I. A Veika Sa Caka E Na Veigauna 27 - AI VOLA TABU（FIJ1864）

O iratou na turaga ni valu, 1-15. O iratou na turaga ni veiyavusa, 16-22. Sa tarova na wili, 23, 24. O ira na turaga nei Tavita, 25-34.

1IA o qo na nodrai wiliwili na luve i Isireli, ko ira na qase turaga, kei ira na turaga ni veiyaudolu kei na veiyadrau, kei ira na matanivanua era sa veitaravi ni ra qarava na tui, ko ira era sa lako mai ka lako yani vakavula, e na veivula kecega ni yabaki, sa yaruasagavulu ka va na udolu e na nodra mataivalu kecega.

2Sa turaga vei ira na mataivalu e nai matai ni vula, ko Yasopiami na luve i Sapitieli: ka sa lewe ruasagavulu ka va na udolu e na nona mataivalu.

3O koya sa liu vei ira kece na turaga ni veimataivalu e nai matai ni vula sa maivei ira na luve i Feresi.

4A sa turaga ko Totei na luve i Eoi e na mataivalu sa lako e nai karua ni vula, sa lewa talega ena nona mataivalu ko Mikiloci: a sa lewe ruasagavulu ka va na udolu e na nona mataivalu.

5Ai katolu ni turaga ni mataivalu, sa lako e nai katolu ni vula, ko Pinaya na luve i Yioyata, sa tamata turaga: a sa lewe ruasagavulu ka va na udolu e na nona mataivalu.

6Ko Pinaya o qo sa dua vei ira na lewe tolusagavulu na qaqa, a sa uasivi cake vei ira na lewe tolusagavulu, ka sa tiko e na nona mataivalu ko Amisapati na luvena.

7Ai kava, sa lako e nai kava ni vula, ko Asaeli na taci i Yoapi, a sa taravi koya ko Sipatiya na luvena: a sa lewe ruasagavulu ka va na udolu e na nona mataivalu.

8Ai kalima ni turaga ni valu, sa lako e nai kalima ni vula, ko Samuci na Isira: a sa lewe ruasagavulu ka va na udolu e na nona mataivalu.

9Ai kaono, sa lako e nai kaono ni vula, ko Ira, na luve i Ikesi na kai Tikoa: a sa lewe ruasagavulu ka va na udolu e na nona mataivalu.

10Ai kavitu, sa lako e nai kavitu ni vula, ko Elesi na kai Piloni, maivei ira na luve i Ifireimi: sa lewe ruasagavulu ka va na udolu e na nona mataivalu.

11Ai kawalu, sa lako e nai kawalu ni vula, ko Sipikei na luve i Usa, maivei ira na luve i Sera: a sa ruasagavulu ka va na udolu e na nona mataivalu.

12Ai kaciwa, sa lako e nai kaciwa ni vula, ko Epieseri na kai Anacoci, maivei ira na luve i Penijamini: a sa lewe ruasagavulu ka va na udolu e na nona mataivalu.

13Ai katini, sa lako e nai katini ni vula, ko Meerei na Nitofa, maivei ira na luve i Sera: a sa lewe ruasagavulu ka va na udolu e na nona mataivalu.

14Ai katinikadua, sa lako e nai katinikadua ni vula, ko Pinaya na kai Piraconi, maivei ira na luve i Ifireimi: a sa lewe ruasagavulu ka va na udolu e na nona mataivalu.

15Ai katinikarua, sa lako e nai katinikarua ni vula, ko Elitai na kai Nitofa, maivei Ocinieli: a sa lewe ruasagavulu ka va na udolu e na nona mataivalu.

16A nodra turaga talega na veiyavusa i Isireli: sa lewai ira na luve i Rupeni ko Elieseri na luve i Sikiri; vei ira na luve i Simioni, ko Sifatiya na luve i Meeka:

17vei ira na Levi, ko Esapiya na luve i Kimueli: vei ira na luve i Eroni, ko Satoki:

18vei ira na Juta, ko Iliu, vei ira na tuaka i Tavita: vei ira na Isakari, ko Omiri na luve i Mikaeli:

19vei ira na Sepuloni, ko Isimaya na luve i Opatiya: vei ira na Nafitali, ko Yirimoci na luve i Asirieli:

20vei ira na luve i Ifireimi, ko Osea na luve i Asasiya: vei ira e dua na wase ni yavusa i Manase, ko Joeli na luve i Pitaya:

21vei ira e dua na wase i Manase mai Kiliati, ko Ito na luve i Sikariya: vei ira na luve i Penijamini, ko Yeesieli na luve i Epineri:

22vei ira na Tani, ko Esareli na luve i Yiroami. O ira o qo era sa turaga ni nodra veiyavusa na Isireli.

23A sa sega ni wiliki ira ko Tavita sa ruasagavulu na nodra yabaki ka lailai sobu, ni sa kaya oti ko Jiova ni na vakalewevu-qataki ira na Isireli, me vaka na veikalokalo mai na lomalagi.

24Sa vakatekivu ko Yoapi na luve i Siruya me wiliwili, ka sa tawa vakaotia, ni sa lutuki ira na Isireli na cudru, e na vuku ni ka o qa: ka sa tawa volai na kenai wiliwili e nai vola ni tukutuku i Tavita na tui.

25A sa lewa na nona yau na tui ko Asimaveci na luve i Etieli: ka sa lewa na lololo e na veiwere, kei na Veikoro, kei na veikuro lalai, kei na veivale i valu, ko Yionacani na luve i Usiya:

26a sa lewai ira era sa cakacaka e na veiwere me cuki soso, ko Esiri na luve i Kilupi:

27a sa lewa na veivainivaini ko Simi na kai Rama: a sa lewa na vua ni veivainivaini, kei na lololo ni waini, ko Sapiti na kai Safani:

28a sa lewa na kau olive, kei na kau lolo, e na veibuca, ko Peali-mani na kai Kiteri: ka sa lewa na lololo ni waiwai ko Yoasi:

29a sa lewa na qele ni manumanu sa vakani mai Saroni, ko Sitirei na kai Saroni: ka sa lewa na qele ni manumanu era sa tiko e na veibuca, ko Safati na luve i Atilai:

30sa lewa na veikameli ko Opili na Isimeeli: a sa lewa na veiasa ko Yetiya na Meronoci:

31a sa lewa na qele ni sipi ko Yasisi na Akiri. O iratou kece o qo eratou sa lewa na kamunaga i Tavita na tui.

32A sa mataveilewai ko Jonacani na tamana lailai ko Tavita, sa tamata vuku, ka vu-ni-vola: ka sa tiko kei iratou na luve j ni tui ko Yieli na luve i Akimoni:

33ia ko koya erau sa daubose kaya na tui ko i Eiitofeli: ka sa lawalawa ni tui ko Usei na Ariki:

34ai karua kei Eiitofeli ko Yioyata na luve i Pinaya, kei Epiyacari: a sa vunivalu ko Yoapi e na nonai valu na tui.