1I JIOVA noqu Kalou, au sa vakararavi vei iko; maroroi au maivei ira kecega era sa vakasavi au, ka vakabulai au:
2de dresulaka vakalaioni na yaloqu de dresulaka vakamatailalai, ka sega e dua nai vakabula.
3Jiova noqu Kalou, kevaka kaʼu a kitaka na ka o qo; kevaka sa tu e na ligaqu na ca;
4kevaka kaʼu a saumi koya e na ca keirau a tiko vinaka kaya; (io, kaʼu a vakabulai koya sa noqu meca walega:)
5me qai vakasava na yaloqu na meca, ka vauca; io, me buturaka na noqu bula ki na soso, ka viritaka na noqu totoka ki na kuvu-ni-soso. Sela.
6Tu cake, Jiova, e na nomu cudru, vakalevui iko cake e na vuku ni nodra cudru na noqu meca; mo yadra e na vukuqu me yaco na lewa ko a vosa kina.
7Ena qai vakavolivoliti iko kina nai vavakoso lewe ni veivanua: e na vukudra ga mo lesu tale kina kicake.
8Ena lewai ira na tamata ko Jiova: lewai au, Jiova, me vaka na noqu yalododonu, kei na noqu yalosavasava sara sa tu vei au.
9Me oti laivi mada na nodra ca na tamata ca; ia mo vakataudeitaka na yalododonu: ni sa vakatovolea na yalo kei nai ivi ni tamata na Kalou yalododonu.
10A noqui vakaruru na Kalou, o koya sa vakabulai ira era sa yalododonu.
11Sa lewai ira na tamata yalododonu na Kalou, a sa cudru na Kalou e na veisiga kecega vei ira na tamatai valavala ca.
12Kevaka sa sega ni saumaki mai, ena vagatara ko koya na nonai seleiwau; sa loqata oti na nona dakai, ka vakarautaka.
13Sa vakarauta talega vua nai yaragi ni mate; ena kitaka na nona gasau me kedra na dauveivakasavi.
14Raica, sa yaluma e na ka ca: a sa kunekunetaka na ka rarawa sara, a sa vakasucuma na lasu.
15Sa kelia e dua nai keli ka vakagagataka, a sa qai lutu ki nai keli ka cakava.
16Ena lesu ki na uluna na nona veivakararawataki, ia na nona dauveivakacacani ena lutuka na nona qavokavoka.
17Au na vakavinavinaka vei Jiova me vaka na nona yalododonu; au na meketaka na vakamolimoli vei Jiova sa cecere sara.
Who We AreWhat We EelieveWhat We Do
2025 by iamachristian.org,Inc All rights reserved.
