Meke 85 - AI VOLA TABU（FIJ1864）

E na vuku ni loloma ni Kalou eliu sa masuta me yalololoma tiko.Vua na Domo-ni-meke. A Meke vei ira na luve i Kora.

1I JIOVA, o sa yalovinaka ki na nomu vanua: o sa kauti ira tale mai na Jekope ka vakabobulataki.

2O sa tawa cudruva na nodra tawa dodonu na nomu tamata, o sa ubia na nodrai valavala ca kecega. Sela.

3O sa kauta tani na nomu cudru kecega: o sa gole mai mai na nomu cudru waqawaqa.

4Mo lesu mai vei keimami, na Kalou ni neimami bula, ka cegu ni cudruvi keimami tiko.

5Ena tawa mudu beka na nomu cudru vei keimami? o na vakabalavutaka beka na nomu cudru ki nai tabatamata kecega?

6O na sega beka ni vakabulai keimami tale: me ra reki tale e na vukumu na nomu tamata?

7Mo vakatakila, Jiova, vei keimami na nomu yalololoma, ka solia vei keimami na bula.

8Au na rogoca na ka e kaya na Kalou ko Jiova: ni na vosaveivakacegui vei ira na nona tamata, kei ira na nona yalododonu: ia me ra kakua ni lesu tale ki na ka vakalialia.

9E dina ni sa voleka ni vakabulai ira era sa rerevaki koya; me vakaiukuukutaki tiko kina na noda vanua.

10Sa veitata na loloma kei na dina; sa veiregu na yalododonu kei na veivinakati.

11Ena tubu mai e vuravura na ka dina; ka rai sobu mai lomalagi na ka dodonu.

12Io, ena solia ko Jiova na ka vinaka; ena vuataka talega na vuana na noda vanua.

13Ena liutaki koya na cakacaka dodonu; ka kauti keda ki na sala sa lako kina ko koya.