1MO yalololoma mai vei au, na Kalou, mo yalololoma vei au: ni sa vakararavi vei iko na yaloqu: io, e ruku ni tabamu kaʼu na vakaruru, ka me oti mada na ka e veivakararawataki o qo.
2Au na tagi vei koya na Kalou Cecere sara; vei koya na Kalou sa cakacaka tiko e na vukuqu.
3Ena talaki mai lomalagi ko koya, ka vakabulai au mai na vosavakacacataki i koya sa via tilomi au. Sela. Ena tala mai na nona loloma kei na nona dina na Kalou.
4Sa tiko na yaloqu e na kedra maliwa na laioni: au sa koto kei ira sa waqa tu na lomadra, io, kei ira na luve ni tamata sa moto ka gasau na batidra, a sai seleiwau gata na yamedra.
5Mo cecere, na Kalou, ka lolovira ko lomalagi; me cecere na nomui ukuuku ki vuravura kecega.
6Era sa vakarautaka na lawa me tao kina na yavaqu; sa roko lako na yaloqu: era sa kelia nai keli e mataqu, a ra sa lutu ki lomana ko ira. Sela.
7Sa dei na yaloqu, na Kalou, sa dei na yaloqu: au na meke ka vakavinavinaka.
8Mo yadra mai, na noqui ukuuku: drau yadra mai, nai qiriqiri kei na api: au na yadra mai ni sa mataka caca tu.
9Au na vakavinavinaka, na Turaga, vei iko e na veimatanitu: au na meke vei iko e na kedra maliwa na veimataqali.
10Ni sa yacova na lomalagi na nomu loloma e na kena levu, a sa yacova na o na nomu dina.
11Mo cecere, na Kalou, ka lolovira ko lomalagi: me cecere na nomui ukuuku ki vuravura kecega.
Who We AreWhat We EelieveWhat We Do
2025 by iamachristian.org,Inc All rights reserved.
