Ai Vola I Niemiya 10 - AI VOLA TABU（FIJ1864）

A yacadra era sa dregata na veiyalayalati, 1-27. A veika era sa veiyalayalatitaka, 28-39.

1IA ko ira o qo era sa dregata nai vola: o Niemiya na turaga, na luve i Ekaliya, kei Sitikiya,

2o Siraya, o Asariya, o Yirimia,

3o Pasuri, o Amariya, o Malikiya,

4o Atusi, o Sipaniya, o Maluki,

5o Arimi, o Mere-moci, o Opatiya,

6o Tanieli, o Kiniconi, o Paruki,

7o Misulami, o Epiya, o Miyamini,

8o Measiya, o Pilikai, o Simaya: o ira o qo na bete.

9Ia ko ira na Levi: o Josua na luve i Esaniya, o Pinui vei ira na luve i Enatati, o Katimieli;

10kei iratou na wekadratou, ko Sipaniya, o Otiya, o Kilita, o Pitaya, o Anani,

11o Mika, o Riopi, o Esapiya,

12o Sakuri, o Serepiya, o Sipaniya,

13o Otiya, o Pani, o Pininu.

14O ira sa liu vei ira na tamata: o Parosi, o Peaci-moapi, o Elama, o Satu, o Pani,

15o Puni, o Asikati, o Pepai,

16o Etoniya, o Pikivai, o Atini,

17o Ateri, o Isikeya, o Asuri,

18o Otiya, o Asumi, o Pisai,

19o Ariti, o Anacoci, o Nepei,

20o Makipiasi, o Misulami, o Esiri,

21o Misesapeli, o Satoki, o Yatua,

22o Pilatiya, o Anani, o Anaya,

23o Osea, o Eneniya, o Asupi,

24o Aloesi, o Pila, o Sopeki,

25o Riumi, o Esapina, o Meeseya,

26kei Eiya, o Anani, o Anani,

27o Maluki, o Arimi, o Peana.

28Ia ko ira na tamata sa vo, ko ira na bete, ko ira na Levi, ko ira nai vakatawa ni katuba, ko ira na dau-ni-meke, ko ira na Necinimi, kei ira kecega era sa wasei ira tani maivei ira na lewe ni veivanua ki na vunau ni Kalou, ko ira na watidra, ko ira na luvedra tagane, kei ira na luvedra alewa, o ira kece era vuku, ka kila ka;

29era sa kabiti ira na wekadra a ya na nodra turaga, ka ia na ruru, kei na vosa vavakini, me muria na vunau ni Kalou, a ya sa soli e na gusu i Mosese nai talatala ni Kalou, ka me vakabauta ka cakava na vunau kecega i Jiova na noda Turaga, kei na nona veilewa, kei na nona veilesilesi;

30ia me da kakua ni solia na luveda alewa vei ira na lewe ni vanua, se kauta na luvedra alewa mo wati ni luveda tagane:

31ia kevaka sa kauta mai nai yaya se na kakana ko ira na lewe ni vanua me volitaki e na siga ni vakacecegu, me da kakua ni volia vei ira e na siga ni vakacecegu, se dua na siga e tabu: me da laiva talega nai kavitu ni yabaki, ka sega ni taroga nai voli ni ka sa tawa vakaivolitaki.

32Ia eda a lesia vei keda e so na ka, me da sa dui solia e na veiyabaki nai katolu ni wase ni sekeli, ki na cakacaka ni vale ni noda Kalou;

33ki na madrai sa yatuni, kei nai madrali laukana sa ia tikoga, kei nai soro kama sa ia tikoga, ki na veisiga ni vakacecegu, kei na veivula vou, kei na solevu sa loku tu, ki na ka tabu talega, kei nai soro ni valavala ca me sorovaki ira kina na Isireli, kei na cakacaka kecega ni vale ni noda Kalou.

34Ia eda a kitaka nai vola ni veidigidigi vei ira na bete, kei ira na Levi, kei ira na tamata, e na vuku ni buka sa cabori, me kauta ki na vale ni noda Kalou, me vaka na mataqali ni noda qase, e na gauna sa loku e na veiyabaki me vakama e nai cabocabo-ni-soro i Jiova na noda Kalou, me vaka sa volai e na vunau:

35me kauta talega mai ki na vale i Jiova, nai sevu ni noda vanua, kei nai sevu kecega ni vua ni kau kecega, e na veiyabaki:

36a ulumatua talega ni luveda tagane, kei na noda manumanu, me vaka sa volai c na vunau, kei na ulumatua ni noda karavau kei na noda sipi, me kauta mai ki na vale ni noda Kalou, vei ira na bete era sa cakacaka tiko e na vale ni noda Kalou:

37me da kauta talega mai nai sevu ni noda madrai droka, kei na ka eda sa cabora, kei na vua ni kau kecega, ni waini, kei na waiwai, vei ira na bete, ki na veitaba-ni-vale ecake c na vale ni noda Kalou; kei nai katini ni vua ni noda vanua vei ira na Levi, me nodra na Levi o qori nai katini e na veikoro kecega eda sa daucaka were kina.

38Ia me na tiko vata kei ira na Levi ko koya na bete na luve i Eroni, ni ra sa kauta nai katini ko ira na Levi: ia era na kauta cake nai katini ni kenai katini ko ira na Levi ki na vale ni noda Kalou, ki na veitaba-ni-vale ecake, ki na vale ni yau.

39Ia ko ira na luve i Isireli kei ira na luve i Levi, era na kauta mai na ka sa cabori mai na sila, mai na waini vou, kei na waiwai, ki na veitaba-ni-vale ecake, sa tu kina nai yaya ni vale ni soro, kei ira na bete era daucakacaka, kei ira nai vakatawa ni katuba, kei ira na dau-ni-meke: ia me da kakua ni biuta na vale ni noda Kalou.