Nai Vakarua 34 - AI VOLA TABU（FIJ1864）

Sa raici Kenani ko Mosese mai na ulu-ni-vanua, 1-4. Sa ciba maikina, 5-8. Sa mai kenai sosomi ko Josua, 9. A parofita levu ko Mosese, 10-12.

1A SA lako cake ko Mosese mai na cecelevu ni Moapi ki na ulu-ni-vanua ko Nipo, ki na dela i Pisika, a ya sa donui Jeriko. A sa vakaraitaka vua ko Jiova na vanua taucoko ko Kiliati, ka yacovi Tani,

2kei Nafitali kece, kei na vanua nei Ifireimi, kei Manase, kei na vanua taucoko nei Juta, ka yacova na waitui mai ra,

3kei na yasa ni ceva, kei na cecelevu mai na buca mai Jeriko, na koro ni balabala, ka yacovi Soeri.

4A sa kaya vua ko Jiova,

0qori na vanua kaʼu a vosavavakini kina vei Eparaama, vei Aisake, kei Jekope, ka kaya, Au na solia ki na nomu kawa: au sa vakaraitaka ki na matamu, ia ko na sega ga ni lako yani kina.

5A sa mate maikea ko Mosese nai talatala i Jiova e na vanua ko Moapi, me vaka na vosa i Jiova.

6A sa buluti koya ko koya e na buca e na vanua ko Moapi, sa donui Peci-piori: ia ka sa sega na tamata sa kila na nonai bulubulu ka yacova na siga o qo.

7A sa dua na drau ka ruasagavulu na yabaki i Mosese ni sa ciba: sa sega ni butobuto mai na matana, ka sa sega ni matamu mai na nona kaukauwa.

8A ra sa tagicaki Mosese na luve i Isireli mai na cecelevu ni Moapi ka tolusagavulu na bogi: a sa qai oti na bogi sa yasovaki kina ko Mosese e na tagi.

9Ia ko Josua na luve i Nuni sa sinai e na yalo vuku; ni sa tabaki koya oti e na ligana ko Mosese: a ra sa vakarorogo vua na luve i Isireli, ka kitaka na ka sa vunautaka vei Mosese ko Jiova.

10A sa sega ni tubu emuri e Isireli e dua na parofita me tautauvata kei Mosese, o koya sa veiraici mata kaya ko Jiova,

11e nai vakatakilakila, kecega kei na cakacaka-mana, sa talai koya kina ko Jiova me cakava e na vanua ko Ijipita kivei Fero, kei na nonai talatala kecega, kei na nona vanua taucoko,

12kei na liga kaukauwa kecega ko ya, kei na veirerevaki levu sa cakacaka kina ko Mosese e na matadra kecega na Isireli.