Meke 61 - AI VOLA TABU（FIJ1864）

A masumasu e na vakabauta na vosa ni yalayala ni Kalou.Vua na Domo-ni-meke e na Nikina. A Meke i Tevita.

1MO rogoca, na Kalou, na noqu tagi; vakarorogo ki na noqu masu.

2Ni sa luvuci na lomaqu, mai nai yalayala kei vuravura kaʼu na tagi vei iko: mo tuberi au ki na Uluvatu sa cecere vei au.

3Ni ko sa noqui vakaruru eliu, nai sese kaukauwa, mai na matana na meca.

4Au na tiko ka tawa oti e na nomu vale: au na vakararavi e na ruku ni tabamu. Sela.

5Ni ko sa rogoca oti, na Kalou, na noqu vosa vavakini: ko sa solia vei au na nodrai votavota era rerevaki iko.

6O na vakabalavutaka na nona bula na tui: kei na nona yabaki, me vaka nai tabatamata e vuqa.

7Ena tiko ga e na mata ni Kalou ka tawa mudu: mo vakarautaka na loloma kei na dina, me rau vakabulai koya tiko.

8Meʼu vakacaucautaka kina na yacamu ka tawa mudu, meʼu vakayacora kina e na veisiga na noqu vosa vavakini.