Ai Vola Kei Jope 29 - AI VOLA TABU（FIJ1864）

Sa vakananuma ko Jope na nona tiko vakacegu, kei na nona dokai eliu.

1A SA kitaka tale na nona vosa vakaibalebale ko Jope, ka kaya,

2Meʼu vaka mada e na veivula eliu, me vaka e na gauna sa vakatawai au kina na Kalou;

3ni sa cilava na uluqu na nona cina, niʼu a lako e na butobuto e na nona rarama;

4meʼu vaka e na gauna kaʼu a cauravou kina, ni sa tiko e na noqu vale na bose vuni ni Kalou;

5ni sa tiko ga kei au ko Koya sa Kaukauwa, ka ratou sa voliti au na luvequ;

6niʼu a vuya na noqui lakolako e na uro ni wai-ni-sucu, a sa sova mai na uciwai waiwai na vatu!

7Niʼu a lako yani e loma ni koro ki na matamata-ni-koro, niʼu a vakarautaka na noqui tikotiko e na sala e loma ni koro:

8era sa raici au na cauravou, ka vunitaki ira: a ra sa tu cake na qase, ka wavutu.

9Era sa cegu ni vosa na turaga, era tabonaka na gusudra e na ligadra.

10Sa ra tiko lo na turaga, a sa kabita na dela ni, gusudra na yame dra.

11Ni sa rogoci au ko na daliga, sa qai vosavakalougatataki au; ia ni sa raici au ko na mata, sa qai tukuni au:

12e na vuku niʼu a vakabula na kaisi ni sa tagi, kei na luveniyali, kei koya sa sega e dua me vukei koya.

13Sa yacovi au na vosaveivakalougatataki i koya sa kolai rusa: ia kaʼu a vakamarautaka na yalona na alewa dawai.

14Au a vakasuluma na yalododonu, a sa noqui sulu voli: ia na noqu lewa dodonu sa vaka nai sulu levu, kei nai sala vakaturaga.

15Au a matadra na mataboko, ka yavadra na lokiloki.

16Au a tamadra na dravudravua; ia na ka e veiletitaki kaʼu a tawa kila, kaʼu a tarotaroga.

17Kaʼu a vorolaka na galegaledra na tawa dodonu, ka kaliraka mai na batidra na ka era kauta tani vakaukauwa.

18Au a qai kaya, Au na mate e na noqu su, ia kaʼu na vakavuqataka na noqu siga me tautauvata kei na nuku.

19Sa teteva na wai na wakaqu, a sa tiko na tegu e na tabaqu e na bogi.

20Sa vou tikoga na noqui ukuuku, a sa vakaukauwataki tu e ligaqu na noqu dakai.

21Sa vakarorogo vei au ko ira na tamata, ka wawa, ka tiko lo niʼu a ia nai vakavuvuli.

22Niʼu a vosa oti era sega ni vosa tale; a sa tauci ira na noqu vosa.

23A ra sa waraki au me vaka ki na uca; a ra sa dalaga sara na gusudra me vaka ki na uca sa tau emuri.

24Niʼu a dredre vei ira, era sa sega ni vakadinata; a ra sa sega ni kitaki au meʼu vakaveveku mata.

25Au a digitaka na nodra sala, ka tiko me turaga, ka tiko me vaka na tui e na mataivalu, me vaka e dua sa vakacegui ira era tagi.