Ai Vola Kei Josua 15 - AI VOLA TABU（FIJ1864）

A veiyalayala ni nodrai votavota na Juta, 1-12. Sa votai vei Kalepi ko Epironi, 13-19. A nodra Veikoro na yavusa i Juta, 21-63.

1IA sai votavota ni nodra yavusa na luve i Juta me vaka na nodra veimataqali: sa yaco ki nai yalayala kei Itomi, na veikau ko Sini, mai na mata ni ceva, ai yalayala sara ni ceva.

2Ia na nodrai yalayala mai na mata ni ceva sa vakatekivu mai na matasawa ni Wasa Tuituina, mai na toba sa qarava na mata ni ceva:

3a sa lako yani vaka ki na ceva ka yaco ki Meele-akirapimi, ka lako yani ki Sini, a sa lako cake mai na ceva ka yaco ki Ketesa-parinea, ka lako yani ki Esironi, ka lako cake ki Etari, ka lako voli ki Karika:

4sa lako yani vaka ki Asimoni, ka laʼki yacova na uciwai ni Ijipita; ia nai mudumudu ni yalayala ko ya na waitui: o qo ena nomudoui yalayala ki na ceva.

5Ia nai yalayala mai cake na Wasa Tuituina, sa yacova nai otioti ni Joritani.

Ia nai yalayala mai na yasana sa koto vaka ki na tokalau sa vakatekivu mai na toba ni wasawasa, mai nai otioti ni Joritani:

6a sa lako cake nai yalayala ki Peci-okila, ka sa lako yani mai na yasana ki na tokalau ki Peci-arapa; a sa lako cake nai yalayala ki na Vatu i Poani, na luve i Rupeni:

7a sa lako cake nai yalayala kivaka ki Tipiri, mai na buca i Akori, kivaka ki na tokalau, sa qaravi Kilikali, o qori sa mai na sala sa lako cake ki Etumimi, a ya mai na tai ni uciwai kivaka ki na ceva: a sa lako yani nai yalayala ki na wai ni Eni-semesi, ia na kenai mudumudu ko Eni-rokeli:

8a sa lako cake nai yalayala mai na buca ni luve i Inomi, ki na yasana kivaka ki na ceva vei ira na kai Jepusa, a ya ko Jerusalema: a sa lako cake nai yalayala ki na tuatua sa qarava na buca nei Inomi sa donuya na ra, o qori mai nai otioti ni nodra buca na luve i Refei kivaka ki na mata ni tokalau:

9a sa volai nai yalayala mai na tuatua ki na wai vure mai Nefitoa, ka lako yani ki na veikoro mai na ulu-ni-vanua ko Efironi; a sa volai na kenai yalayala ki Peala, a ya ko Kiriaci-yiarimi:

10a sa lako voli nai yalayala mai Peala kivaka ki ra ka yacova na ulu-ni-vanua ko Seira, ka lako yani ki na yasa ni ulu-ni-vanua ko Yiarimi, a ya ko Kisaloni, ki na yasana sa qarava na tokalau, a sa lako sobu ki Peci-semesi, ka lako yani ki Timina:

11a sa lako yani nai yalayala ki na yasana kei Ekironi vaka ki na tokalau: a sa volai nai yalayala ki Sikironi, ka lako yani ki na ulu-ni-vanua ko Peala, ka yala ki Yapinieli; ia nai mudumudu ni yalayala na waitui.

12Ia nai yalayala mai ra na Wasa Levu, kei na kena baravi.

Sa lako voli vakaoqo na kedrai yalayala na luve i Juta me vaka na nodra veimataqali.

13A sa solia ko koya nai votavota vei Kalepi na luve i Yifune e na kedra maliwa na luve i Juta, me vaka na vosa i Jiova vei Josua; io na koro i Aripa, na tama i Anaki: a ya ko Epironi:

14a sa vakasevi iratou maikina ko Kalepi na luve i Anaki e tolu, o Sesei, kei Eiimani, kei Talimei, eratou luve i Anaki:

15a sa lako cake maikina ko koya kivei ira na kai Tipiri: ia na yaca i Tipiri eliu ko Kiriaci-seferi.

16A sa kaya ko Kalepi, O koya ena sa samuti Kiriaci-seferi, ka rawata, au na soli Aki sa na luvequ me watina.

17A sa rawata ko Ocinieli na luve i Kinasi, na taci i Kalepi: a sa solia vua ko koya na luvena alewa ko Akisa me watina:

18ia, ni sa lako mai na alewa, sa vakauqeta na watina me kerea e dua na tiki ni vanua maivei vugona: a sa sobu mai na asa na alewa, a sa kaya vua ko Kalepi,

0sa vakaevei?

19A sa kaya ko koya, Mo solia vei au na ka meʼu kalougata kina; ni ko sa solia oti vei au e dua na vanua ki na mata ni ceva; mo solia talega vei au e so na mata ni wai. A sa solia vua ko koya na mata ni wai ecake, kei na mata ni wai era.

20O qo nai votavota ni nodra yavusa na luve i Juta me vaka na nodra veimataqali.

21Ia na veikoro sa toka e nai yalayala ni nodra yavusa na luve i Juta e nai yalayala vaka ki Itomi vaka ki na mata ni ceva, o Kapisieli, kei Eteri, kei Yakuri,

22kei Kina, kei Timona, kei Atiata,

23kei Ketesi, kei Asori, kei Icinani,

24ko Sifi, kei Telemi, kei Paloci,

25kei Asori, ko Etata, kei Kirioci, ko Esironi, a ya ko Asori,

26ko Emami, kei Sema, kei Molata,

27kei na koro ko Kata, kei Esimoni, kei Peci-paleti,

28kei na koro ko Suali, kei Pieri-sepa, kei Pisiyociya,

29ko Peala, kei Iyimi, kei Esemi,

30kei Elitolati, kei Kisili, kei Orima,

31kei Sikilaki, kei Matimana, kei Sanisana,

32kei Lipaoci, kei Silimi, kei Ayini, kei Rimoni: sa ruasagavulu ka ciwa na veikoro kece vata kei na kedra veikoro lalai:

33E na buca, ko Esitaoli, kei Sora, kei Esina,

34kei Sanoa, kei Eni-kanimi, ko Tapua, kei Enami,

35ko Yarimuci, kei Etulama, ko Soko, kei Aseka,

36kei Sareimi, kei Eticayimi, kei Kitera, kei Kiteroceimi; e tinikava na koro kei na kedra veikoro lalai:

37ko Sinani, kei Etasa, kei Mikitali-kata,

38kei Tilani, kei Misipe, kei Yokicieli,

39ko Lakisi, kei Posikaci, kei Ekiloni,

40kei Kaponi, kei Lamasi, kei Kicilisi,

41kei Kiteroci, ko Peci-takoni, kei Neama, kei Maketa; e tinikaono na koro kei na kedra Veikoro lalai:

42ko Lipina, kei Eceri, kei Asani,

43kei Yifita, kei Esena, kei Nisipi,

44kei Kila, kei Ekisipi, kei Maresa; e ciwa na koro kei na kedra Veikoro lalai:

45ko Ekironi, kei na Veikoro lalai sa volita:

46mai Ekironi ka yacova na waitui: kecega sa no voleka ki Esitoti, kei na kedra Veikoro lalai:

47ko Esitoti, kei na Veikoro lalai sa volita, ko Kesa, kei na kena Veikoro lalai sa volita, ka yaco ki na uciwai ni Ijipita, kei na Wasa Levu, kei na baravi:

48Ia mai na ulu-ni-vanua, ko Samiri, kei Yatiri, kei Soko,

49kei Tana, kei Kiriaci-sana, a ya ko Tipiri,

50kei Anapi, kei Esitimoa, kei Animi,

51kei Koseni, kei Oloni, kei Kilo; e tinikadua na koro kei na kedra veikoro lalai:

52ko Erapi, kei Tuma, kei Esani,

53kei Yanumi, kei Peci-tapua, kei Efeka,

54kei Umita, kei Kiriaci-aripa, (a ya ko Epironi,) kei Siori; e ciwa na koro kei na kedra Veikoro lalai:

55ko Maoni, ko Karimeli, kei Sifi, kei Juta,

56kei Isireli, kei Yokitiami, kei Sanoa,

57ko Keni, ko Kipia, kei Timina; e tini na koro kei na kedra veikoro lalai:

58ko Aluli, ko Pecisuri, kei Kitori,

59kei Meeraci, kei Peci-anoci, kei Elitikoni; e ono na koro kei na; kedra Veikoro lalai:

60ko Kiriaci-peali, (a ya ko Kiriaci-yiarimi,) kei Rapa; e rua na koro kei na kedrau veikoro lalai:

61Mai na veikau, ko Peci-arapa, ko Mitini, kei Sikaka,

62kei Nipisani, kei na Koro ni masima, kei Eni-keti; e ono na koro kei na kedra Veikoro lalai.

63Ia ko ira na kai Jepusa, na kai Jerusalema, sa sega ni vakasevi ira rawa ko ira na luve i Juta: a ra sa tiko vata ga na kai Jepusa kei ira na luve i Juta mai Jerusalema, ka yacova na siga o qo.