I. A Veika Sa Caka E Na Veigauna 26 - AI VOLA TABU（FIJ1864）

O ira nai vakatawa ni katuba, 1-11. O ira ka vakatawa na veimatamata-ni-koro, 12-19. O ira na luve i Levi era vakatawa na yau, 20-28. O ira sa turaga kei ira na dauveilewai, 29-32.

1E NA vuku ni nodra wasewase nai vakatawa ni katuba: Vei ira na luve i Kora: o Meselimiya na luve i Kore, vei iratou na luve i Asafi.

2Ia ko iratou na luve i Meselimiya: o Sikariya na ulumatua, ko Yitieeli nai karua, ko Sipatiya nai katolu, ko Yacinieli nai kava,

3ko Elama nai kalima, ko Yioanani nai kaono, ko Elioenei nai kavitu.

4Ia ko iratou na luve i Opeti-itomi: o Simaya na ulumatua, ko Yiosapati nai karua, ko Yoa nai katolu, kei Sakari nai kava, kei Nicaneli nai kalima,

5ko Amieli nai kaono, ko Isakari nai kavitu, ko Piulicei nai kawalu: ni sa vakalougatataki koya ko na Kalou.

6A sa so na goneatagane sa sucu kivei Simaya na luvena, a ratou sa lewa e na mataqali ni nodratou qase: ni ratou sa tamata qaqa.

7O iratou na luve i Simaya: o Ocini, kei Rifaeli, kei Opeti, ko Elisapati, a sa tamata kaukauwa na tacina, ko Iliu, kei Simakiya.

8O iratou kecega o qo sa luve i Opeti-itomi: ko iratou, kei na luvedratou, kei na tacidratou, era sa tamata kaukauwa ki na cakacaka, era sa lewe onosagavulu ka rua vei Opeti-itomi.

9A sa lewe tinikawalu na tamata kaukauwa ko iratou na luvena kei iratou na tacina ko Meselimiya.

10Ko Osa talega vei ira na luve i Mirari, sa so na luvena tagane: O Simiri sa turaga, (sa sega ni ulumatua, a sa buli koya ga ko tamana me turaga,)

11ko Ilikiya nai karua, ko Tipa-liya nai katolu, ko Sikariya nai kava: sa tinikatolu ko iratou kece na luvena kei na tacina ko Osa.

12Sa maivei ira o qo na mata vakatawa, io maivei ira na tamata turaga, a ra sa vakayasana sa veidonui, me ra cakacaka e na vale i Jiova.

13A ra sa ia na veidigidigi e na vuku ni matamata-ni-koro kece, ko ira sa lalai kei ira sa lelevu, me vaka na mataqali ni nodra qase.

14A sa lutu nai vola ni yasana sa vaka ki cake kivei Selemiya. A ra sa kitaka na veidigidigi e na vuku i Sikariya na luvena, na mataveilewai vuku, a sa lutu na nonai vola vaka ki na tokalau.

15Kivei Opeti-itomi, vaka ki na ceva; vei ira talega na luvena, na mataqali i Asupimi.

16Kivei Supimi kei Osa vaka ki ra, kei na matamata-ni-koro ko Salekeci, e voleka ki na salatu sa lako cake, sa veidonui na nodra veiyasana.

17Sa lewe ono na luve i Levi vaka ki cake, sa va e na veisiga ki na tokalau, sa va e na veisiga ki na ceva, ka vaka ki Asupimi sa tauyarua.

18Mai Paripari vaka ki ra, sa va ki na salatu, ka rua mai Paripari.

19Sai koya o qo na nodra wasewase nai vakatawa vei ira na luve i Kora, vei ira talega na luve i Mirari.

20Ia vei ira na Levi, sa vakatawa-na ko Eiiya na yau ni vale ni Kalou, kei na yau ni ka sa tabu tu.

21O iratou na luve i Latani: ko iratou na luve i Latani na luve i Kerisoni, eratou sa qase turaga, io na nei Latani na luve i Kerisoni: o Yieli.

22Oi rau na luve i Yieli: o Secami, kei Joeli na tacina, oi rau sa lewa na yau ni vale i Jiova.

23Vei ira na luve i Amirami, ko ira na luve i Isari, ko ira na luve i Epironi, ko ira na luve i Usieli:

24a sa lewa na yau ko Sipueli na luve i Kerisomi, na luve i Mosese.

25Kei iratou na tacina vei Elieseri: o Riapiya na luvena, kei Isaya na luvena, kei Yorami na luvena, kei Sikiri na luvena, kei Silomici na luvena.

26O Silomici o qo, kei iratou na tacina, eratou sa lewa na yau kecega o qori na ka sa tabu tu, na ka sa vakatabuya ko Tavita na tui, kei ira na qase turaga, kei ira sa turaga vei ira na veiyaudolu kei na veiyadrau, kei ira sa turaga e na mataivalu.

27Era sa vakatabuya e so mai nai toki ni valu, me yaga ki na vale i Jiova.

28Ia na ka kecega sa vakatabuya ko Samueli na rairai, kei Saula na luve i Kisi, kei Epineri na luve i Neri, kei Yoapi na luve i Siruya; kei ira kece era sa vakatabuya na ka e so sa tiko kece vei Silomici, kei iratou na tacina.

29Vei ira na luve i Isari sa nodrai tavi na cakacaka etautuba, me rai talatala ka mataveilewai vei ira na Isireli, ko Kinaniya kei iratou na luvena.

30Vei ira na luve i Epironi: o Esapiya, kei ira na tacina, e dua na udolu ka vitu na drau na tamata qaqa, era turaga vei ira na Isireli e na tai o qo ni Joritani, mai ra, e na cakacaka kecega i Jiova, kei na nona cakacaka talega na tui.

31Vei ira na luve i Epironi, sa turaga ko Yiriya, io vei ira na luve i Epironi, me vaka nai tabatamata ni nona qase. Sa vakasaqarai ko ira o qo e nai kavasagavulu ni yabaki ni lewa i Tavita, ka ra sa kunei vei ira mai Yaseri e Kiliati e so na tamata qaqa.

32Ia ko ira na wekana, sa tamata qaqa, era sa udolu vakarua ka vitu na drau na qase turaga, sa buli ira ko Tavita na tui me ra lewai ira na Rupeni, kei ira na Kata, kei na dua na wase ni yavusa i Manase, e na ka kecega ni Kalou, kei na ka ni tui.