I. A Kedrai Vola Na Tui 4 - AI VOLA TABU（FIJ1864）

O iratou na tamata turaga nei Solomoni, 1-6. O iratou ka vakarautaka na kakana, 7-19. Na kena levu ni nona matanitu, 20-28. Na nona vuku, 29-34.

1A SA tui vei ira kecega na Isireli ko Solomoni na tui.

2Ia ko iratou o qo na nona tamata turaga: Ko Asariya na luve i Satoki na bete,

3na luve i Sisa, ko Iliorefi kei Eiiya, oi rau na vu-ni-valu; ko Yiosafati na luve i Eiiluti, sa dau vola na ka ni matanitu.

4A sa turaga vei ira nai valu ko Pinaya, na luve i Yioyata; a rau sa bete ko Satoki kei Epiyacari:

5a sa lewai ira na turaga lalai ko Asariya na luve i Nacani; a sa turaga levu cake na luve i Nacani ko Saputi, na nonai tau na tui:

6a sa lewai ira na lewe-ni-vale ko Eiisaari; a sa lewa nai vakacavacava ko Etonirami na luve i Apita.

7A sa tinikarua na nona turaga ko Solomoni, eratou sa lewai ira kecega na Isireli, o iratou ka daukitaka na kedra na tui kei ira na nona lewe-ni-vale: sa vakarautaka e na yabaki na tamata yadua e nona vula.

8A sa vakaoqo na yacadratou: Na luve i Uri, mai na ulu-ni-vanua ko Ifireimi:

9na luve i Pekeri, mai Makasi, kei Seelipimi, kei Peci-semesi, kei Eloni-peci-anani:

10na luve i Eseti, mai Erupoci; a sa nona talega ko Soko, kei na vanua taucoko ko Eferi:

11na luve i Epinatapi, e na yasana kecega mai Tori; o koya erau tauwati kei Tafaci na gonealewa i Solomoni:

12ko Peana na luve i Eiiluti; a sa nona ko Teenaki, kei Mekito, kei Peci-siani taucoko, a ya mai Saricani e ruku i Isirieli, mai Peci-siani, ka yaco ki Apeli-miola, ka sivi Yokiniami:

13na luve i Keperi, mai Ramoci-kiliati; a sa nona na veikoro i Yairi, na luve i Manase, sa no mai Kiliati; sa nona na vanua ko Arikopi, a ya mai Pasani, e onosagavulu na koro lelevu sa vakabai ka vakasamugakagaka parasa:

14ko Eiinatapi na luve i Ito, e Meeneimi:

15ko Eiimaasi mai Nafitali; a sa kauti Pasemaci na gonealewa i Solomoni me watina:

16ko Peana na luve i Usei, mai Aseri kei Aloci:

17ko Yiosafati na luve i Parua, mai Isakari:

18ko Simi na luve i Ela, mai Penijamini:

19ko Keperi na luve i Uri, mai na vanua ko Kiliati, e na vanua i Sioni na nodra tui na luve i Amoni, e na nona talega ko Oki na tui Pasani: a sa turaga duaduaga ko koya e na vanua ko ya.

20Sa lewe vuqa ko ira na Juta kei ira na Isireli, me vaka na nuku mai na matasawa na kedrai wiliwili, era sa kana, ka gunu, ka marau tiko.

21A sa lewai ira na veimatanitu kecega ko Solomoni mai na Uciwai ka yaco ki na nodra vanua na kai Filisitia, ka yaco ki nai yalayala kei Ijipita: era sa kauta nai solisoli, ka qaravi Solomoni e na siga kecega ka bula kina ko koya.

22Ia na kakana sa caka vei Solomoni e na siga e dua, sa rua na drau ka vasagavulu na puseli madrai droka vinaka, ka va na drau ka walusagavulu na puseli madrai droka walega,

23e tini na karavau sa uro, kei na ruasagavulu na karavau mai na veico, ka dua na drau na sipi, ka so e na mataqali e tolu ni teira, kei na toa e so sa uro.

24Ni sa lewa ko koya na vanua kecega e na yasa o qo ni Uciwai, mai Tifisa ka yaco ki Kesa, vei ira talega na tui kecega e na kena yasa o qo ni Uciwai; a sa sautu kaya ko ira kecega na nona qali sa volita.

25A sa tiko vakavinaka e na gauna kece i Solomoni ko ira na Juta kei ira na Isireli, na tamata yadua e ruku ni nona vaini, ka e ruku ni nona lolo, mai Tani ka yacovi Pieri-sepa.

26A sa oba vakava vei Solomoni nai tutu ni ose ni nona veivale-vodoki, ka udolu vakatinikarua na nona tamata dauvodo e na ose.

27Ia sa vakarautaka ko iratou na turaga o qori na kena na tui ko Solomoni, kei na kedra kecega era lako ki nai kanakana i Solomoni na tui, na tamata yadua e nona vula: sa sega ni yali vei ira e dua na ka:

28na parile talega kei na co ni sila, me kedra na ose kei na ose daucici, era sa daukauta ki na tikina sa lesi kina, na tamata yadua me vaka na nonai tavi.

29A sa solia ko na Kalou na vuku vei Solomoni kei na loma daulelewa, na ka levu sara, kei na yalo dausolisoli, me vaka na nuku mai na matasawa.

30Ia na vuku i Solomoni, sa sivia na nodra vuku kecega na kai na tu i cake, kei na vuku kecega ni Ijipita:

31a sa sivia na tamata kecega e na vuku ko koya; sa sivi Ecani na Esirai, kei Emani, kei Kalikoli, kei Tarita, eratou kai Maoli: a sa tiko na nonai rogo e na veimatanitu kecega sa volita.

32A sa cavuta ko koya e tolu na udolu na vosa leka vakaibalebale; a sa dua na udolu ka lima na nona meke.

33A sa vosataka na kau ko koya, io, na sitari mai Lipanoni kei na isopi sa tubu mai na dela ni bai: a sa vosataki ira talega na manumanu e yavai va, kei na manumanu vakatabana, kei na ka sa qasi, kei na ika.

34A sa lako mai e so mai na veimatanitu kecega me rogoca na vuku i Solomoni, e so maivei ira na tui kecega e vuravura ka rogo kina na nona vuku.