1SA kalougata ko koya sa nanuma na dravudravua: ena vakabulai koya ko Jiova e na siga ni rarawa.
2Ena maroroi koya ko Jiova, ka vakabulai koya tiko: ena vakalougatataki e vuravura; o na sega ni soli koya ki na nodra veitalia na nona meca.
3Ena vakaukauwataki koya ko Jiova ni sa bibi e na nonai mocemoce: o na cakava me vinaka kecega na nonai mocemoce ni sa mate koto.
4Au a kaya, I Jiova, lomani au mai: vakamavotaka na yaloqu; niʼu a caka ca vei iko.
5Sa vosavakacacataki au ko ira na noqu meca, ka kaya, Ena mate beka ninaica, me rusa na yacana?
6Kevaka sa mai raica ko koya, sa na vosa vakailasu ga: sa vakasama na ka ca na vu ni yalona: ia ni sa lako kituba sa tukuna.
7O ira kecega sa cati au, era na vakaso-rokakanataki au vata: era na vakananuma na ka meʼu ca.
8Era kaya, Sa dua na mate ca sa kabiti koya: ia ni sa qai koto ena sega na duri cake tale.
9Io, ko koya sa noqui tau vakaidina, au vakararavi vua, o koya sa kania na qau, sa vakalaqetaki au e nai bukubuku ni yavana.
10Ia ko iko, Jiova, lomani au mai, ka vakaduri au cake tale meʼu cudruvi ira.
11A ka o qo kaʼu kila kina ni ko sa totaki au, ni sa sega ni qaqa vakaivalu vei au na noqu meca.
12Ia koi au, ko sa vakataudeitaki au e na noqu yalododonu, ka vakaturi au dei e matamu ka tawa mudu.
13Me vakavinavinakataki ko Jiova na Kalou nei Isireli, mai na gauna sa tawa tekivu ki na gauna sa tawa oti. Emeni, Emeni.
Who We AreWhat We EelieveWhat We Do
2025 by iamachristian.org,Inc All rights reserved.
