Meke 6 - AI VOLA TABU（FIJ1864）

A masu ni sa vakararawataki.Vua na Domo-ni-meke e na Nikinoca e na Seminica. A Meke i Tevita.

1I JIOVA, kakua ni cudruvi au e na nomu cudru, kakua ni yaviti au e na nomu cudru katakata.

2Mo yalololoma mai vei au, Jiova; niʼu sa malumalumu: vakabulai au, Jiova, ni sa rarawa na suiqu.

3A yaloqu talega sa rarawa vakalevu; ia ko iko, Jiova, ena vakaevei na kena dede?

4Lesu tale mai, Jiova, Vakabula na yaloqu: vakabulai au e na vuku ni nomu loloma.

5Ni sa sega na vakananumi iko e na mate: o cei ena vakamolimoli vei iko e nai bulubulu?

6Au sa oca e na noqu vutugu: au sa vakanawa na noqui mocemoce e na bogi kecega; au sa vakasuasuataka na noqui davodavo e na wai ni mataqu.

7Sa buawa na mataqu e na vuku ni noqu rarawa; sa qase mai e na vukudra kecega na noqu meca.

8Dou lako tani vei au, koi kemudou kecega sa kitaka na ca; ni sa rogoca ko Jiova na domo ni noqu tagi.

9Sa rogoca ko Jiova na noqu kerekere, ena vakabauta na noqu masu ko Jiova.

10Me ra madua kecega na noqu meca ka kidroa sara; me ra lesu tale, me ra madua vakasauri sara.