Meke 64 - AI VOLA TABU（FIJ1864）

Sa vakatakila na nona meca, 1-6. Ena cudruvi ira na Kalou, a ra na rere kina na tamata, ka reki na yalododonu, 7-10.Vua na Domo-ni-meke. A Meke i Tevita.

1MO rogoca na domoqu, na Kalou, e na noqu masu: mo maroroya na noqu bula meʼu kakua ni rerevaka na meca.

2Vunitaki au mai na nodra vere na daucaka ca; kei na nodra ue na daucaka cala:

3o ira era sa vagatara na yamedra me vaka nai seleiwau, era sa loloka na nodra dakai me vanataka na nodra gasau, na vosa gaga:

4me ra vanai koya lo na tawa cala: era vavana vakidacala vua, ka tawa rere.

5Era vaqaqataki ira e na ka ca: era bose lo me ra vakatudaitaka; era sa kaya, O cei ena kunei ira?

6Era vakasaqara na ka ca; era gumatua ni vakasaqaqara: ia na nanuma ni lomadra kei na yalodra na tamata yadua, sa ka titobu sara.

7Ia na Kalou ena vanai ira e na gasau; era na vuetaki vakasauri.

8Era na cakava na yamedra me lauti ira vakai ira: era na veidreyaki ko ira kece sa raici ira.

9A ra na rere na tamata kecega, ka tukuna na cakacaka ni Kalou; a ra na vuku me kila na nona cakacaka.

10Era na rekitaki Jiova ka vakararavi vua ko ira na yalododonu; ka vakavinavinaka ko ira kecega na yalodina.