Nai Vakarua 33 - AI VOLA TABU（FIJ1864）

Sa vosavakalougatataki ira na veiyavusa ni Isireli ko Mosese, ni sa voleka na nona mate.

1A SA vakaoqo na vosa ni veivakalougatataki sa vosavakalougatataki ira kina na luve i Isireli ko Mosese, na tamata ni Kalou, ni sa voleka ni mate.

2A sa kaya:

E na vukudra, sa lako mai Sinei ko Jiova, ka tu cake mai Seira; sa makumakuali-liva ko koya mai na ulu-ni-vanua ko Perana, a sa lako e na nodra maliwa sa savasava e oba: sa lako mai na ligana i matau e dua na buka waqa, me vakavulici ira:

3ia sa lomani ira na veiyavusa ko koya: —Era tiko e ligamu na tamata yalo-savasava kecega vei ira: a ra sa tiko sobu mai na yavamu; era sa taura na nomu vosa.

[

4Sa vunautaka vei keda na vunau ko Mosese, me ra taukena ko ira nai vavakoso ni Jekope.

5Ia sa tui ko koya vei Yisuruni, ni ra sa soqoni na turaga vei ira na tamata, vata kei ira na veiyavusa ni Isireli.]

6Me ra bula na Rupeni, ka sega ni yali, se ra lewe lailai na nona tamata.

7Ia o qo e vukudra na Juta: a sa kaya ko koya, Rogoca, Jiova, na domodra na Juta, ka kauti ira vei ira na kai nodra: me ganiti ira na ligadra; ia mo ni vukea me ra rawai ira na nodra meca.

8A sa kaya ko koya e na vukudra na Levi, Me tiko na nomu Cumimi kei na nomu Urimi, vata kaya na nomu le dua yalosava-sava, o koya ko a vakatovolea mai Masa, o koya ko a veivala kaya mai na wai ni Miripa,

9o koya ka kaya e na vuku i tamana kei tinana, Au sa sega ni vinakati rau; sa sega talega ni rokovi ira na tuakana se na tacina, se kilai ira na luvena: ni ra sa nanuma na nomu vosa, ka vakabauta na vunau kemudou sa veiyalayalati kaya kina.

10Era na vakavulica na nomu lewa vei ira na Jekope, kei na nomu vunau kivei ira na Isireli: era na viritu e matamu na boi vinaka vakamai, kei nai soro e kama taucoko e dela ni nomui cabocabo-ni-soro.

11Mo vakalougatataka, Jiova, na nodra yau, ka donuya na cakacaka ni ligadra: mo yavita basika na to-lodra era tu cake vakaivalu vei ira, kei na nodra era cati ira, me ra kakua ni tu cake tale.

12E na vukudra na Penijamini sa kaya ko koya, O ira sa lomana ko Jiova ena tiko vakacegu voleka vei koya; ena vakarurugi ira ko koya e na siga kecega ka bogi, ena tiko talega e na maliwa ni nodra veibaba.

13Ia e na vukudra na Josefa sa kaya ko koya, Ena vakalougatataka na nodra vanua ko Jiova, e na ka talei mai lomalagi, e na tegu, kei na yasana titobu sa koto eruku,

14kei na ka talei sa vakayacora ko na mata-ni-siga, kei na ka talei sa vakatubura ko na vula,

15kei na ka sa vinaka sara mai na veiulu-ni-vanua makawa, kei na ka talei mai na vei vanua-cecere tawa mudu,

16kei na ka talei mai na vanua kei na ka sa sinai kina, kei na yalololoma i Koya ka tiko e loma ni kau: me tauca na uludra na Josefa, kei na buradeladra na kawa i koya sa tawase tani vei ira na veitacini.

17Sa nona na kaukauwa ni ulumatua ni karavau, ka sa kaukamea ni yunikoni na nona kaukamea: ena biliraki ira kina na veimatanitu kecega ki nai yalayala ni vanua: ia ena vakaoqo na oba ni Ifireimi, ia ena vakaoqo na oba ni Manase.

18Ia e na vukudra na Sepuloni sa kaya ko koya, Mo reki, na Sepuloni, e na nomu daulako yani; kei na Isakari, e na nomu veivale.

19Era na kacivi ira na tamata ki na ulu-ni-vanua; era na cabora maikea nai soro donu: ni ra na sucuma na yau ni wasawasa, kei na yau sa vuni tu e na nuku.

20Ia e na vukudra na Kata sa kaya ko koya, Sa kalougata ko koya sa vakarabailevutaka na Kata: sa tiko ko ira e vaka na laioni, a sa dresuka na liga kei na qavokavoka.

21Sa cokonaka nai lutua me nodra, ni sa tiko maikea nai votavota maivei koya sa lewa; a sa lako mai kei ira na turaga ni tamata, sa kitaka ko ira na cakacaka e dodonu vei Jiova, kei na nona lewa vei ira na Isireli.

22Ia e na vukudra na Tani sa kaya ko koya, Sa luve ni laioni na Tani: ena rika mai Pasani.

23Ia e na vukudra na Nafitali sa kaya ko koya, Sa mamau e na loloma na Nafitali, ka sinai e na ka e veivakalougatataki i Jiova: moi taukei mai ra mai na ceva talega.

24Ia e na vukudra na Aseri sa kaya ko koya, Me kalougata na Aseri ni sa vakaluveni; me ra vinakati vei ira na wekadra, ia me tonidromuca na yavadra ko ira e na waiwai.

25Sa na aironi kei na parasa na nomui vava; ia ena tautauvata ga na nomu kaukauwa kei na nomu siga.

26Sa sega e tautauvata kei na Kalou ni Yisuruni, sa vodo lako e dela i lomalagi me vukei iko, kei na o e nonai ukuuku vakaturaga.

27Sai drodro na Kalou eliu, a sa koto e rukumu na ligana a tawa mudu: ia ena vakaseva na meca mai na matamu ko koya; ka na kaya, Mo vakarusa.

28Ena qai tiko duadua na Isireli, ka vakacegu: ena raica na vanua ni sila kei na waini na matadra na Jekope; ena miri talega mai nona lagi na tegu.

29O sa kalougata, na Isireli: o cei sa tautauvata kei iko, a matanitu sa Vakabula ko Jiova, o koya na sasabai me vukei iko, kei nai seleiwau ko sa vakaiukuuku kina! era na vakamalumalumutaki vei iko ko ira na nomu meca; ia ko na butuka na nodra veiyasana cecere.