Meke 70 - AI VOLA TABU（FIJ1864）

A masu sa ia e na gauna ni veivakararawataki.Vua na Domo-ni-meke. A Meke i Tevita, me vakanananu ka kina.

1MO kusarawa, na Kalou, me vakabulai au; mo kusarawa, Jiova, ni vukei au.

2Me ra vakamaduataki ka taqaya era sa vakasaqara na yaloqu: me ra vakalesui tale, ka vakamaduataki, era sa via vakacacani au.

3Me ra vakalesui tale mei sau ni nodra veivakamaduataki era sa kaya, Sai koya! Sai koya!

4Me ra reki ka marautaki iko ko ira kecega era sa vakasaqarai iko: ia me ra kaya tikoga ko ira kecega sa vinakata na bula sa maivei iko, Me vakalevulevui na Kalou.

5Ia koi au kaʼu sa malumalumu ka dravudravua: mo kusarawa mai vei au, na Kalou: o iko na noqui vukevuke kei na noqui vakabula; kakua, Jiova, ni berabera mai.