Meke 17 - AI VOLA TABU（FIJ1864）

A masu sa ia e na gauna ni veivakacacani.A masu i Tevita.

1MO rogoca, Jiova, na kena dodonu, vakarorogo ki na noqu tagi, rogoca na noqu masu, sa tawa lako mai na tebenigusu lasulasu.

2Me lako dina mai na matamu na vosa e na vukuqu; me vakaraica ga na matamu na ka e dodonu.

3O sa vakatovolea na yaloqu; o sa lako mai vei au e na bogi; o a vakatovolei au sara, sa sega na ka ko na kunea; sa yaloqu ga me sega ni lako vakatani na gusuqu.

4E na vuku ni nodra cakacaka na tamata, kaʼu a maroroi au mai na nona sala na dauveivakarusai e na vosa ni tebenigusumu.

5Vakataudeitaka na noqu lako e na nomu sala, me kakua ni yavala nai lakolako ni yavaqu.

6Au sa tagi vei iko, ni ko na rogoci au, na Kalou: vakarorogo kivei au, io, ki na noqu vosa.

7Vakatakila mai na nomu loloma e veivakidacalataki, o iko ko sa vakabulai ira e na ligamu i matau, era sa vakararavi ga vei iko, maivei ira era sa tu cake mai.

8Maroroi au me vaka na yaloyalo ni loa ni mata, vunitaki au niʼu vakaruru ki ruku ni tabamu,

9maivei ira na tamata ca era sa vaqeavutaki au, maivei ira na noqu meca era sa vakavolivoliti au meʼu mate.

10Era sa lawakovuni e na nodra uro; a sa vosataka na ka qaciqacia na gusudra.

11Era sa vakavolivoliti keitou e na neitoui lakolako kecega: a sa wanonova na qele na matadra.

12O koya o qo sa tautauvata kei na laioni sa via ia na veidresulaki; kei na luve ni laioni sa vuni tu e na yasana vuni.

13Tu cake, Jiova, taumadaki koya, ka vakabalei koya sobu: vakabula na yaloqu mai na tamata ca, e na nomui seleiwau;

14maivei ira na tamata era sa ligamu, Jiova, maivei ira na tamata ni vuravura o o era rawata nodrai vota e na nodra bula o qo, o sa vakamamautaka na ketedra e na nomui yaya vuni; sa mamau tu na luvedra, a ra sa tataunaka na vo ni nodrai yau me nodra na luvedra lalai.

15Ia koi au, kaʼu na raica na matamu e na yalododonu: kaʼu na qai cegu niʼu sa yadra tale, ka sa ucui ko.