II. A Veika Sa Caka E Na Veigauna 25 - AI VOLA TABU（FIJ1864）

Sa Juta Amasiya, a sa soro ko koya ki na nodra veikalou na Itomi.

1SA ruasagavulu ka lima na yabaki i Amasiya ni sa mai tui, ka sa lewa e Jerusalemi ka yabaki ruasagavulu ka ciwa. Ia na yaca i tinana ko Yioatani mai Jerusalemi.

2A sa caka ka dodonu ko koya e na mata i Jiova, ka sega ni dodonu na yalona.

3Ia ni sa vakataudeitaki vua na matanitu, sa qai mokuti rau na tamata erau a vakamatea na tui ko tamana ko koya.

4Ia ka sa sega ni vakamatei iratou na luvedrau, a sa vaka ga na ka sa volai e na vunau i Mosese, e na tikina sa vosa kina ko Jiova, ka kaya, Ena sega ni mate ko ira na qase c na vukudra na gone, ena tawa mate talega ko ira na gone e na vukudra na qase, ia ena mate ga na tamata yadua e na vuku ni nonai valavala ca.

5A sa vakasoqoni ira vata na Juta ko Amasiya, a sa buli ira me ra turaga ni veiudolu, kei na turaga ni veidrau, me vaka na veimataqali ni qase e Juta kei Penijamini taucoko: a sa wiliki ira sa ruasagavulu na nodra yabaki kei ira sa qase cake, a sa kunea ni sa oba vakatolusagavulu na tamata i bula, me lako e nai valu, ka dautaura na moto kei nai sasabai.

6Sa volia e oba vakatini na tamata qaqa maivei ira na Isireli e na dua na drau na taledi siliva.

7Ia ka sa lako mai vei koya e dua na tamata ni Kalou, a sa kaya, Na tui, me kakua mada ni lako vata kei iko nai valu ni Isireli: ni sa sega ni tiko kei ira na Isireli ko Jiova, vei ira kecega na luve i Ifireimi.

8Ia kevaka sa lomamu me lako, mo ia ga; mo kaukauwa ki nai valu: sa rawarawa vua na Kalou me vakabalei iko e na mata dra na meca: ni sa rawa vua na Kalou me veivuke, me veivakabalei talega.

9A sa kaya ko Amasiya vua na tamata ni Kalou, Ia ka cava me da cakava e na vuku ni taledi e dua na drau au sa solia ki na nodrai valu na Isireli? A sa kaya na tamata ni Kalou, E rawarawa vua na Kalou me solia vei iko e levu cake sara e na ka o qo.

10Sa qai tawasei ira ko Amasiya, o qori nai valu ka lako mai kivei koya mai Ifireimi, me ra lesu tale ki nodra veivale: a sa caudre vakalevu kina na nodra cudru kivei ira na Juta, a ra sa lesu ki nodra vale ka levu na nodra cudru.

11A sa vakaukauwataki koya ko Amasiya, a sa tuberi ira yani na nona tamata, a sa lako ki na buca ni masima, ka mokuta vei ira na luve i Seira e tini na udolu.

12A sa udolu vakatini sa vakabulai era sa vakabobulataka ko ira na luve i Juta, a sa kauta ki na dela ni ulu-vatu, a ra sa biuti ira sobu mai na dela ni ulu-vatu, era sa kabasu kecega kina.

13Ia ko ira na tamatai valu e na mataivalu sa vakasuka ko Amasiya, me ra kakua ni lako kaya ki nai valu, era sa lutuka na nodra Veikoro na Juta, sa vakatekivu mai Samaria ka yaco ki Peci-oroni, a ra sa mokuta e lewe tolu na udolu vei ira, a sa levu na yau era sa tokitaka.

14Ia ni sa tale mai ko Amasiya mai na mokuti ira na kai Itomi, sa kauta mai ko koya na nodra veikalou na luve i Seira, ka vakaduria cake me nona veikalou, ka cuva vakatobocu e matadra, ka vakama e matadra na ka boi vinaka.

15A sa waqa mai kina na cudru i Jiova vei Amasiya, a sa tala vua e dua na parofita, o koya sa kaya vua, A cava ko sa vakasaqara kina vei ira na nodra veikalou na tamata era a sega ni vakabulai ira rawa na nodra tamata mai na ligamu?

16Ia ni sa veivosaki tiko kaya, sa kaya vua, O sa lesi beka mo dua vei ira sa daubose kaya na tui? kua so; ko na moku e na vuku ni cava? A sa kua so na parofita, a sa kaya, Au sa kila ni sa nakita ko na Kalou me vakarusai iko, e na vuku ni ko a kitaka na ka o qo, ka sega ni vakarorogo ki na noqu vosa.

17Sa qai ia na bose ko Amasiya na tui Juta, ka vakatadu mata kivei Yoasi na luve i Yioaasi, na luve i Yeu, na tui Isireli, a sa kaya, Mo lako mai, me daru veiraici mata.

18A sa talaki ko Yoasi na tui Isireli kivei Amasiya na tui Juta, a sa kaya, E dua na wa vakavotona mai Lipanoni sa talaki ki na sitari mai Lipanoni, ka kaya, Tei musuka mada na luvemu alewa vua na luvequ tagane me watina; a sa lako yani e dua na manumanu tawa lasa a ya mai Lipanoni, ka sa buturaka sobu na wa vakavotona.

19O sa kaya, Raica, kaʼu sa mokuti ira oti na kai Itomi; ka sa vakadoudoutaki iko na lomamu mo bole; mo tikoga e nomu yasana; o na yavavala e na vuku ni cava, mo bale kina, o iko, oi kemudou vata kei ira na Juta?

20A sa bese ni rogoca ko Amasiya; ia ka sa mai vua na Kalou, me soli ira kina ki na ligadra na meca, e na vuku ni ra sa vakasaqara na veikalou ni Itomi.

21A sa lako cake ko Yoasi na tui Isireli; a rau sa veiraici mata, o koya kei Amasiya na tui Juta, mai Peci-semesi, a ya na nodra na Juta.

22A sa moku ko ira na Juta vei ira na Isireli, a ra sa dro na tamata yadua ki na nona vale.

23Ia ko Yoasi na tui Isireli sa vauci Amasiya na tui Juta, na luve i Yoasi, na luve i Yioaasi, mai Peci-semesi, ka sa kauti koya ki Jerusalemi, ka basuka sobu na bai mai Jerusalemi mai na matamata-ni-koro nei Ifireimi ki na matamata-ni-koro e tutuna, e walu na drau na caga.

24A sa kau kecega na koula kei na siliva, kei nai yaya kecega sa kune e na vale ni Kalou vei Opeti-itomi, kei na yau ni vale ni tui, kei ira na tamata me vakataudeitaki kina na sautu, ka sa lesu tale ki Samaria.

25A sa bula tiko ka yabaki tinikalima ko Amasiya, na luve i Yoasi na tui Juta, ni sa mate ko Yoasi na luve i Yioaasi na tui Isireli.

26Ia na vo ni cakacaka i Amasiya, a kedrai matai, kei na kedrai otioti, raica, sa sega li ni volai e na kedrai vola na tui Juta kei Isireli?

27Ia e na gauna ka lesu tani oti tina ko Amasiya me kakua ni muri Jiova, era sa buki kena vere mai Jerusalemi, ka sa dro ko koya ki Lakisi: a sa muri koya nai talaki ki Lakisi, ka vakamatea maikea.

28A ra sa kauti koya mai e na daku ni ose, ka buluta vata kei ira na nona qase e na koro nei Juta.