II. Ai Ni Vola I Samueli 22 - AI VOLA TABU（FIJ1864）

A meke ni vakavinavinaka vua na Kalou, ni sa vakabulai Tavita ko koya mai na nona meca kecega.

1A SA vosataka vei Jiova ko Tavita na vosa ni meke o qo, e na siga sa vakabulai koya oti kina ko Jiova mai na liga ni nona meca kecega, kei na liga i Saula:

2a sa kaya ko koya,

A noqu ulu vatu ko Jiova, kei na noqui drodro, na noqui vakabula;

3na Kalou, o koya sa noqu kaukauwa; au na vakararavi vua; a noqui sasabai, kei na ka kaukauwa kaʼu sa vakabulai kina, a noqu vale cecere, kei na noqui drodro, a noqui vakabula; ni sa vakabulai au mai nai valavala kaukauwa.

4Au sa kaci vei Jiova, o koya sa dodonu me vakarokorokotaki; ia kaʼu sa vakabulai kina maivei ira na noqu meca.

5Ni sa vakavolivoliti au na biau ni mate, sa vakarerei au na waluvu ni ca;

6sa voliti au na rarawa ni bulubulu; sa taumadaki au nai cori ni mate;

7e na noqu rarawa kaʼu a kaci vei Jiova, ka kaci vua na noqu Kalou; a sa rogoca na domoqu ko koya mai na nona vale; a sa curuma na daligana na noqu tagi.

8Sa qai yavala na vanua, ka tavuki; sa sautaninini talega na vu ni lomalagi, ka yavala, e na vuku ni sa cudru ko koya.

9Sa lako cake na kubou mai na ucuna, kei na buka waqa daukatikati mai na gusuna: sa caudre maikina na qilaiso ni buka.

10Sa vakalolo-virataka na lomalagi ko koya, ka lako sobu mai; a sa butobuto e ruku ni yavana.

11Sa vodoka na jerupi ko koya, ka vuka: sa rairai lako e na veitaba ni cagi.

12Sa cakava na butobuto me nona vale me voliti koya, na wai butobuto, na o loaloa ni lomalagi.

13Sa caudre na qilaiso ni buka e na liva sa lako e matana.

14Sa kurukuru mai na lomalagi ko Jiova, a sa tabalaka cake na domona ko Koya sa cecere sara.

15A sa vakatala na gasau e so ko koya, ka dui vakasevi ira; na livaliva, ka vakubutaki ira.

16A sa rairai na dreke ni wai ni wasaliwa, sa votu mai na yavu kei vuravura, e na vuku ni sa vunauca ko Jiova, e na vuku ni sa liwa na cawa ni ucuna.

17Sa talaki maicake ko koya, sa tauri au ko koya, sa vueti au cake mai na wai e vuqa:

18sa vakabulai au mai na noqu meca kaukauwa, maivei ira era sa cati au: ni ra sa gumatua vei au.

19Era sa taumadaki au e na siga ni noqu rarawa; a sa tokoni au ga ko Jiova.

20Sa kauti au yani talega ki na yasana rabailevu: sa vakabulai au, e na vuku ni sa vinakati au.

21Sa sauma vei au ko Jiova na noqu yalododonu: me vaka na savasava ni ligaqu, sa sauma vei au.

22Niʼu a vakabauta na sala i Jiova, ka sega ni lesu tani vakaca vuana noqu Kalou.

23Ni sa tu e mataqu na nona lewa kecega: ia na nona vunau, kaʼu a sega ni lesu tani maikina.

24Ia kaʼu a yalododonu vua, ia kaʼu a maroroi au mai na noqui valavala ca;

25a sa sauma kina vei au ko Jiova na noqui valavala dodonu; me vaka na noqu yalosavasava e matana.

26Vei koya sa yalololoma, ko na cakacaka vakayalololoma; vei koya sa yalododonu, ko na cakacaka vakayalododonu;

27vei koya sa yalosavasava, ko na cakacaka vakayalosavasava; ia vei koya sa yalotakelo, ko na veivala kaya.

28Ia ko na vakabulai ira na tamata sa vakararawataki: a sa vakaraici ira na viavialevu na matamu, mo vakabalea.

29Ni sa noqu cina ko iko, Jiova: ia ena vakararamataka na noqu butobuto ko Jiova.

30Ni sai iko kaʼu sa cici bula kina e na maliwa ni mataivalu, ia sai koya na noqu Kalou kaʼu sa ladeva kina na bai.

31Ko na Kalou, sa dodonu na nonai valavala; sa vakatovolei na vosa i Jiova: ai sasabai ko koya vei ira kecega era sa vakararavi vua.

32Ni sa Kalou ko cei tale, ko Jiova duaduaga? ia sa kaukauwa ko cei tale, na noda Kalou duaduaga?

33Sa noqu kaukauwa vakaidina na Kalou; a sa vakadodonutaka na noqui lakolako ko koya.

34Sa cakava na yavaqu me tautauvata kei na nodra na koti kila: a sa vakaturi au e na noqu tikina cecere.

35Sa vakavulica na ligaqu me ia nai valu, a sa musuki kina e na ligaqu na dakai kaukamea.

36O sa solia talega vei au nai sasabai ko sa ia kina na veivakabulai: a sa vakalevutaki au na nomu yalomatua.

37O a vakagagataka na noqu sala vei au; a sa sega ni tidara kina na yavaqu.

38Au a vakasavi ira na noqu meca, ka vakarusai ira; kaʼu sa sega ni lesu tale mai, kaʼu a vakaoti ira mada eliu.

39Ia kaʼu a vakaoti ira, ka vuetaki ira, a ra sa sega ni tu tale rawa: io, era sa bale sobu e ruku ni yavaqu.

40Ni ko a vivigi au e na kaukauwa ki nai valu, o a vakamalumalumutaki ira vei au era a tu cake vakaivalu vei au:

41o a solia tale vei au na domodra na noqu meca, meʼu vakarusai ira kina era sa cati au.

42Era a rai voli, ka sega e dua nai Vakabula; io, vei Jiova, ka sa sega ni vosa vei ira,

43Kaʼu a qai vurumemeataki ira me vaka na kuvu ni qele: kaʼu a buturaki ira me vaka na oruoru e na salatu, ka dui biubiuti ira.

44O a vakabulai au talega mai na nodra veileti na noqu tamata, o a maroroi au me liu e na veimatanitu: era na qaravi au na tamata kaʼu a tawa kila.

45Ena vakarokorokotaki au ko ira na luve ni kai tani: ni ra sa rogoca, era na talairawarawa vei au.

46Era na malai yani na luve ni kai tani; a ra na rere mai na nodra veitikina vuni.

47Sa bula ko Jiova; ia me vakarokorokotaki na noqu kaukauwa; ia me vakalevulevui na Kalou, o koya na kaukauwa kaʼu sa bula kina.

48A Kalou ga ko koya sa cudruvaki au, ka vakamalumalumutaki ira na tamata vei au,

49ka kauti au tani maivei ira na noqu meca: o a laveti au meʼu uasivi cake vei ira era tu cake vakaivalu vei au: ko a vakabulai au mai na tamata daura-vuravu.

50O koya o qo kaʼu na vakamo-limoli kina vei iko, Jiova, e na kedra maliwa na lewe ni veivanua, ka meketaka na yacamu.

51O koya ga na vale cecere ni bula vei koya na nona tui; ka sa kitaka na loloma vua ka lumuta ko koya; io vei Tavita, kei na nona kawa, ka tawa mudu.