Ai I Vola I Simueli 23 - AI VOLA TABU（FIJ1864）

Sa vakabulai ira na kai Kiila ko Tavita, 1-6. Sa rogoca ko Saula, ka via vakasavi Tavita, a sa bula ko Tavita, 7-14. Sa lako vua ko Jonacani, 15-18. Sa tukuni koya ko ira na kai Sifi, 19-24. Sa qarai Tavita ko Saula, 25, 26: a sa qai lesu me muri ira na kai Filisitia, 27, 28; a sa lako ki Eni-keti ko Tavita, 29.

1A SA tukuni vei Tavita, ka vaka, Raica, era sa laʼki kabai Kiila ko ira na kai Filisitia, a ra sa butakoca na vei rara ni samu sila.

2A sa tarogi Jiova ko Tavita, ka kaya, Meʼu laʼki mokuti ira na kai Filisitia o qo, se kakua? A sa kaya vei Tavita ko Jiova, Mo laʼki mokuti ira na kai Filisitia, ka vakabulai Kiila.

3A sa kaya ko ira na tamata i Tavita vei koya, Raica, keitou sa rere eke mai Juta: a sa levu cake kevaka keitou na lako ki Kiila ki na nodra veimataivalu na kai Filisitia.

4Sa qai tarogi Jiova tale ko Tavita. A sa vosa vua ko Jiova, ka kaya, Mo ia, mo lako sobu ki Kiila; niʼu na soli ira na kai Filisitia ki na ligamu.

5A ra sa lako ko Tavita kei ira na nona tamata ki Kiila, ka veivala kei ira na kai Filisitia, ka kauta tani mai na nodra manumanu, ka mokuti ira e na moku levu. A sa vakabulai ira na kai Kiila ko Tavita.

6Ia ni sa dro ko Epiyacari na luve i Eiimeleki kivei Tavita ki Kiila, sa lako sobu ko koya, ka taura na efoti.

7A sa tukuni vei Saula ni sa lako mai ki Kiila ko Tavita: a sa kaya ko Saula, Sa soli koya ko na Kalou ki na ligaqu; ni sa sogolati kiloma, ni sa curu ki na koro sa vakaisogo ka vakasamugakagaka.

8A sa rogotaka ko Saula vei ira na tamata kecega me ia nai valu, me lako sobu ki Kiila, mo buku na druadrua ni koro vei Tavita kei ira na nona tamata.

9A sa kila ko Tavita ni sa vakasama tiko na ka ca ko Saula me yaco vua; a sa kaya ko koya vei Epiyacari na bete, Mo kauta mada mai na efoti.

10Sa qai kaya ko Tavita, I Jiova na Kalou nei Isireli, sa rogoca vakavinaka na nomu tamata ni sa vakatovolea tiko ko Saula me lako mai ki Kiila, me vakarusa na koro e na vukuqu.

11Era na soli au yani na kai Kiila ki na ligana, se segai? ena lako sobu mai ko Saula, me vaka sa rogoca ko na nomu tamata, se segai? I Jiova na Kalou nei Isireli, mo tukuna mada vei au na nomu tamata. A sa kaya ko Jiova, Ena lako sobu mai.

12A sa kaya ko Tavita, Era na soli au yani, kei ira na noqu tamata, ki na liga i Saula, ko ira na kai Kiila, se segai? A sa kaya ko Jiova, Era na solia yani.

13Sa qai ia ko Tavita, kei ira na nona tamata, era sa ono beka na drau, ka lako tani mai Kiila, ka lako voli e na yasana era sa lako rawa kina. A sa tukuni vei Saula ni sa dro ko Tavita mai Kiila; a sa cegu kina ni lako yani.

14A sa tiko mai na veikau ko Tavita e na veitikina kaukauwa, a sa tiko e na ulu-ni-vanua e na veikau mai Sifi. A sa qarai koya e na veisiga kecega ko Saula, ia na Kalou sa sega ni soli koya ki na ligana.

15Asa raica ko Tavita ni sa lako voli yani ko Saula me qarai koya me mate: a sa tiko ko Tavita mai na veikau mai Sifi, e na veikaukau.

16A sa ia ko Jonacani na luve i Saula, ka lako yani vei Tavita ki na veikaukau, ka vakaukauwataki koya e na vuku ni Kalou.

17A sa kaya vua ko koya, Mo kakua ni rere; ni na sega ni kunei iko na liga i Saula na tamaqu; ia ko na nodra tui na Isireli, ia koi au, kaʼu na ke-mui karua; a sa kila o qori ko Saula talega na tamaqu.

18A rau sa veiyalayalati e na mata i Jiova: a sa tikoga ko Tavita e na veikaukau, a sa lako yani ko Jonacani ki na nona vale.

19Era sa qai lako cake mai na kai Sifi kivei Saula ki Kipia, a ra sa kaya, Sa sega li ni vuni koya ko Tavita ka voleka vei keimami, e na tikina kaukauwa e na veikaukau, e na vanua-cecere ko Ekila, a ya sa no kivaka ki na mata ni ceva ki na Veikau?

20ia o qo, mo lako sobu mada mai, na tui, me vaka sa domona na yalomu me lako sobu; ia ena neitoui tavi me soli koya ki na ligana na tui.

21A sa kaya ko Saula, Mo ni kalougata maivei Jiova; e na vuku ni dou a lomani au.

22Dou lako mada yani, ka vakarau tale, ka kila ka raica na nona tikina sa dautiko kina, se ko cei sa raici koya maikina: ni sa tukuni vei au ni sa dauvalavaqaseqase sara ko koya.

23Ia dou raica mada kina, ka kila na tikina vuni kecega sa vuni koya kina ko koya, ka lesu tale mai vei au ni dou sa kila na kena dinadina, ia kaʼu na lako kei kemudou: ia kevaka sa tiko e na vanua o qo, kaʼu na qarai koya e na maliwa ni veiudolu kecega nei Juta.

24A ra sa ia, ka liutaki Saula ki Sifi.

Ia era sa tiko ko Tavita kei ira na nona tamata e na veikau mai Maoni, e na cecelevu vaka ki na ceva mai na Veikau.

25A sa lako ko Saula kei ira na nona tamata, me vakasaqara. A sa tukuni vei Tavita: a sa lako sobu ki na uluvatu, ka tiko e na veikau mai Maoni: a sa rogoca ko Saula, a sa muri Tavita ki na veikau mai Maoni.

26A sa lako ko Saula e na kena yasa ni ulu-ni-vanua vaka, ia ko Tavita kei ira na nona tamata e na yasa ni ulu-ni-vanua vaka: a sa tei kusarawa ko Tavita me dro tani vei Saula; ia sa vakavolivoliti Tavita kei ira na nona tamata ko Saula kei ira na nona tamata, me ra tauri ira.

27A sa lako mai vei Saula e dua nai talatala, ka kaya, Mo kusarawa, mo lako mai; ni ra sa curuma na vanua na kai Filisitia.

28A sa lesu ko Saula, me kakua ni muri Tavita, ka laʼki tavaki ira na kai Filisitia: o koya sa vakatokai kina na tikina ko ya ko Sela-amalikoci.

29A sa lako cake maikea ko Tavita, ka laʼki tiko e na tikina kaukauwa mai Eni-keti.