Meke 65 - AI VOLA TABU（FIJ1864）

Sa vakavinavinaka vua na Kalou ni sa vakabulai ira, 1-5. Sa kaukauwa na Kalou, 6-8, ka yalololoma, 9-13.Vua na Domo-ni-meke. A Meke kei na sere i Tevita.

1SA waraki iko tiko, na Kalou, na vakavinavinaka mai Saioni: ena vakayacori talega na vosa vavakini vei iko.

2O iko sa daurogoca na masu, ena lako mai vei iko na tamata kecega.

3Sa gumatua vei au na vosa ca: a neimami valavala ca ko na vuya laivi.

4Sa kalougata na tamata ko sa digitaka, ka kauta voleka mai, me tiko ga e na nomu lomanibai; keimami na mamau e na ka vinaka ni nomu vale, io, na nomu vale tabu.

5E na ka dodonu e rerevaki ko na vosa vei keimami, na Kalou na neimami vakabula; o iko na ka era vakararavi kina e nai yalayala kecega kei vuravura, kei ira era tiko vakayawa e na loma ni wasawasa:

6O koya sa vakataudeitaka na veiulu-ni-vanua e nona qaqa; ni sa vauci e na kaukauwa:

7a sa vakamaravutaka na cudru ni wasawasa, na vadugu ni biau, kei na nodra ue na tamata.

8O ira talega era tiko e na veiyasana esau era sa rerevaka na nomui vakatakilakila: o sa dau-vakamarautaka na mataka ni sa kida, kei na yakavi ni sa laʼki dromu na siga.

9O sa talevi vuravura, ka vakasuasuataka; o sa vakavutuniyautaka e na uciwai ni Kalou, a ya sa sinai tu kina na wai; o sa solia vei ira na sila, ni ko sa vakarautaka oti vakaoqori.

10O sa vakasuasuataka vakalevu na kena bukebuke; o sa vakatauca na uca ki na kena tova; o sa vakamalumalumutaka e na uca; o sa vakalougatataka na ka e tubu kina.

110 sa vakaisalataka na yabaki e na nomu loloma; a sa tau mai na uro mai na nomui lakolako.

12Sa tauca na veico mai lekutu: a sa rereki tu na veiulu-ni-koro e na veiyasana kecega.

13Sa vakasulumi e na sipi na veico; ia na veibuca ena vakaisulu e na sila; ena kaila e na reki, io, ena meke tu.