Meke 47 - AI VOLA TABU（FIJ1864）

Ai vakaro ni Kalou vei ira na tamata me ra rekitaka na Mesaia.Vua na Domo-ni-meke. A nodra Meke na luve i Kora.

1OI kemudou kecega na tamata, dou cobo; kaila vua na Kalou e na kaikaila ni qaqa.

2Ni sa rerevaki ko Jiova, o Koya sa Cecere sara; na Tui levu kei vuravura kecega.

3O koya ga ena vakamalumalumutaki ira na tamata vei keda, kei na veimatanitu ki na ruku ni yavada.

4O koya ga ena digitaka na nodai votavota me noda, na vanua vinaka sara i Jekope sa lomana ko koya. Sela.

5Sa lako cake na Kalou kei na qoqolou, o Jiova kei na rorogo ni davui.

6Dou meketaka na vakamolimoli vua na Kalou, meketaka na vakavinavinaka: dou meketaka na vakamolimoli vua na noda Tui, meketaka na vakavinavinaka.

7Ni sa Tui kei vuravura kecega na Kalou: dou vakavinavinaka e na meke vakalomavuku.

8Sa lewai ira na veimatanitu na Kalou: sa tiko na Kalou e na nonai tikotiko tabu.

90 ira na turaga ni veimatanitu era sa soqoni vata, o ira na nona tamata na Kalou i Eparaama: ni sa nona na Kalou nai sasabai kei vuravura: o koya ga sa vakalevui cake sara.