Ai Vola Kei Jope 26 - AI VOLA TABU（FIJ1864）

Sa vunauci Pilitati ko Jope, 1-4, a sa tukuna na nona cakacaka rerevaki na Kalou, 5-14.

1SA qai vosa ko Jope, ka kaya,

2O sa vukei koya vakacava sa tawa kaukauwa? o sa vakabula vakacava na liga i koya sa malumalumu?

3O sa vakavulici koya vakacava sa tawa vuku? ka tukuna sara vakacava na ka e dodonu, ne?

4o sa cavuta vei cei na vosa? ia na yalo i cei sa lako maivei iko?

5O ira na qaqa era mate, kei ira era tiko vata, era sa vutugu e na ruku ni wai.

6Sa tawa tabogo e matana ko etesi, a sa sega ni ubi na rusa.

7Sa tevuka yani na kalokalo mai na mata ni ceva e na lomalagi lala, a sa vakarubeci vuravura e na ka sa sega ga.

8Sa vauca na wai e nona o vavaku; a sa sega ni kadresu na o e rukuna.

9Sa vakatatabuya na mata ni nonai tikotiko: a sa tabonaka e na nona o.

10Sa volita na wai e na kenai yalayala, ka me oti mada na siga kei na bogi.

11Sa sautaninini na duru kei lomalagi, a sa kidacala ni sa vunauca ko koya.

12Sa wasea na wasawasa e nona kaukauwa, a sa lautaba-sikataki koya na viavialevu e nona vuku.

13Sa vakaiukuukutaka na lomalagi e na Yalona; sa cakava na gata takelo na ligana.

14Raica, o qori ga na nonai valavala e so: ia na vakasorokakana walega eda sa rogoca kina: ia na kurukuru ni nona kaukauwa, ko cei me na kila rawa?