1A SA tiko mai Jerusalemi ko ira na nodra turaga na tamata: ko ira na tamata sa vo, era sa ia talega na veidigidigi, me kauta mai nai katini ni wase ni tamata me tiko e Jerusalemi, na koro tabu, ka me tiko e ciwa e na Veikoro tani.
2Ia ko ira na tamata era sa vosavakalougatataki ira era sa bolea me tiko mai Jerusalemi.
3Ia sa vakaoqo ko ira sa liu e na yasana ko ya ka ra sa tiko mai Jerusalemi: (ia ka sa tiko e na nodra veikoro na Juta ko ira na Isireli, kei ira na bete, kei ira na Levi, kei ira na Necinimi, kei ira na luvedra na tamata i Solomoni; era tiko yadua e na vanua era sai taukei kina, e na nodra veikoro.
4A sa tiko mai Jerusalemi e so vei ira na luve i Juta, ka so vei ira na luve i Penijamini.)
Vei ira na luve i Juta: o Ataya, na luve i Usa, na luve i Sikariya, na luve i Emariya, na luve i Sifatiya, na luve i Meelieli, na luve i Feresi;
5kei Meesiya na luve i Paruki, na luve i Koli-ose, na luve i Esaya, na luve i Ataya, na luve i Yoyaripi, na luve i Sikariya, na luve i Siloni.
6O ira kece na luve i Feresi era sa tiko mai Jerusalemi era sa va na drau ka onosagavulu ka walu na tamata qaqa.
7Ia ko ira o qo na luve i Penijamini: o Salu na luve i Misulami, na luve i Yoeti, na luve i Pitaya, na luve i Kolaya, na luve i Meeseya, na luve i Isieli, na luve i Isaya.
8A sa taravi koya ko Kapei, ko Salei, e ciwa na drau ka ruasagavulu ka walu. Kei Joeli na luve i Sikiri na nodra turaga: kei Juta na luve i Senua nai karua ni turaga e na koro.
10Vei ira na bete: o Yitaya na luve i Yoyaripi, ko Yakini.
11O Siraya na luve i Ilikiya, na luve i Misulami, na luve i Satoki, na luve i Mirayoca, na luve i Eiitupi, o koya sa lewa na vale ni Kalou.
12Kei ira na wekadra era sa kitaka na cakacaka ni vale, era lewe walu na drau ka ruasagavulu ka rua: kei Ataya na luve i Yiroami, na luve i Pilatiya, na luve i Amisi, na luve i Sikariya, na luve i Pasuri, na luve i Malikiya,
13kei ira na wekana, era liu vei ira na qase, e rua na drau ka vasagavulu ka rua: kei Amasisai na luve i Esareli, na luve i Asai, na luve i Misilemici, na luve i Imeri,
14kei ira na wekadra, era tamata qaqa, e dua na drau ka ruasagasulu ka walu: ia na nodra turaga ko Papitieli, na luve ni dua na tamata turaga.
15Vei ira talega na Levi: o Simaya na luve i Asupi, na luve i Asirikami, na luve i Esapiya, na luve i Puni;
16kei Sapicei kei Yosapati, vei ira era liu vei ira na Levi, era sa lewa na cakacaka mai taudaku ni vale ni Kalou.
17Kei Mataniya na luve i Mika, na luve i Sapiti, na luve i Asafi, sa liu me vakatekivu na vakavinavinaka ni ra sa masu: kei Pakipukiya nai karua vei ira na wekana, kei Apita na luve i Samua, na luve i Kalali, na luve i Yitucuni.
180 ira kece na Levi e na koro tabu era sa rua na drau ka walusagavulu ka va.
19O ira talega nai vakatawa ni katuba: o Akupi, o Talimoni, kei ira na wekadra era vakatawa na matamata-ni-koro, era sa dua na drau ka vitusagasulu ka rua.
20Kei ira na Isireli sa vo, vei ira na bete, ko ira na Levi, era sa tiko e na nodra veikoro kecega na Juta, o ira yadua e na nonai votavota.
21Ia ko ira na Necinimi era tiko mai Ofeli: a sa turaga vei ira na Necinimi ko Sia kei Kisipa.
22O koya talega ka lewai ira na Levi mai Jerusalemi, ko Usi na luve i Pani, na luve i Esapiya, na luve i Mataniya, na luve i Mika. Vei ira na luve i Asafi, o ira na dau-ni-meke era sa lewa na cakacaka ni vale ni Kalou.
23Ni sa nona vosa na tui e na vukudra, me sa dua na nodrai votavota na dau-ni-meke e na veisiga kecega.
24Kei Picaya na luve i Misesapeli, vei ira na luve i Sera na luve i Juta, sa nona mata na tui e na ka kece me kitaki vei ira na tamata.
25Ia ki na veikoro lalai, kei na nodra vanua ni teitei, e so vei ira na luve i Juta era sa tiko mai Kiriaci-aripa kei na kena veikoro lalai, kei Tiponi kei na kena veikoro lalai, kei Yikapiseli kei na kena Veikoro lalai,
26kei Josua, kei Molata, kei Paci-paleti,
27kei na koro ko Suali, kei Pieri-sepa kei na kena Veikoro lalai,
28kei Sikilaki, kei Mikona kei na kena Veikoro lalai,
29kei Eni-rimoni, kei Saria, kei Yarimuci,
30kei Sanoa, kei Etulami, kei na kedra veikoro lalai, kei Lakisi kei na kena vanua ni teitei, mai Aseka kei na kena veikoro lalai. A ra sa tiko mai Pieri-sepa ka yala ki na buca i Inomi.
31O ira talega na luve i Penijamini mai Kepa, mai Mikimasi, kei Aia, kei Peceli, kei na nodra Veikoro lalai,
32kei Anacoci, ko Nopi, ko Ananiya,
33ko Esori, ko Rama, ko Kiteimi,
34ko Atiti, ko Sipoimi, ko Nipalati,
35ko Loti, kei Ono, na nodra buca na matai.
36Ia vei ira na Levi, sa so na nodrai votavota e Juta, mai Penijamini talega.
Who We AreWhat We EelieveWhat We Do
2025 by iamachristian.org,Inc All rights reserved.
