Ai Vola I Esira 10 - AI VOLA TABU（FIJ1864）

Sa veivutuni ko ira na Jiu, ka ra sa biuta na watidra era kai tani.

1IA ni sa masu oti ko Esira, ka vakatusa ka tagi, ka bale vakatobocu e na mata ni vale ni Kalou, era sa qai soqoni vata vua nai vavakoso levu maivei ira na Isireli, na tagane, kei na alewa, kei na gone: ni sa tagi vakalevu ko ira na tamata.

2A sa vosa vei Esira ko Sikaniya na luve i Yieli, e dua vei ira na luve i Elama, ka kaya, Keitou sa valavala ca vua na neitou Kalou, ka kauti ira na alewa era kai tani me wati i keitou maivei ira na lewe ni vanua: ia sa na vinaka rawa tale ko ira na Isireli mai na ka o qo.

3Ia o qo me da ia na veiyalayalati kei na noda Kalou, me biuti ira tani na wati i keitou kecega, kei ira era sa sucu vei ira, me vaka na vosa ni noqu turaga, kei na nodra era sa sautanini e na vuku ni vosa ni noda Kalou; ia me kitaki me vaka na vunau.

4Mo ia, ni sa nomu na ka o qo: keitou na tiko talega kei iko: mo qaqa ga, ka kitaka.

5Sa qai ia ko Esira, ka kitaki ira na bete levu, kei ira na Levi, kei ira kecega na Isireli, me ra vosavavakini me ia me vaka na vosa o qo. A ra sa vosavavakini.

6Sa qai tu cake ko Esira mai na mata ni vale ni Kalou, ka curu ki na tiki ni vale sa nei Yoanani na luve i Iliyasipi: ia ni sa yaco kina, sa sega ni kana madrai, se gunu wai: ni sa tagicaka na nodra talaidredre na kauti tani.

7A ra sa rogovaka yani e Juta kei Jerusalemi vei ira kece era a vakabobulataki, me ra soqoni vata mai ki Jerusalemi;

8ia ko koya sa na bese ni lako mai e na bogi tolu, me vaka na ka era bosea na turaga kei ira na qase, me kovei vua na nona yau kecega, ka tawase tani ko koya mai na nodrai soqosoqo na kauti tani.

9Era sa qai soqoni vata ki Jerusalemi ko ira kecega na yavusa ni Juta kei Penijamini ni sa tawa oti na bogi e tolu. O qori nai kaciwa ni vula, e nai karuasagavulu na siga ni vula; a sa tiko ko ira kecega na tamata e na salatu mai na vale ni Kalou, ka sautaninini e na vuku ni ka o qo, e na vuku ni uca levu talega.

10A sa tu cake ko Esira na bete, ka sa kaya vei ira, Dou sa talaidredre, ni dou sa kauta na kai tani me watimudou, me vakalevutaka na nodra talaidredre na Isireli:

11ia o qo, mo dou vakatusa vei Jiova na nodra Kalou na nomudou qase, ka kitaka na ka e vinaka vua: ka tawasei kemudou tani maivei ira na lewe ni vanua, kei ira na watimudou era kai tani.

12Era sa qai vosa nai vavakoso taucoko, ka kaya e na domo levu, E dodonu me keitou kitaka me vaka na ka ko sa kaya:

13ia era sa lewe vuqa ko ira na tamata, a sa levu na uca e na veisiga o qo, a sa dredre me keimami tiko etautuba, a sa sega ni cakacaka o qo ni bogi ga e dua, se rua: ni keimami sa lewe vuqa sa talaidredre e na ka o qo:

14me ia tiko ko ira na noda turaga ni vavakoso taucoko, ia me dui lako mai e na siga sa loku, ko ira kecega e na noda veikoro era sa veiwatini kei ira na alewa e kai tani, kei ira na qase mai na veikoro, kei ira na dauveilewai, ka me saumaki tani mada vei keda na cudru waqawaqa ni noda Kalou e na vuku ni ka o qo.

15Ia ko Jonacani ga na luve i Asaeli kei Yasiya na luve i Tikiva erau sa kitaka na ka o qo: a sa vukei rau ko Mesulami kei Sapicei na Levi.

16A ra sa kitaka vakakina ko ira na vakabobulataki.

A ra sa lesi, ko Esira na bete, ka so vei ira era sa qase sa liu, me vaka na mataqali ni nodra qase, me vaka na yacadra yadua, a ra sa tiko sobu e nai matai ni siga e nai katini ni vula, me bosea na ka o qori.

17A ra sa vakaoti ira kecega na tamata era a veiwatini kaya na alewa era kai tani, ni sa yaco nai matai ni siga ni matai ni vula.

18A sa kune e so maivei ira na luvedra na bete era a veiwatini kaya na alewa era kai tani: maivei iratou na luve i Josua na luve i Yosataki, kei iratou na wekana: o Meeseya, kei Elieseri, kei Yaripi, kei Kitaliya.

19A ra sa yalayala me ra biuta tani na watidra, ia ni ra sa cala kina, era sa vakacabora e dua na sipi tagane mai na qele ni sipi, e na vuku ni nodra cala.

20Ia vei iratou na luve i Imeri: o Enani, kei Sipatiya.

21Vei iratou talega na luve i Arimi: o Meeseya, kei Ilija, kei Simaya, kei Yieli, kei Usia.

22Vei iratou talega na luve i Pasuri: o Elioenei, ko Meeseya, ko Isimeeli, ko Nicaneli, ko Yosapati, kei Elasa.

23Vei iratou talega na Levi: o Yosapati, kei Simi, kei Kelaya (o ya ko Kilita), ko Picaya, ko Juta, kei Elieseri.

24Vei iratou talega na dausere: o Iliyasipi; vei iratou talega nai vakatawa ni katuba: o Salumi, kei Telemi, kei Urai.

25Ia vei ira na Isireli: vei iratou na luve i Parosi: o Rimaya, kei Yisiya, kei Malikiya, kei Miyamini, kei Eliasari, kei Malikiya, kei Pinaya.

26Vei iratou talega na luve i Elama: o Mataniya, ko Sikariya, kei Yieli, kei Apiti, kei Yiremoci, kei Eiiya.

27Vei iratou talega na luve i Satu: o Elioenei, ko Iliyasipi, ko Mataniya, kei Yiremoci, kei Sepati, kei Asisa.

28Vei iratou na luve i Pepai: o Yioyanani, ko Eneniya, ko Sapei, ko Acelai.

29Vei iratou na luve i Pani: o Mesulami, ko Maluki, kei Ataya, ko Yasupi, kei Siali, kei Pamoci.

30Vei iratou talega na luve i Peaci-moapi: o Atini, ko Kilali, ko Pinaya, ko Meeseya, ko Mataniya, ko Pisalieli, kei Pinui, kei Manase.

31Vei iratou na luve i Erimi: o Elieseri, ko Isiya, ko Malakiya, ko Simaya, ko Simioni,

32ko Penijamini, ko Maluki, ko Simariya.

33Vei iratou na luve i Asumi: o Matinei, ko Mataca, ko Sapati, ko Ilifeleti, ko Yire-mei, ko Manase, ko Simi.

34Vei iratou na luve i Pani: o Meetei, ko Amirami, kei Ueli,

35ko Pinaya, ko Petiya, ko Kiluai,

36ko Vaniya, ko Miremoci, ko Iliyasipi,

37ko Metaniya, ko Matinei, kei Yeesai,

38kei Pani, kei Pinui, ko Simi,

39kei Selemiya, kei Nacani, kei Ataya,

40ko Makanatipei, ko Sasei, ko Sarei,

41ko Asareli, kei Selemiya, ko Simariya,

42ko Salumi, ko Emariya, ko Josefa.

43Vei iratou na luve i Nipo: o Yieli, ko Mataciya, ko Sapati, ko Sipina, ko Yatavi, kei Joeli, ko Pinaya.

44O ira kecega o qo era sa vakawati kei na alewa era kai tani: ka so vei ira sa vakaluveni vei ira na watidra.