Ai Vola I Niemiya 3 - AI VOLA TABU（FIJ1864）

Sa ia na viri bai, ka sa caka na veimatamata-ni-koro.

1SA qai tu cake ko Iliyasipi na bete levu kei ira na wekana na bete, a ra sa cakava na matamata-ni-koro ni sipi; era sa vakatabuya, ka vakaduria na kena veisogo; io era sa vakatabuya, ka yacova na vale-cecere i Mea, ka yacova na vale-cecere i Enaneli.

2A sa viri me taravi koya ko ira na kai Jeriko. A sa viri me taravi ira ko Sakuri na luve i Imiri.

3Ia era sa cakava na matamata-ni-koro ni ika ko ira na luve i Sinaa, a ra sa virikotora na kena kau, ka vakaduria na kena veisogo, na kena veiloka, kei na kenai vakadei.

4A sa viri me taravi ira ko Miremoci na luve i Uriya, na luve i Kosi. A sa viri me taravi ira ko Misulami na luve i Perekiya, na luve i Misesapeli. A sa viri me taravi ira ko Satoki na luve i Peana.

5A sa viri me taravi ira ko ira na kai Tikoa; ia ko ira na nodra turaga, era sa sega ni kitaka na cakacaka ni nodra Turaga.

6Ia na matamata-ni-koro makawa sa cakava ko Yioyata na luve i Pasea, kei Misulami na luve i Pisotiya; era a virikotora na kena kau, ka vakaduria na kena veisogo, kei na kena veiloka, kei na kenai vakadei.

7A sa viri me taravi ira ko Milatiya na kai Kipioni, kei Yatoni na Meronoci, ko ira na kai Kipioni, kei ira mai Misipa, ka yacova nai tikotiko vakaturaga ni turaga e na tai o qo ni uciwai.

8A sa viri me taravi koya ko Usieli na luve i Arieya, maivei ira na matai ni koula. A sa viri me taravi koya ko Eneniya na luvena e dua maivei ira na daucakai saluaki, a ra sa vakaukauwataki Jerusalemi ka yacova na bai rabailevu.

9A sa viri me taravi ira ko Rifaya na luve i Uri, o koya sa lewa e dua na wase ni Jerusalemi.

10A sa viri me taravi koya ko Yitaya na luve i Erumafi, e na tikina sa donuya na nona vale. A sa viri me taravi koya ko Atusi na luve i Esapiniya.

11Sa viri na tikina sa vo, kei na vale-cecere mai na lovo, ko Malikiya na luve Arimi, kei Asupi na luve i Peaci-moapi.

12A sa viri me taravi koya ko Salumi na luve i Aloesi, o koya sa lewa e dua na wase ni Jerusalemi, o koya kei iratou na luvena alewa.

13Sa cakava na matamata-ni-koro ki na buca ko Anuni, kei ira na kai Sanoa; era sa tara, ka vakaduria na kena veisogo, na kena veiloka, kei na kenai vakadei, ka sa rua na udolu na caga ni bai ka yacova na matamata-ni-koro ni benu.

14A sa cakava na matamata-ni-koro ni benu ko Malikiya na luve i Rekapi, o koya sa turaga ni dua na wase ni Peci-akerimi; sa cakava ko koya, ka vakaduria na kena veisogo, na kena veiloka, kei na kenai vakadei.

15Ia na matamata-ni-koro ni vure-wai sa cakava ko Salimi na luve i Koliose, na turaga ni dua na tiki ni Misipa; sa cakava ko koya, ka ubia, ka vakaduria na kena veisogo, na kena veiloka, kei na kenai vakadei, kei na bai mai na drano ko Sela, mai na nona were na tui, kei nai sobusobu sa lako sobu mai na koro i Tavita.

16A sa viri me taravi koya ko Niemiya na luve i Asipuki, na turaga ni dua na wase ni Peci-suri, ka yaco me donuya nai bulubulu i Tavita, kei na drano ka cakavi, kei na vale ni qaqa.

17Sa viri me taravi koya ko ira na Levi, ko Riumi na luve i Pani. Sa viri me taravi koya ko Esapiya, na turaga ni dua na wase ni Kiila, e na nona tikina.

18Sa viri me taravi koya ko ira na wekadra, ko Pavai na luve i Enatati, na turaga ni dua na wase ni Kiila.

19A sa viri me taravi koya ko Eseri na luve i Josua, na turaga ni Misipa, e dua tale na tikina sa donuya nai cabecabe ki na vale ni yaragi mai na tutuna.

20Sa viria gumatua na tikina sa vo, me taravi koya, ko Paruki na luve i Sapei, mai na tutuna, ka yacova na katuba ni vale i Iliyasipi na bete levu.

21Sa viria me taravi koya ko Miremoci na luve i Uriya na luve i Kose, e dua tale na tikina, mai na katuba ni vale i Iliyasipi ka yacova na tutu ni vale i Iliyasipi.

22A sa viri me taravi koya ko ira na bete era kai buca.

23Sa viri me taravi koya ko Penijamini kei Asupi me donuya na nodra vale. Sa viri me taravi koya ko Asariya na luve i Meeseya na luve i Ananiya mo voleka ki na nona vale.

24Sa viria me taravi kova ko Pinui na luve i Enatati e dua tale na tikina, mai na vale i Asariya ka yacova na tiki-ni-bai kadua, io ka yacova na tutuna.

25O Palali na luve i Usei, sa donuya na tutuna kei na vale-cecere sa donuya na nona vale-cecere na tui, sa voleka kina bai ni vale ni veivesu. Sa taravi koya ko Pitaya na luve i Parosi.

26Ia ko ira na Necinimi era a tiko mai Ofeli, ka yaco me donuya na matamata-ni-koro ni wai kivaka ki cake, kei na vale-cecere sa tu yani.

27Sa viria me taravi ira ko ira na kai Tikoa e dua tale na tikina, sa donuya na vale-cecere levu sa koto yani, ka yacova na bai mai Ofeli.

28Sa viri ecake ko ira na bete mai na matamata-ni-koro ni ose, me donuya yadua na nona vale.

29Sa viri me taravi ira ko Satoki na luve i Imeri me donuya na nona vale. Sa viri me taravi koya ko Simaya na luve i Sikaniya, nai vakatawa ni matamata-ni-koro mai na tu e cake.

30Sa viria me taravi koya ko Eneniya na luve i Selemiya, kei Anuni nai kaono ni luve i Salafi, e dua tale na tikina. Sa viri me taravi koya ko Misulami na luve i Perekiya me donuya na nona vale.

31Sa viri me taravi koya ko Malikiya na luvena na matai ni koula ka yacova na nodra yasana na Necinimi, kei na nodra na tamata dauveivoli, me donuya na matamata-ni-koro ko Mifikati, ka yacova nai cabecabe ki na tutuna.

32A sa viri ko ira na matai ni koula, kei ira na tamata dauveivoli, e na tadrua ni cabecabe ni tutuna ka yacova na matamata-ni-koro ni sipi.