Meke 54 - AI VOLA TABU（FIJ1864）

Sa masuta na Kalou ko Tevita me vakabulai koya mai na nona meca, 1-3. Sa vakararavi ki na Kalou, 4-7.Vua na Domo-ni-meke e na Nikinoca; a Masikili. A Meke i Tevita, ni ra sa lako mai kivei Saula na kai Sifi, ka kaya, Sa sega beka ni vuni koya tiko vei keitou ko Tevita?

1MO vakabulai au, na Kalou, e na vuku ni yacamu, ka lewai au e na nomu kaukauwa.

2Mo rogoca na noqu masu, na Kalou; mo vakatu daligamu ki na vosa ni gusuqu.

3Ni ra sa tu cake me noqu meca na kai tani, a ra sa qara na yaloqu na dauvakacaca; era sa sega ni tauci koya na Kalou e matadra. Sela.

4Raica, sa noqui vukevuke na Kalou: sa tiko na Turaga kei ira era tokona na yaloqu.

5Ena vakasuka na ca vei ira na noqu meca: mo muduki ira laivi e nomu yalodina.

6Au na cabora vei iko nai madrali mai na vu ni lomaqu: au na vakavinavinaka ki na yacamu, Jiova; ni sa ka vinaka o qori.

7Ni sa vakabulai au mai na ka rarawa kecega: a sa raica na mataqu na ka sa yaco vei ira na noqu meca.