1SA vakaoqo na nodrai lakolako na luve i Isireli, ko ira ka lako mai na vanua ko Ijipita e na nodra veivavakoso, ni sa lewai ira ko Mosese kei Eroni.
2A sa vola na nodrai tokitoki ko Mosese e na nodrai lakolako, me vaka ka vakarota ko Jiova: a sa vakaoqo na nodrai lakolako e na nodrai tokitoki.
3A ra a lako tani mai Ramisesi e nai matai ni vula, e nai katinikalima ni siga e na matai ni vula; e na mataka cake ni sa oti na lako-sivia, era lako tani mai na luve i Isireli e na liga cecere, e na matadra kecega na kai Ijipita:
4ni ra sa buluta tiko ko ira na kai Ijipita na ulumatua kecega a ya ka yavita vei ira ko Jiova: a sa cudruva na nodra veikalou talega ko Jiova.
5A ra sa toki mai Ramisesi na luve i Isireli, ka laʼki tiko ki Sukoci.
6A ra sa toki mai Sukoci, ka laʼki tiko ki Ecami, ko ya sa voleka ki na lekutu.
7A ra sa toki mai Ecami, ka lesu tale ki Pi-eiroci, ko ya sa donui Peali-sifoni, ka ra laʼki tiko e na yasana sa donui Mikitoli.
8A ra sa toki mai na yasana sa donui Eiroci, ka lako e loma ni wasawasa ki na lekutu, ka lakolako ka bogi tolu ki loma ni lekutu mai Ecami, ka laʼki tiko ki Mara.
9A ra sa toki mai Mara, ka lako ki Elimi: a sa tiko mai Elimi e tinikarua na mata ni wai, ka vitusagavulu na balabala; a ra sa tiko maikina.
10A ra sa toki mai Elimi, ka laʼki tiko ki na Wasa Damudamu.
11A ra sa toki mai na Wasa Damudamu, ka laʼki tiko e na lekutu ko Sini.
12A ra sa toki mai na lekutu ko Sini, ka laʼki tiko ki Tofika.
13A ra sa toki mai Tofika, ka laʼki tiko ki Alusi.
14A ra sa toki mai Alusi, ka laʼki tiko ki Rifitimi; ia sa sega kina na wai me ra gunuva na tamata.
15A ra sa toki mai Rifitimi, ka laʼki tiko e na lekutu mai Sinei.
16A ra sa toki mai na lekutu mai Sinei, ka laʼki tiko ki Kipiroca-teeva.
17A ra sa toki mai Kipiroca-teeva, ka laʼki tiko ki Eseroci.
18A ra sa toki mai Eseroci, ka laʼki tiko ki Ricima.
19A ra sa toki mai Ricima, ka laʼki tiko ki Rimoni-peresi.
20A ra sa toki mai Rimoni-peresi, ka laʼki tiko ki Lipina.
21A ra sa toki mai Lipina, ka laʼki tiko ki Risa.
22A ra sa toki mai Risa, ka laʼki tiko ki Kielaca.
23A ra sa toki mai Kielaca, ka laʼki tiko ki na ulu-ni-vanua ko Seperi.
24A ra sa toki mai na ulu-ni-vanua ko Seperi, ka laʼki tiko ki Arata.
25A ra sa toki mai Arata, ka laʼki tiko ki Makeloci.
26A ra sa toki mai Makeloci, ka laʼki tiko ki Teaci.
27A ra sa toki mai Teaci, ka laʼki tiko ki Tara.
28A ra sa toki mai Tara, ka laʼki tiko ki Micika.
29A ra sa toki mai Micika, ka laʼki tiko ki Asimona.
30A ra sa toki mai Asimona, ka laʼki tiko ki Moseroci.
31A ra sa toki mai Moseroci, ka laʼki tiko ki Pinei-yeekani.
32A ra sa toki mai Pinei-yeekani, ka laʼki tiko ki Ori-akitikati.
33A ra sa toki mai Ori-akitikati, ka laʼki tiko ki Yotipaci.
34A ra sa toki mai Yotipaci, ka laʼki tiko ki Apirona.
35A ra sa toki mai Apirona, ka laʼki tiko ki Esioni-keperi.
36A ra sa toki mai Esioni-keperi, ka laʼki tiko e na lekutu ko Sini, ko ya ko Ketesa.
37A ra sa toki mai Ketesa, ka laʼki tiko mai na ulu-ni-vanua ko Ori, mai nai yalayala ni vanua ko Itomi.
38Ia sa cabeta ko Eroni na bete na ulu-ni-vanua ko Ori ni sa vakarota ko Jiova, ka mate maikina, e nai kavasaga-vulu ni yabaki ni nodra lako mai na vanua ko Ijipita na luve i Isireli, e nai kalima ni vula e nai matai ni siga ni vula.
39A sa dua na drau ka ruasagavulu ka tolu na yabaki i Eroni, ni sa mate mai na ulu-ni-vanua ko Ori.
40Ia ko tui Arati na kai Kenani, ko koya ka tiko ki na ceva mai na vanua ko Kenani, sa rogoca ni ra sa lako mai na luve i Isireli.
41A ra sa toki mai na ulu-ni-vanua ko Ori, ka laʼki tiko ki Salimona.
42A ra sa toki mai Salimona, ka laʼki tiko ki Pinoni.
43A ra sa toki mai Pinoni, ka laʼki tiko ki Opoci.
44A ra sa toki mai Opoci, ka laʼki tiko ki Iye ni Aparimi, mai nai yalayala i Moapi.
45A ra sa toki mai Iyimi, ka laʼki tiko ki Tiponi-kata.
46A ra sa toki mai Tiponi-kata, ka laʼki tiko ki Alimoni-tipilaceimi.
47A ra sa toki mai Alimoni-tipilaceimi, ka laʼki tiko mai na ulu-ni-vanua ko Aparimi, sa donui Nipo.
48A ra sa toki mai na ulu-ni-vanua ko Aparimi, ka laʼki tiko mai na cecelevu ni Moapi, sa voleka ki na Joritani, ka donui Jeriko.
49A ra sa laʼki tiko voleka ki na Joritani, sa vakatekivu mai Peci-yisimoci ka yaco ki Apeli-sitimi, mai na cecelevu ni Moapi.
50A SA vosa vei Mosese ko Jiova mai na cecelevu ni Moapi, sa voleka ki na Joritani, ka donui Jeriko, ka kaya,
51Mo vosa vei ira na luve i Isireli, ka kaya vei ira, Ni dou sa lako-kosova na Joritani me yacova na vanua ko Kenani;
52dou na qai vakasevi ira tani kecega mai na matamudou na lewe ni vanua ko ya, ka vakaotia na nodra matakau kecega, ka vakaotia na nodra veimatakau vakawaicalataki, ka vakarusa na nodra veitikina cecere:
53ia dou na taukena na vanua ko ya, ka tiko kina: niʼu sa solia vei kemudou na vanua mo dou taukena.
54Ia dou na veivota na vanua e nai vola ni veidigidigi, me vaka na nomudou veimataqali: vei ira era lewe vuqa dou vakalevutaka nai votavota, ia vei ira era lewe lailai dou vakalailaitaka nai votavota: enai taukei na tamata yadua e na tikina sa lutu kina vua nai vola ni veidigidigi; dou na taukena me vaka na nodra veiyavusa na nomudou qase.
55Ia kevaka kemudou sa bese ni vakasevi ira tani mai na matamudou na lewe ni vanua; ko ira kemudou sa vakavoca vei ira, era na yaco me voto ni kau e na matamudou, kei na kau votovotoa e na sarisarimudou, ka vakararawataki kemudou e na vanua dou sa tiko kina.
56Ia ena yaco, meʼu kitaki kemudou me vaka kaʼu a nakita me kitaki ira.
Who We AreWhat We EelieveWhat We Do
2025 by iamachristian.org,Inc All rights reserved.
