1SA qai lako ki Kesa ko Samisoni, ka raica maikina e dua na alewa dauyatagane, ka sa curu vua.
2Sa tukuni vei ira na kai Kesa, Sa curu mai kike ko Samisoni. A ra sa vakavolivolita, ka lawa koto vua e na bogi ka sigavaka, mai na matamata-ni-koro, a ra sa tiko lo e na bogi me siga mai, ka kaya, Ni sa rarama e na sabogibogi, eda na vakamatei koya.
3A sa koto ko Samisoni ka lomaloma-ni-bogi; ia ni sa lomaloma-ni-bogi sa tu cake, ka taura nai sogo ni matamata-ni-koro, kei na duru ruarua, ka kauta tani, kei nai samugakagaka talega, ka viria ki na nonai colacola, ka colata cake ki na dela ni ulu-ni-vanua sa donui Epironi.
4IA emuri, sa lomana ko koya e dua na alewa, na yacana ko Tilila, mai na buca ko Soreki.
5A ra sa lako cake mai vua na nodra turaga na kai Filisitia, ka kaya vua, Mo dauveretaki koya, ka raica se sa evei na nona kaukauwa levu, ka sa cava keitou na rawai koya kina, me keitou vesuki koya me vakamalumalumutaka: ia keitou na solia tauyadua vei iko e dua na udolu ka dua na drau na tiki ni siliva.
6A sa kaya ko Tilila vei Samisoni, Mo tukuna mada vei au, se sa evei na nomu kaukauwa levu, ka cava ko na vesuki rawa kina mo malumalumu kina,
7A sa kaya vua ko Samisoni, Kevaka era sa vesuki au e na dali vau drokadroka e vitu, sa sega ni sigani oti, au na qai malumalumu, ka yaco me vaka na tamata walega.
8A ra sa kauta mai vei koya ko ira na nodra turaga na kai Filisitia e vitu na dali vau drokadroka, sa sega ni sigani oti, a sa vesuki koya kina ko koya.
9Ia sa tiko kaya e na vale ni moce e so na kena lawa. A sa kaya vua ko koya, Era sa lutuki iko na kai Filisitia, i Samisoni. A sa drutia na veidali vau ko koya, me vaka sa drutilaki na vulovulo laino ni sa tara na buka waqa. A sa sega ni kilai tu na nona kaukauwa.
10A sa kaya vei Samisoni ko Tilila, Raica, ko sa vakalialiai au ga, ka vosa lasu vei au: o qo, mo tukuna mada mai vei au se cava ko na vesuki rawa kina.
11A sa kaya vua ko koya, Kevaka era sa vesuki au e na dali vou e so, sa sega na cakacaka sa cakavi kina, au na qai malumalumu, ka yaco me vaka na tamata walega.
12A sa kauta na dali vou e so ko Tilila, ka vauci koya kina, ka kaya vua, Era sa lutuki iko na kai Filisitia, i Samisoni. A sa tiko e na vale ni moce ko ira sa lawa koto. A sa drutilaka o qori ko koya mai na ligana me vaka na vulovulo lailai.
13A sa kaya vei Samisoni ko Tilila, O sa vakalialiai au tikoga, ka yacova na siga o qo, ka vosa lasu vei au: mo tukuna mai vei au se cava ko na vauci rawa kina. A sa kaya vua ko koya, Kevaka ko sa talia vata kei na vulovulo na tobe e vitu ni uluqu.
14Ia sa vakataudeitaka ko koya e nai vakadei, ka kaya vua, Era sa lutuki iko na kai Filisitia, i Samisoni. A sa yadra ko koya mai na nona moce, ka lako yani kei nai vakadei ka tali kina kei na vulovulo.
15A sa kaya na alewa vei koya, O sa kaya vakacava, Au sa lomani iko, ni sa sega ni tiko kei au na yalomu? o sa vakalialiai au vakatolu, ka sa sega ni tukuna mai vei au se sa evei na nomu kaukauwa levu.
16Ia ni sa vakasosataki koya ko koya e na veisiga kecega e na nona vosa, ka kitaki koya matua sara, me kolai ciba kina na yalona;
17sa qai tukuna vua ko koya na yalona taucoko, ka kaya vua, Sa sega nai toroi sa tara na uluqu, niʼu sa tawase me nona na Kalou mai na kete i tinaqu; kevaka kaʼu sa tasiduri, ena lako tani vei au na noqu kaukauwa, ia kaʼu na malumalumu mai, ka yaco me vaka na tamata walega.
18Ia ni sa kunea ko Tilila, ni sa tukuna vua ko koya na yalona taucoko, sa talaki me kacivi ira na nodra turaga na kai Filisitia, ka kaya, Dou lako vakadua mai o qo, ni sa tukuna mai vei au ko koya na yalona taucoko. A ra sa lako cake mai vua ko ira na nodra turaga na kai Filisitia, ka kauta mai nai lavo e na ligadra.
19A sa vakamoceri koya ko koya e na duruna, a sa kaciva e dua na tamata, ka tasia nai tobe e vitu ni uluna, ka sa vakatekivu me vakamalumalumutaki koya, ka sa lako tani vua na nona kaukauwa.
20A sa kaya ko koya, Era sa lutuki iko na kai Filisitia, i Samisoni. A sa yadra ko koya mai na nona moce, ka kaya, Au na curu yani o qo me vaka kaʼu sa daukitaka, ka na kuretaki au. A sa sega ni kila ni sa lako tani vua ko Jiova.
21A sa taura ko irana kai Filisitia; ka leuta na matana, ka kauti koya sobu ki Kesa, ka vesuka e nai vesu parasa; a sa dauvaro sila ko koya e na vale ni veivesu.
22A sa vakatekivu ni rovu mai na drau ni uluna, ni sa tasiduri oti.
23Ia sa soqoni vata ko ira na nodra turaga na kai Filisitia, me cabora e dua nai madrali levu vei Takoni na nodra kalou, a me ra reki; a ra sa kaya, Sa solia ko na noda kalou na noda meca ko Samisoni ki na ligada.
24Ia ni sa kunei koya ko ira na tamata, era sa vakarokorokotaka na nodra kalou, ni ra sa kaya, A noda kalou sa solia na noda meca ki na ligada, o koya ka vakacacana talega na noda vanua, ka mokuta na lewe vuqa vei keda.
25Ia ni sa rereki na yalodra, era sa kaya, Me kacivi ko Samisoni, me mai vakadredretaki keda. A ra sa kacivi Samisoni mai na vale ni veivesu; a ra sa dredre vaka ni sa tu e matadra ko koya; a ra sa vakatikora e na tadrua ni bou.
26A sa kaya ko Samisoni vua na cauravou sa tubera na ligana, Laivi au mada meʼu tara na veibou sa tu kina na vale, meʼu vakararavi talega kina.
27Ia sa sinai na vale e na tagane kei na alewa; a sa tiko maikina na nodra turaga kecega na kai Filisitia; a sa tiko e na dela ni vale e lewe tolu beka na udolu na tagane kei na alewa, era sa vakararai tiko ni sa vakavuna na dredre ko Samisoni.
28A sa kaci vei Jiova ko Samisoni, ka kaya, I Jiova na Turaga, mo nanumi au mada, ka vakaukauwataki au mada vakadua ga o qo, na Kalou, meʼu cudruvaka vakadua ga na mataqu ruarua vei ira na kai Filisitia.
29A sa taura ko Samisoni na bou e rua eloma sa tu kina na vale, a sa vakararavi kina, e dua e na ligana i matau, kei nai kadua e na ligana i mawi.
30A sa kaya ko Samisoni, Meʼu mate vata mada kei ira na kai Filisitia. A sa cuva vakaukauwa ko koya; ia na vale sa lutuki ira na turaga, kei ira kecega na tamata era tiko kina. A sa uasivi ira ka vakamatea ko koya ni ka bula tiko na nodrai wiliwili sa vakamatea ko koya e na nona mate.
31A ra sa lako sobu na tacina kei ira kece na lewe-ni-vale i tamana, ka laveti koya, ka kauta cake, ka buluta e na macawa kei Sora kei Esitaoli, e nai bulubulu nei Manoa na tamana.
A sa lewai ira na Isireli ko koya, ka yabaki ruasagavulu.
Who We AreWhat We EelieveWhat We Do
2025 by iamachristian.org,Inc All rights reserved.
