Na Tiko Voli Mai Na Lekutu 29 - AI VOLA TABU（FIJ1864）

Ai soro e na solevu ni davui, 1-6; kei na siga era vakamalumalumutaka kina na yalodra, 7-11; kei na bogi e walu ni sa ia tiko na solevu ni vale gatu, 12-40.

1Ia e nai kavitu ni vula, e nai matai ni siga ni vula, me dua kina nai soqosoqo tabu vei kemudou: dou kakua ni cakava kina e dua na cakacaka vakaisi: a nomudou siga o qori ni uvu davui.

2Ia dou cabora nai soro kama, me ka boi vinaka vei Jiova; e dua na karavau sa gone, e dua na sipi tagane, e vitu na lami sa yabaki dua sa tawa ca:

3ia na kedrai madrali laukana me madrai droka, sa waki vata kei na waiwai, e tolu na omeri ki na karavau, e rua na omeri ki na sipi tagane,

4ka dua na omeri ki na lami e dua e na lami e vitu:

5ka dua na luve ni koti mei soro ni valavala ca, me sorovaki kemudou kina:

6mei kuri ni soro kama ni vula ko ya, kei na kenai madrali laukana, kei nai soro kama sa ia tikoga, kei na kenai madrali laukana, kei na kedrai madrali liviraki, me vaka na kedrai valavala, me ka boi vinaka, na ka sa cabori e na buka waqa vei Jiova.

7Me dua talega nai soqosoqo tabu vei kemudou e nai katini ni siga e nai kavitu ni vula o qo; ka dou na vakamalumalumutaki kemudou: dou kakua ni cakava kina e dua na cakacaka:

8ia dou cabora ga nai soro kama vei Jiova, me ka boi vinaka; e dua na karavau sa gone, e dua na sipi tagane, e vitu na lami sa yabaki dua; me ra na nomudou ka tawa ca:

9ia na kedrai madrali laukana me madrai droka, sa waki vata kei na waiwai, e tolu na omeri ki na karavau, e rua na omeri ki na sipi tagane e dua,

10me dua na omeri ki na lami yadua, e na lami e vitu:

11e dua na luve ni koti mei soro ni valavala ca, mei kuri ni soro ni valavala ca sa ia kina nai bulubulu, kei nai soro kama sa ia tikoga, kei na kenai madrali laukana, vata kei na kedrai madrali liviraki.

12Ia e nai katinikalima ni siga e nai kavitu ni vula me dua nai soqosoqo tabu vei kemudou; dou kakua ni cakava kina e dua na cakacaka vakaisi, ia dou ia tiko na solevu vei Jiova ka bogi vitu:

13ia dou cabora nai soro kama, na ka sa cabori e na buka waqa, me ka boi vinaka vei Jiova; e tinikatolu na karavau sa gone, e rua na sipi tagane, e tinikava na lami sa yabaki dua; me ra tawa ca:

14ia na kedrai madrali laukana me madrai droka, sa waki vata kei na waiwai, e tolu na omeri ki na karavau e dua, e na karavau e tinikatolu, e rua na omeri ki na sipi tagane e dua, e na sipi tagane e rua,

15ka dua na omeri ki na lami yadua, e na lami e tinikava:

16ka dua na luve ni koti mei soro ni valavala ca; mei kuri ni soro kama sa ia tikoga, na kenai madrali laukana, kei na kenai madrali liviraki.

17Ia e nai karua ni siga me tinikarua na karavau sa gone, e rua na sipi tagane, e tinikava na lami sa yabaki dua sa tawa ca:

18kei na kedrai madrali laukana kei na kedrai madrali liviraki ki na karavau, ki na sipi tagane, ka ki na lami, me tautauvata kei na kedrai wiliwili, me vaka nai valavala:

19ka dua na luve ni koti mei soro ni valavala ca; mei kuri ni soro kama sa ia tikoga, kei na kenai madrali laukana, vata kei na kedrai madrali liviraki.

20Ia e nai katolu ni siga me tinikadua na karavau, e rua na sipi tagane, e tinikava na lami sa yabaki dua sa tawa ca;

21kei na kedrai madrali laukana kei na kedrai madrali liviraki ki na karavau, ki na sipi tagane, ka ki na lami, me tautauvata kei na kedrai wiliwili, me vaka nai valavala:

22ka dua na koti mei soro ni valavala ca; mei kuri ni soro kama sa ia tikoga, kei na kenai madrali laukana, kei na kenai madrali liviraki.

23Ia e nai kava ni siga me tini na karavau, e rua na sipi tagane, e tinikava na lami sa yabaki dua sa tawa ca:

24a kedrai madrali laukana kei na kedrai madrali liviraki ki na karavau, ki na sipi tagane, ka ki na lami, me tautauvata kei na kedrai wiliwili, me vaka nai valavala:

25ka dua na luve ni koti mei soro ni valavala ca; mei kuri ni soro kama sa ia tikoga, na kenai madrali laukana, kei na kenai madrali liviraki.

26Ia e nai kalima ni siga me ciwa na karavau, e rua na sipi tagane, e tinikava na lami sa yabaki dua sa tawa ca:

27kei na kedrai madrali laukana kei na kedrai madrali liviraki ki na karavau, ki na sipi tagane, ka ki na lami, me tautauvata kei na kedrai wiliwili, me vaka nai valavala:

28ka dua na koti mei soro ni valavala ca; mei kuri ni soro kama sa ia tikoga, kei na kenai madrali laukana, kei na kenai madrali liviraki.

29Ia e nai kaono ni siga me walu na karavau, e rua na sipi tagane, e tinikava na lami sa yabaki dua sa tawa ca:

30kei na kedrai madrali laukana kei na kedrai madrali liviraki ki na karavau, ki na sipi tagane, ka ki na lami, me tautauvata kei na kedrai wiliwili, me vaka nai valavala:

31ka dua na koti mei soro ni valavala ca; mei kuri ni soro kama sa ia tikoga, na kenai madrali laukana, kei na kenai madrali liviraki.

32Ia e nai kavitu ni siga me vitu na karavau, e rua na sipi tagane, e tinikava na lami sa yabaki dua sa tawa ca:

33kei na kedrai madrali laukana kei na kedrai madrali liviraki ki na karavau, ki na sipi tagane, ka ki na lami, me tautauvata kei na kedrai wiliwili, me vaka nai valavala:

34ka dua na koti mei soro ni valavala ca; mei kuri ni soro kama sa ia tikoga, na kenai madrali laukana kei na kenai madrali liviraki.

35E nai kawalu ni siga me dua nai soqosoqo tabu vei kemudou: dou kakua ni cakava kina e dua na cakacaka vakaisi:

36ia dou cabora ga nai soro kama, na ka sa cabori e na buka waqa, me ka boi vinaka vei Jiova: e dua na karavau, e dua na sipi tagane, e vitu na lami sa yabaki dua sa tawa ca:

37na kedrai madrali laukana kei na kedrai madrali liviraki ki na karavau, ki na sipi tagane, ka ki na lami, me tautauvata kei na kedrai wiliwili, me vaka nai valavala;

38ka dua na koti mei soro ni valavala ca; mei kuri ni soro kama sa ia tikoga, kei na kenai madrali laukana, kei na kenai madrali liviraki.

39A veika o qo dou na kitaka vei Jiova e na nomudou veisolevu sa lokuci, mei kuri ni veika dou a vavakini kina, kei na nomudou veisoro dou sa vinakata me cabora, na nomudou veisoro kama, kei na nomudou veimadrali laukana, kei na nomudou veimadrali liviraki, kei na nomudou veimadrali e na veivinakati.

40A sa tukuna ko Mosese vei ira na luve i Isireli me vaka na ka kecega sa vunautaka vei Mosese ko Jiova.