1A SA kaya vua ko ira na tamata Ifireimi, A cava na ka o qo ko sa cakava vei keimami, ni ko a sega ni kacivi keimami ni ko a laʼki vala kei ira na kai Mitiani? A ra sa veileti vakaukauwa kaya.
2A sa kaya ko koya vei ira, A cava kaʼu a cakava me vakai kemuni? Sa sega beka ni vinaka na tomitomika na vua ni vaini nei Ifireimi, ka ca na vetivetia na vua ni vaini nei Epieseri?
3Sa soli rau ko na Kalou na turaga ni Mitiani ko Orepi kei Siepi ki na ligamuni: ia ka cava kaʼu a cakava rawa me vakai kemuni? Sa qai cegu na nodra cudru vei koya, ni sa vosa vakaoqo oti ko koya.
4A sa lako ki na Joritani ko Kitioni, ka lako-kosova, ko koya kei ira na tamata e lewe tolu na drau era vata kaya, sa malumalumu, ka cici muri ga.
5A sa kaya ko koya vei ira na kai Sukoci, Mo dou solia mada e so nai buli madrai vei ira na tamata sa muri au, ni ra sa malumalumu, ia kaʼu sa cici muri rau tiko na tui Mitiani, ko Sepa kei Salimuna.
6A ra sa kaya na turaga ni Sukoci, Sa qai tiko beka e ligamu na ligadrau ko Sepa kei Salimuna, me keitou solia kina na madrai vei ira na nomui valu?
7A sa kaya ko Kitioni, E na vuku ni ka o qo, ni sa soli rau oti ko Sepa kei Salimuna ki na ligaqu ko Jiova, kaʼu na yavi-yavita na yagomudou e na kau karokaroa kei na kau gatagata ni veikau.
8A sa lako cake maikea ki Penueli, ka vosa vakakina vei ira: a sa vosa vua ko ira na kai Penueli me vaka na nodra vosa na kai Sukoci.
9A sa vosa ko koya vei ira na kai Penueli talega, ka kaya, Niʼu sa lesu tale mai ka vakacegu, kaʼu na basuka sobu na vale-cecere o qo.
10A sa mai Karikori ko Sepa kei Salimona, kei ira vata koi rau na nodraui valu era tinikalima beka na udolu, ko ira kecega era sa vo vei ira kecega na nodrai valu na kai na tu i cake; ni sa bale oti e oba vakati-nikarua na tamata sa dautaura nai seleiwau.
11A sa lako cake ko Kitioni kivaka kivei ira era dautiko vakavalegatu vaka ki na tu i cake ki Nopa kei Yokipa, ka sa mokuti ira nai valu; ni sa tiko welega ko ira nai valu.
12Ia sa dro ko Sepa kei Salimuna, a sa cici muri rau ko koya, ka sa tauri rau na tui ni Mitiani, ko Sepa kei Salimuna, ka vakadomobulataki ira kecega nai valu.
13A sa lesu mai nai valu ko Kitioni na luve i Yoasi, ka sa sega ni cadra na siga,
14a sa taura ko koya e dua na cauravou vei ira na kai Sukoci, a sa tarogi koya; a sa tukuna vakavinaka vua ko koya na turaga e rua ni Sukoci, kei ira na qase era tiko kina, e lewe vitusagavulu ka vitu na tamata.
15A sa lako mai ko koya vei ira na kai Sukoci, ka kaya, Raici Sepa kei Salimuna mada, oi rau dou a vosavakacaca kina vei au, ni dou a kaya, Sa tiko li e ligamu na ligadrau ko Sepa kei Salimuna, me keitou solia kina na madrai vei ira na nomu tamata sa malumalumu?
16A sa tauri ira na qase ni koro ko ya, kei na kau karokaroa, kei na kau gatagata ni veikau, ka sa vaka-tavulici ira kina na kai Sukoci.
17A sa basuka sobu na vale-cecere mai Penueli, ka vakamatei ira na lewe ni koro.
18A sa kaya ko koya vei Sepa kei Salimuna, A tamata vakacava ko ira drau a vakamatea mai Tapori? A rau sa kaya, Era sa vakai iko sara; sa vaka na luve ni tui na nodra mata yadua.
19A sa kaya ko koya, Era sa taciqu, na luve i tinaqu: me vaka sa bula ko Jiova, kevaka drau a vakabulai ira kaʼu sa qai sega ni vakamatei kemudrau.
20A sa kaya vei Yiceri na nona ulumatua, Mo ia, vakamatei rau. A sa sega ni ucuna na nonai seleiwau na cauravou; ni sa rere, ni sa tei gone ga.
21A sa kaya ko Sepa kei Salimuna, Mo ia ko iko, ka lutuki keirau, ni sa vaka na matua ni tamata na nona kaukauwa. A sa ia ko Kitioni, ka vakamatei Sepa kei Salimuna; sa kauta tani talega na ka sa vakaiukuuku kina na domo ni nodrau kameli.
22A ra sa kaya vei Kitioni ko ira na tamata Isireli, Mo lewai keimami ko iko kei na luvemu, kei na luve i luvemu: ni ko sa vakabulai keimami mai na ligadra na Mitiani.
23A sa kaya vei ira ko Kitioni, Au na sega ni lewai kemudou, ena sega talega ni lewai kemudou ko luvequ: ena lewai kemudou ko Jiova ga.
24A sa kaya vei ira ko Kitioni, E dua na ka kaʼu na kerea vei kemudou; ia mo dou solia na tamata yadua vei au na sau e na nonai toki ni valu, (ni ka nodra na sau koula, ni ra sa luve i Isimeeli).
25A ra sa kaya, Keimami na solia ga. A ra sa tevuka nai sulu, ka sa biuta kina ko na tamata yadua na sau e na nonai toki.
26Ia na kedra bibi ni veisau koula sa kerea ko koya, sa dua na udolu ka vitu na drau na sikeli koula; ia ka sega ni wili na veika vakaiukuuku, kei na vei taube, kei na veisulu damudamu erau sa vakaisulutaki kina na tui Mitiani, kei na veisinucodo sa tu e na domo ni nodrau veikameli.
27A sa cakava kina e dua na efoti ko Kitioni, ka vakatikora e na nona koro ko Ofira: a sa lako tani me muria maikea ko ira kecega na Isireli, a sa yaco mei cori vei Kitioni kei ira na nona mataqali.
28A sa malumalumu ko ira na kai Mitiani vei ira na luve i Isireli, a ra sa sega tale ni gumatua. A sa cegu na vanua ka yabaki vasagavulu e na gauna i Kitioni.
29A sa lako ko Yirupeali na luve i Yoasi, ka tiko e na nona vale.
30A sa vitusagavulu na luvena tagane ko Kitioni, o iratou sa vakasikava ko koya, ni sa lewe vuqa na watina.
31Ia na watina lailai, o koya ka tiko mai Sikemi, sa vakasucuma e dua na luvena tagane vei koya; a sa vakayacani koya ko Apimeleki.
32A sa ciba ko Kitioni na luve i Yoasi, ni sa qase sara, a sa buluti e na mara i Yoasi na tamana, mai Ofira sa nodra na luve i Epieseri.
33IA ni sa mate ko Kitioni, era sa lako vakatani tale ko ira na luve i Isireli, me muri ira na Peali, ka lesi Peali-pirici me nodra kalou.
34Ia ko ira na luve i Isireli era sa sega ni nanumi Jiova na nodra Kalou, o koya ka vakabulai ira mai na nodra meca kecega era tiko vakavolivoliti:
35a ra sa sega ni lomani ira na mataqali i Yirupeali, o qori ko Kitioni, me vaka na ka vinaka kecega sa cakava ko koya vei ira na Isireli.
Who We AreWhat We EelieveWhat We Do
2025 by iamachristian.org,Inc All rights reserved.
