A Kedrai Vola Na Dauveilewai 2 - AI VOLA TABU（FIJ1864）

Sa vunauci ira na Isireli na agilose mai Pokimi, 1-5. Era sa qaravi Jiova ni sa bula tiko ko Josua kei ira na qase erai tabatamata kaya, 6-9; era sa qai biuti Jiova, 10-13. A cudru kei na loloma i Jiova tei ira, 14-19. Sa qai sega ni vukei ira tale ko Jiova, 20-23.

1A SA lako cake ko koya na agilose i Jiova mai Kilikali ki Pokimi, ka kaya, Au a kauti kemudou cake mai Ijipita, ka kauti kemudou ki na vanua kaʼu a vosavavakini kina vei ira na nomudou qase; ia kaʼu a kaya, Au na sega ni vakacataka na noqu veiyalayalati vei kemudou, ka tawa mudu:

2ia koi kemudou, dou kakua ni ia na veiyalayalati kei ira na lewe ni vanua o qo; dou na talaraka sobu na nodra veicabocabo-ni-soro; ia dou sa sega ni vakarorogo ki na domoqu: a cava dou sa cakava kina na ka o qo?

3Ia kaʼu a kaya talega kina, Kaʼu na sega ni vakasevi ira tani e na matamudou; ia era na vaka na voto ni kau ki na sarisarimudou, ia era nai cori vei kemudou na nodra veikalou.

4Ia ni sa vosataka oti na vosa o qo ko koya na agilose i Jiova, kivei ira kecega na luve i Isireli, sa qai tabalaka cake na domodra ko ira na tamata, ka tagi.

5A ra sa vakatoka na yaca ni tikina ko ya ko Pokimi: a ra sa vakacabora maikina e so nai soro kivei Jiova.

6IA ni sa vakalaivi ira oti na tamata ko Josua, era sa dui lako na luve i Isireli ki na nonai votavota me taukena na vanua.

7A ra sa qaravi Jiova ko ira na tamata e na gauna kecega sa bula kina ko Josua, kei na nodra gauna kecega na qase era sa bula ni sa mate oti ko Josua, era sa rai ca oti na cakacaka levu kecega sa kitaka ko Jiova e na vukudra na Isireli.

8A sa ciba nai talatala i Jiova ko Josua, na luve i Nuni, ni sa dua na drau ka tini na nona yabaki.

9A sa buluti ko koya e nai yalayala ni nonai votavota mai Timinaci-eresi, mai na ulu-ni-vanua ko Ifireimi, e na yasana tokalau ni ulu-ni-vanua ko Keasi.

10A sa kumuni vata ki na nodra qase talega ko ira kecega nai tabatamata ko ya.

A sa tubu cake e dua tani nai tabatamata emuri, era sa tawa kilai Jiova, se na cakacaka ka kitaka ko koya e na vukudra na Isireli.

11A ra sa kitaka na ka e ca e na mata i Jiova ko ira na luve i Isireli, ka qaravi ira na Peali;

12ia era sa biuti Jiova, na nodra Kalou na nodra qase, o koya ka kauti ira mai na vanua ko Ijipita, a ra sa muria e so na kalou tani mai na nodra veikalou na tamata era tiko veivolivoliti kaya, a ra sa cuva vei ira, ka vakacudrui Jiova.

13Ia era sa biuti Jiova, ka qaravi Peali kei Aseteroci.

14A sa waqa mai vei ira na Isireli na cudru i Jiova, ka sa soli ira ko koya ki na ligadra na dauveivakacaca, ka ra vakacacani ira, a sa volitaki ira ko koya ki na ligadra na nodra meca era sa tiko volita; a ra sa sega tale kina ni tu rawa e matadra na nodra meca.

15E na yasana kecega era sa lako yani kina, sa veimecaki kei ira na liga i Jiova me ra ca, me vaka ka kaya ko Jiova, ia me vaka ka vosavavakini kina vei ira ko Jiova: a ra sa rarawa vakalevu.

16Ia sa vakatubura vei ira ko Jiova e so na dauveilewai, era vakabulai ira mai na ligadra era sa dauvakacacani ira.

17Ia era sa sega ga ni vakarorogo kivei ira na nodra dauveilewai, ka ra sa lako vakatani ga ka muria e so na kalou tani, a ra sa cuva vei ira: era sa vuki kusarawa mai na sala ka lako kina ko ira na nodra qase, era a talairawarawa ki na vunau i Jiova: era sa sega ni cakacaka vakakina.

18Ia ni sa vakatubura vei ira ko Jiova e so na dauveilewai, sa tiko kaya na dauveilewai ko Jiova, ka vakabulai ira mai na ligadra na nodra meca e na gauna kecega ni dauveilewai: ni sa veivutuni ko Jiova e na vuku ni ra sa vuturi e na matadra era dauvakacacani ira ka dauvakararawataki ira.

19Ia ni sa mate na dauveilewai, era sa qai ia tale, me uasivi ira na nodra qase e na ca, ni ra muria e so na kalou tani me qaravi ira, ka cuva vei ira; era sa sega ni cegu mai na nodra cakacaka, kei na nodrai valavala vakalomaqa.

20A sa waqa mai vei ira na Isireli na cudru i Jiova, ka sa kaya ko koya, E na vuku ni ra sa vakacataka na noqu veiyalayalati na tamata o qo, a ya kaʼu a vakaroti ira kina na nodra qase, ka sega ni vakarorogo ki na domoqu,

21au na sega ni vakaseva tani e na matadra e dua tale vei ira na veimatanitu ka vakalaiva ko Josua ni sa mate ko koya:

22meʼu vakatovolei ira kina na Isireli, se ra na vakabauta nai vakaro i Jiova me cakava,, me vaka ka ra vakabauta na nodra qase, se segai.

23Ia sa laiva na veimatanitu o qori ko Jiova, ka sega ni vakasevi ira vakusarawa; sa sega talega ni soli ira ki na liga i Josua.