Na Tiko Voli Mai Na Lekutu 26 - AI VOLA TABU（FIJ1864）

1A SA yaco, ni sa oti na mate levu, sa qai vosa ko Jiova vei Mosese, kei Eliasari na luve i Eroni na bete, ka kaya,

2Mo okata nai vavakoso taucoko ni luve i Isireli, ko ira sa ruasagavulu na nodra yabaki ka levu cake, me vaka na nodra qase, ko ira kecega vei ira na Isireli sa lako rawa e nai valu.

3A sa vosa vei ira ko Mosese kei Eliasari na bete, e na cecelevu ni Moapi mai Joritani, ka donui Jeriko, ka kaya,

4Ko ira sa ruasagavulu na nodra yabaki ka levu cake; me vaka ka vunautaka ko Jiova vei Mosese kei ira na luve i Isireli, ko ira ka lako tani mai na vanua ko Ijipita.

5O Rupeni, o koya na ulumatua i Isireli: o ira na luve i Rupeni: o Enoke, na nedra mataqali na luve i Enoke: maivei Falu, na nodra mataqali na luve i Falu:

6maivei Esironi, na nodra mataqali na luve i Esironi: maivei Karimi, na nodra mataqali na luve i Karimi.

7O ira o qo sa nodra veimataqali na luve i Rupeni: ia ko ira sa wili vei ira, era va na oba ka tolu na udolu ka vitu na drau ka tolusagavulu.

8Ia na luve i Falu, ko Iliapi.

9Ia o iratou na luve i Iliapi; o Nimueli, kei Tacani, kei Epirami. Oi rau o qo na Tacani kei na Epirami ko ya sa rogo e nai vavakoso, erau veileti kei Mosese kei Eroni e nai vavakoso i Kora, ni ra a veileti kei Jiova:

10a sa dalaga na gusuna na vanua, ka tilomi rau, o iratou vata kei Kora, ni sa mate nai vavakoso ko ya, ni sa kani ira na buka waqa era lewe rua na drau ka limasagavulu na tamata: a ra sa yaco mei vakatakilakila.

11Ia ka ra sega ni mate na luve i Kora.

12O ira na luve i Simioni e na nodra veimataqali: maivei Nimueli, na nodra mataqali na luve i Nimueli: maivei Yamini, na nodra mataqali na luve i Yamini: maivei Yakini, na nodra mataqali na luve i Yakini:

13maivei Sera, na nodra mataqali na luve i Sera: maivei Sauli, na nodra mataqali na luve i Sauli.

14O ira o qo sa nodra veimataqali na luve i Simioni, e rua na oba ka rua na udolu ka rua na drau.

15O ira na luve i Kata e na nodra veimataqali: maivei Sifoni, na nodra mataqali na luve i Sifoni: maivei Aki, na nodra mataqali na luve i Aki: maivei Suni, na nodra mataqali na luve i Suni:

16maivei Osini, na nodra mataqali na luve i Osini: maivei Eri, na nodra mataqali na luve i Eri:

17maivei Eroti, na nodra mataqali na luve i Eroti: maivei Areli, na nodra mataqali na luve i Areli.

18O ira o qo sa nodra veimataqali na luve i Kata, ko ira sa wili vei ira, e va na oba ka lima na drau.

19Oi rau na luve i Juta, ko Eri kei Onani: a rau a mate ko Eri kei Onani e na vanua ko Kenani.

20Ia ko ira na luve i Juta e na nodra veimataqali: maivei Sela, na nodra mataqali na luve i Sela: maivei Feresi, na nodra mataqali na luve i Feresi: maivei Sera, na nodra mataqali na luve i Sera.

21Ia ko ira na luve i Feresi: maivei Esironi, na nodra mataqali na luve i Esironi: maivei Amuli, na nodra mataqali na luve i Amuli.

22O ira o qo sa veimataqali i Juta, ko ira sa wili vei ira, e vitu na oba ka ono na udolu ka lima na drau.

23O ira na luve i Isakari e na nodra veimataqali: o Tola, na nodra mataqali na luve i Tola: maivei Pua, na nodra mataqali na luve i Pua:

24maivei Yasupi, na nodra mataqali na luve i Yasupi; maivei Simironi, na nodra mataqali na luve i Simironi.

25O ira o qo sa veimataqali i Isakari, ko ira sa wili vei ira, e ono na oba ka va na udolu ka tolu na drau.

26O ira na luve i Sepuloni e na nodra veimataqali: maivei Sereti, na nodra mataqali na luve i Sereti: maivei Eloni, na nodra mataqali na luve i Eloni: maivei Yalieli, na nodra mataqali na luve i Yalieli.

27O ira o qo sa nodra veimataqali na luve i Sepuloni, ko ira sa wili vei ira, e ono na oba ka lima na drau.

28O ira na luve i Josefa e na nodra veimataqali, ko ira na Manase kei na Ifireimi.

29O ira na luve i Manase: maivei Mekiri, na nodra mataqali na luve i Mekiri: a sa sucu vei Mekiri ko Kiliati: maivei Kiliati, na nodra mataqali na luve i Kiliati.

30O ira o qo na luve i Kiliati: o Ieseri, na nodra mataqali na luve i Ieseri: maivei Eleki, na nodra mataqali na luve i Eleki:

31kei Esirieli, na nodra mataqali na luve i Esirieli: kei Sikemi, na nodra mataqali na luve i Sikemi:

32kei Simita, na nodra mataqali na luve i Simita: kei Eferi, na nodra mataqali na luve i Eferi.

33Ia ko Silofati na luve i Eferi, sa sega na luvena tagane, a luvena alewa ga; ia na yacadratou na luvena alewa ko Silofati, ko Mala, kei Noa, o Okila, o Milika, kei Tirisa.

34O ira o qo sa veimataqali i Manase: ia ko ira sa wili vei ira sa lima na oba ka rua na udolu ka vitu na drau.

35O ira o qo na luve i Ifireimi e na nodra veimataqali: maivei Sucela, na nodra mataqali na luve i Sucela: maivei Pikeri, na nodra mataqali na luve i Pekeri: maivei Teani, na nodra mataqali na luve i Teani.

36Ia ko ira o qo na luve i Sucela: maivei Erani, na nodra mataqali na luve i Erani.

37O ira o qo sa nodra veimataqali na luve i Ifireimi, ko ira sa wili vei ira, e tolu na oba ka rua na udolu ka lima na drau. O ira o qo na luve i Josefa e na nedra veimataqali.

38O ira na luve i Penijamini e na nodra veimataqali: maivei Pela, na nodra mataqali na luve i Pela: maivei Asipeli, na nodra mataqali na luve i Asipeli: maivei Eiirami, na nodra mataqali na luve i Eiirami:

39maivei Sifufami, na nodra mataqali na luve i Sifufami: maivei Ufami, na nodra mataqali na luve i Ufami.

40Ia ko ira na luve i Pela, ko Ariti kei Neemani: na nodra mataqali na luve i Ariti: maivei Neemani, na nodra mataqali na luve i Neemani.

41O ira o qo na luve i Penijamini e na nodra veimataqali: ia ko ira sa wili vei ira sa va na oba ka lima na udolu ka ono na drau.

42O ira o qo na luve i Tana e na nodra veimataqali: maivei Suami, na nodra mataqali na luve i Suami. O ira o qo na veimataqali i Tana e na nodra veimataqali.

43O ira kecega na nodra veimataqali na luve i Suami, ko ira sa wili vei ira, sa ono na oba ka va na udolu ka va na drau.

44O ira na luve i Aseri e na nodra veimataqali: maivei Imina, na nodra mataqali na luve i Imina: maivei Isivi, na nodra mataqali na luve i Isivi: maivei Piria, na nodra mataqali na luve i Piria:

45maivei ira na luve i Piria: maivei Eperi, na nodra mataqali na luve i Eperi: maivei Malikieli, na nodra mataqali na luve i Malikieli.

46Ia ko Sera sa yaca ni luvena alewa ko Aseri.

47O ira o qo sa nodra veimataqali na luve i Aseri, ko ira sa wili vei ira, e lima na oba ka tolu na udolu ka va na drau.

48O ira na luve i Nafitali e na nodra veimataqali: maivei Yasieli, na nodra mataqali na luve i Yasieli: maivei Kuni, na nodra mataqali na luve i Kuni:

49maivei Yeseri, na nodra mataqali na luve i Yeseri: maivei Silemi, na nodra mataqali na luve i Silemi.

50O ira o qo sa veimataqali i Nafitali e na nodra veimataqali: ia ko ira sa wili vei ira sa va na oba ka lima na udolu ka va na drau.

51O ira o qo era sa wili vei ira na luve i Isireli, sa onosagavulu na oba ka dua na udolu ka vitu na drau ka tolusagavulu.

52A sa vosa vei Mosese ko Jiova, ka kaya,

53Me votai na vanua vei ira o qo mei votavota, me vaka nai wiliwili ni yacadra.

54Vei ira era lewe vuqa mo vakalevutaka na nodrai votavota, ka vei ira era lewe lailai mo vakalailaitaka na nodrai votavota: ena votai vei ira yadua me vaka na kedrai wiliwili yadua.

55Ia ena votai ga na vanua e nai vola ni veidigidigi: era na taukena me vaka na yaca ni veiyavusa ni nodra qase.

56Me vaka sa bale nai vola ni veidigidigi ena votai vei ira yadua nai votavota, se ra lewe vuqa se ra lewe lailai.

57Ia ko ira o qo era sa wili vei ira na luve i Levi, e na nodra veimataqali: maivei Kerisoni, na nodra mataqali na luve i Kerisoni: maivei Koaca, na nodra mataqali na luve i Koaca: maivei Mirari, na nodra mataqali na luve i Mirari.

58O ira o qo na veimataqali i Levi: na nodra mataqali na luve i Lipini, na nodra mataqali na luve i Epironi, na nodra mataqali na luve i Mali, na nodra mataqali na luve i Musi, na nodra mataqali na luve i Koaca. A sa sucu vei Koaca ko Amirami:

59ia na yaca ni wati i Amirami ko Yokepeti, na luvena alewa ko Levi, o koya ka vakasucumi vei Levi mai Ijipita: a sa vakasucumi Eroni kei Mosese, kei Miriami na ganedrau, vei Amirami.

60A sa sucu vei Eroni ko Natapi, kei Epiu, ko Eliasari, kei Icamari:

61a rau sa mate ko Natapi kei Epiu, ni rau a cabora na buka waqa tani e na mata i Jiova.

62Ia ko ira era wili vei ira sa rua na oba ka tolu na udolu, era tagane kecega sa vula e dua ka levu cake: ni ra sa sega ni wili vata kei ira na luve i Isireli, ni sa sega ni votai vei ira nai votavota kei ira na luve i Isireli.

63Sa wiliki ira o qo ko Mosese kei Eliasari na bete, koi rau ka wiliki ira na luve i Isireli mai na cecelevu mai Moapi, sa voleka ki na Joritani, ka donui Jeriko.

64Ia vei ira o qo sa sega e dua na tamata maivei ira erau a wilika ko Mosese kei Eroni na bete, koi rau a wiliki ira na luve i Isireli mai na lekutu mai Sinei:

65ni sa kaya e na vukudra ko Jiova, Era na mate vakaidina e na lekutu. A sa sega ni vo e dua na tamata vei ira, ko Kalepi ga na luve i Yifune, kei Josua na luve i Nuni.