1A SA lako ki Sikemi ko Apimeleki na luve i Yirupeali, kivei ira na weka i tinana, a sa vosa vei ira, io vei ira kecega na vuvale e na mataqali i tinana, a sa kaya,
2Dou kaya mada e na daligadra kecega na kai Sikemi, A cava e vinaka vei kemudou; me ra lewai kemudou e vitusagavulu na tamata, o ira kecega na luve i Yirupeali, se me lewai kemudou e dua na tamata? dou nanuma talega niʼu sa sui vata kei kemudou, ka lewe vata kei kemudou.
3A sa vosataki koya ko ira na weka i tinana, me vaka na vosa kecega o qo, e na daligadra kecega na kai Sikemi: a sa vakalakala na lomadra me muri Apimeleki, ni ra sa kaya, A wekada ko koya.
4A ra sa solia vua e vitusagavulu nai lavo siliva mai na vale i Peali-pirici, a sa vakaivolitaka kina ko Apimeleki e so na tamata lialia ka cidroi, me ra muri koya.
5A sa lako mai ko koya; ki na vale i tamana ki Ofira, ka vakamatei ira na tacina, na luve i Yirupeali, era lewe vitusagavulu na tamata, e na dela ni vatu e dua: a sa vo ga ko Yocami, o koya ka gone vei ira na luve i Yirupeali, ni sa vuni ko koya.
6A sa soqoni vata ko ira kecega na kai Sikemi, kei ira kecega na mataqali i Milo, ka ra sa laʼki buli Apimeleki me tui, mai na oki sai vakatakilakila, o qori sa mai Sikemi.
7A sa tukuni vei Yocami, a sa lako ko koya ka laʼki tu e dela ni ulu-ni-vanua ko Kirisimi, ka tabalaka cake na domona, ka kaci, ka kaya vei ira, Dou rogoci au mai, na kai Sikemi, ena rogoci kemudou kina na Kalou:
8Sa lako ko ira na kau me lumuta e dua me nodra tui; a ra sa kaya ki na kau olive, Mo lewai keimami.
9A sa kaya na kau olive vei ira, Meʼu biuta li na noqui wali sa vakarokorokotaki kina na Kalou kei ira na tamata, ka meʼu laʼki veidretaki vei ira na kau?
10A ra sa kaya na kau ki na kau lolo, Mo ni lako mai me lewai keimami.
11A sa kaya na kau lolo vei ira, Meʼu biuta li na noqu kamikamica, kei na vuaqu vinaka, ka meʼu laʼki veidretaki vei ira na kau?
12A ra sa kaya na kau ki na vaini, Mo ni lako mai me lewai keimami.
13A sa kaya na vaini vei ira, Meʼu biuta li na noqu waini, sa vakarerekitaka na Kalou kei ira na tamata, ka meʼu laʼki veidretaki vei ira na kau?
14Sa ra qai kaya na kau kecega vua na soni, Mo ni lako mai me lewai keimami.
15A sa kaya na soni vei ira na kau, Kevaka dou sa lumuti au vakaidina meʼu nomudou tui, dou lako mai ka vakararavi ki na noqu yaloyalo: ia kevaka c segai, me lako na buka waqa mai na soni, ka laʼki kania na veisitari mai Lipanoni.
16Ia o qo, kevaka dou sa caka vakayalodina, ka vakayalododonu, ni dou sa buli Apimeleki me tui, ia kevaka dou sa caka vinaka vei Yirupeali kei na nona lewe-ni-vale, ka sa saumi koya mo vaka na cakacaka ni ligana;— (
17ni ka vala e na vukumudou ko tamaqu, ka laiva na nona bula, ka vakabulai kemudou mai na ligadra na kai Mitiani,
18ia dou sa tu cake edaidai ki na lewe-ni-vale i tamaqu, ka vakamatei ira na luvena, e vitusagavulu na tamata, e na dela ni vatu e dua, ka sa buli Apimeleki na luve ni nona vada me tui vei ira na kai Sikemi, e na vuku ni sa wekamudou);
19io, kevaka dou sa caka vakayalodina, ka vakayalododonu, e na siga o qo, vei Yirupeali kei na nona lewe-ni-vale, dou qai marautaki Apimeleki, me marautaki kemudou talega ko koya:
20ia kevaka e segai, me lakani na buka waqa maivei Apimeleki, ka kani ira na kai Sikemi, kei na mataqali i Milo, me lakani talega na buka waqa maivei ira na kai Sikemi, kei na mataqali i Milo, ka kani Apimeleki.
21A sa lako tani ko Yocami, ka dro, ka lako ki Pieri, ka tiko maikina, e na vuku i Apimeleki na tuakana.
22A sa nodra tui na Isireli ko Apimeleki ka yabaki tolu;
23sa qai tala ko na Kalou na yalo ca vei Apimeleki kei ira na kai Sikemi; a ra sa buki vere kei Apimeleki ko ira na kai Sikemi:
24me saumi kina nai valavala kaukauwa sa kitaki vei ira na luve i Yirupeali e lewe vitusagavulu, ia me saumi na kedra dra vei Apimeleki na taci-dra, o koya sa vakamatei ira, vei ira talega na kai Sikemi, era sa vakaukauwataka na ligana me vakamatei ira na wekana.
25A ra sa lesia e so ko ira na kai Sikemi me kena lawa mai na dela ni veiulu-ni-vanua, a ra sa daubutakoci ira kecega era lako yani e na sala ko ya: a sa tukuni vei Apimeleki.
26A sa lako mai ko Keali na luve i Epeti kei ira na wekana, a ra sa lako ki Sikemi: a ra sa vakararavi vua ko ira na kai Sikemi.
27A ra sa lako yani ki ni were, ka vetivetia na vua ni nodra veivaini, ka lobaka, ka kitaka na meke, ka curu ki na vale ni nodra kalou, ka kana ka gunu, ka rukaki Apimeleki.
28A sa kaya ko Keali na luve i Epeti, O cei ko Apimeleki, se ko cei ko Sikemi, mo da qaravi koya? sa sega li ni luve i Yirupeali ko koya, kei na nonai talatala ko Sipuli? dou qaravi ira na mataqali i Emori na tama i Sikemi, ia ko koya o qo, me da qarava mei cavai koi keda?
29Me soli mada ki na ligaqu ko ira na tamata o qo, kaʼu na sa qai vakasi-voki Apimeleki. Sa kaya talega ko koya vei Apimeleki, Mo vakalevutaki ira na nomui valu, ka lako mai kitautuba.
30A sa rogoca ko Sipuli na turaga ni koro na vosa i Keali na luve i Epeti, a sa waqa na nona cudru.
31A sa tala lo e so nai talatala ko koya vei Apimeleki, ka kaya, Raica, sa lako mai ki Sikemi ko Keali na luve i Epeti, kei ira na tacina; ka, raica, era sa vakaukauwataka na koro me vala kei iko.
32Ia mo tu cake mada e na bogi, o iko kei ira na tamata era vata kei iko, ka lawa koto e na were.
33Ia ena yaco e na mataka ni sa qai cadra na mata-ni-siga, mo sou, ka valutaka na koro, ka raica, ni sa curu yani vei iko ko koya kei ira na tamata era vata kaya, mo qai kitaki koya me vaka ko na rawata.
34A sa tu cake e na bogi ko Apimeleki, kei ira kecega na tamata era vata kaya, a ra sa laʼki lawa koto ki Sikemi, a ra sa taba e va.
35A sa curu yani ko Keali na luve i Epeti, ka laʼki tu e na mata ni matamata-ni-koro: a sa tu cake mai nai kotokoto ko Apimeleki kei ira na tamata era vata kaya.
36Ia ni sa raici ira na tamata ko Keali, sa kaya ko koya vei Sipuli, Raica, sa lako sobu tiko mai na tamata e so mai na dela ni veiulu-ni-vanua. A sa kaya vua ko Sipuli, Ko sa raica na yaloyalo ni veiulu-ni-vanua me vaka ni sa tamata.
37A sa vosa tale ko Keali, ka kaya, Raica, sa lako sobu tiko mai e so na tamata mai na tiki ni vanua ka rewa toka, ka dua nai taba sa lako mai e na sala mai na oki ki Mioninimi.
38A sa kaya vua ko Sipuli, Sa qai tu evei beka na gusumu ko a kaya kina, O cei ko Apimeleki me da qaravi koya? sa sega li ni ko ira o qo na tamata ko a beca? o qo, mo lakani mada, mo drau vala kaya.
39A sa lako yani ko Keali e na matadra na kai Sikemi, a sa veivala kei Apimeleki.
40A sa vakasavi koya ko Apimeleki, a sa dro e matana ko koya, a sa bale e lewe vuqa era vuetaki, ka yaco ki na matamata-ni-koro.
41A sa laʼki tiko mai Erama ko Apimeleki: a sa vakasevi Keali kei ira na wekana ko Sipuli, me ra kakua ni tiko e Sikemi.
42Ia e na sabogibogi sa lako yani ki na were ko ira na tamata; a sa tukuni vei Apimeleki.
43A sa kauti ira na tamata ko koya, ka wasei ira me taba e tolu, ka lawa koto e na were; a sa rai voli, ka, raica, era sa curu yani e na koro na tamata; a sa tu cake vei ira ko koya, ka mokuti ira.
44Ia ko Apimeleki, kei nai taba era vata kaya, era sa cici ga, ka laʼki tu e na mata ni matamata-ni-koro: ia nai taba e rua, era sa cicivi ira kecega era sa tiko e na were, ka mokuti ira.
45A sa kitaka na koro e na siga taucoko ko ya ko Apimeleki; ka kabata na koro, ka vakamatei ira na tamata era sa tiko kina, ka basuraka na koro, ka vakamimiraca kina na masima.
46Ia ni ra sa rogoca na tamata kecega era sa tiko e na vale-cecere mai Sikemi, era sa curuma na vale kaukauwa, io, na vale i Pirici na kalou.
47A sa tukuni vei Apimeleki, ni ra sa soqoni vata na tamata kecega e na vale-cecere mai Sikemi.
48A sa lako cake ko Apimeleki kei ira kecega na tamata era vata kaya, ki na ulu-ni-vanua ko Salimoni, a sa kauta e dua na matau e ligana ko Apimeleki, ka taya sobu e dua na taba ni kau, ka kauta, ka viria ki na nonai colacola, ka sa kaya vei ira na tamata era vata kaya, A ka dou sa raici au niʼu sa cakava, dou kusarawa me kitaka vakakina.
49A ra sa dui taya sobu na nona taba ni kau ko ira yadua na tamata, ka laʼki muri Apimeleki, a ra sa viritaka ki na vale kaukauwa, ka vakama e na buka na vale kaukauwa era sa tiko kina: a ra sa mate kece talega na tamata sa dautiko e na vale-cecere mai Sikemi, era dua beka na udolu na tagane kei na alewa.
50Sa qai lako ki Tipesi ko Apimeleki, ka tiko vakaivalu ki Tipesi, ka rawata.
51A sa dua na vale-cecere sa kaukauwa e loma ni koro, a ra sa dro kina na tagane kecega kei na alewa, kei ira kece na lewe ni koro, a ra sa sogota vei ira, ka cabe ki na delavuvu ni vale-cecere.
52A sa lako ki na vale-cecere ko Apimeleki, ka vala kaya, a sa toro voleka ki na katuba ni vale-cecere, me vakama e na buka.
53A sa dua na alewa sa viritaka e dua na tiki ni vatu ni varo sila ki na dela ni ulu i Apimeleki, ka bola na nona qavokavoka.
54A sa kaci vakasauri ko koya ki na cauravou sa daukauta na nonai yaragi, ka kaya vua, Mo ucuna na nomui seleiwau, ka vakamatei au, de sa kainaki e na vukuqu, Sa vakamatei koya e dua na alewa. A sa coka-basiki koya na nona cauravou, ka mate ko koya.
55Ia ni sa raica ko ira na tamata Isireli ui sa mate ko Apimeleki, era sa dui lako ki na nona tikina.
56A sa sauma ko na Kalou na ca i Apimeleki, a ya ka kitaka ko koya vei tamana, ni sa vakamatei ira na tacina e lewe vitusagavulu:
57a sa sauma ko na Kalou ki na uludra na nodra ca kecega na kai Sikemi, a sa yacovi ira na ruru i Yocami na luve i Yirupeali.
Who We AreWhat We EelieveWhat We Do
2025 by iamachristian.org,Inc All rights reserved.
