai au: raica, ko Filisitia, kei Teiri, kei Kusi; sa sucu maikina na tamata o qo.

5Ia e na vuku i Saioni ena kainaki, Sa sucu maikina na tamata o qo kei na tamata ko ya; ena vakataudeitaki koya ko Koya sa Cecere sara.

6Ena tukuna ko Jiova, ni sa volai ira na tamata, ni sa sucu maikina na tamata o qo. Sela.

7Ena tiko maikina na dauqiriqiri kei ira talega era dauia na meke: sa tubu maivei iko na noqui vurevure kecega.