1VAKATAWAI au, noqu Kalou: niʼu sa vakararavi vei iko.
2Na yaloqu, ko a kaya vei Jiova, A Turaga ga ko iko; na noqu vinaka sa tawa yaga vei iko.
3O ira na tamata yalosavasava era sa tiko e vuravura, kei ira na tamata vinaka, kaʼu sa rekitaki ira duaduaga.
4Ena vuqa na nodra ka rarawa era sa cicimuria na ka tani: kaʼu na sega sara ni vakacabora na nodrai madrali dra, kaʼu na sega sara ni cavuta na yacadra e na tebenigusuqu.
5A noqui votavota ko Jiova, na noqu bilo talega: o iko sa vakataudeitaka na ka kaʼu sa taukena.
6Sa lutu nai yalayala ni noqu vanua e na yasana vinaka, io, sa vota vei au na vanua sa rairai vinaka.
7Au na vakamolimoli vei Jiova, o koya sa vakavulici au; sa vakavulici au talega na yaloqu e na loma ni bogi.
8Au a viri taki Jiova me tu e na mataqu e na veisiga kecega; kaʼu na sega ni yavala, ni sa tu ko koya e na ligaqu i matau.
9O koya sa reki kina na yaloqu, a sa marau kina na yamequ, ena vakacegu talega na lewequ ni sa wawa tiko.
10Ni ko na sega ni laiva na yaloqu mai na yasana vuni, se laiva na nomu Le Dua sa Yalosavasava me vuca mai.
11O na vakatakila mai vei au na sala ni bula: sa sinai tu na marau e matamu; sa tawa mudu na reki sa tu mai na ligamu i matau.
Who We AreWhat We EelieveWhat We Do
2025 by iamachristian.org,Inc All rights reserved.
