Ai Vola Kei Jope 27 - AI VOLA TABU（FIJ1864）

Sa vaka ko Jope ni sa yalodina ko koya, 1-7. Sa na ca ga ko koga na dauveivakaisini, 8-10. Ena saumaki na nona ka vinaka na tamata ca me ca kina ko koya, 11-23.

1A SA kitaka tiko na nona vosa vakaibalebale ko Jope, ka kaya,

2Me vaka ni sa bula dina na Kalou, o koya sa sega ni via lewai au; ia ko Koya sa Kaukauwa, e sa vakararawataka na yaloqu;

3ni sa tiko e lomaqu na noqu cegu, kei na cegu ni Kalou e na qara-ni-ucuqu;

4ena sega dina ni vosataka na ka cala na tebenigusuqu, se cavuta na ka veivakaisini na yamequ.

5Me yawa vei au me vakadonui kemudou: au na sega ni biuta tani vei au na noqu yalododonu, ka yacova na siga kaʼu na mate kina.

6A noqu yalododonu kaʼu sa taura matua, kaʼu na sega ni biuta: ena sega ni vunauci au na lomaqu e na veisiga kece ni noqu bula.

7Me tautauvata na noqu meca kei na tamata ca, o koya talega sa tu cake vei au kei na tawa dodonu.

8Ia kevaka sa vutuniyau mai ko koya na dauveivakaisini, a cava na ka me vakararavi kina, ni sa kauta tani na yalona na Kalou?

9Ena rogoca beka na Kalou na nona tagi ni sa qai yacovi koya na ka rarawa?

10Ena marautaki Koya beka sa Kaukauwa? ena masu tikoga ki na Kalou?

11Au na vakavulici kemudou ni sa vukei au na Kalou: au na sega ni vunia na ka sa tiko vei Koya sa Kaukauwa.

12Raica, oi kemudou kecega dou sa kunea oti; a cava dou sa qai via vakawalewale sara ga kina?

13O qo na nonai votavota na tamata ca mai vua na Kalou, kei na ka era na taukena nai valavala kaukauwa maivei Koya sa Kaukauwa.

14Kevaka eratou sa vakalewevuqataki mai na luvena, eratou na mate e nai seleiwau: era na sega ni mamau talega na nona kawa e na madrai.

150 ira era vo tiko vua era na buluti e na mate: era na sega talega ni tagi na watina.

16Kevaka sa binia vata na siliva me vaka na kuvu-ni-soso, ka vakarautaka nai sulu me vaka na qele;

17ena vakarautaka ko koya, ia ena vakaisulu kina na yalododonu, ena vota talega na siliva na tawa cala.

18Sa tara na nona vale me vaka na nuve, ka vaka nai cili sa cakava nai vakatawa.

19Sa koto sobu na tamata vutuniyau, ia ena sega ni vakasoqoni: sa yadra na matana, a sa yali ko koya.

20Sa tauvi koya na domobula me vaka na waluvu; sa butakoci koya e na bogi na cava.

21Sa kauti koya tani na tokalau e cake, a sa lako laivi ko koya: a sa cagina tani mai na nona yasana e na cava.

22Ena biliraki koya, ka sega ni cegu: sa na via dro tani ko koya mai na kena kaukauwa.

23Ena cobo vua na cava, ka vakaisaisataki koya tani e na nona yasana.