Na Tiko Voli Mai Na Lekutu 7 - AI VOLA TABU（FIJ1864）

A nodratoui madrali na turaga, ni sa vakaduri oti na vale-tikotiko, 1-88. Sa vosa vei Mosese ko Jiova, 89.

1A SA yaco e na siga sa vakaduria cake oti na vale-tikotiko ko Mosese, ka lumuta, ka vakatabuya, kei na kenai yaya kecega, kei nai cabocabo-ni-soro kei na kenai yaya kecega, ka lumuta, ka vakatabuya,

2eratou sa qai kauta e so nai madrali ko iratou na turaga ni Isireli, ko iratou ka liu e na veivale ni nodratou qase, eratou turaga ni veiyavusa, ka sa lewai ira era sa wili:

3io eratou sa kauta na nodratoui madrali ki na mata i Jiova, e ono na vale-vakayavana sa ubi, ka tinikarua na karavau; e dua na vale-vakayavana sa nedrau e lewe rua na turaga, ka sa yadua na nedratou karavau: a ratou sa kauta ki na mata ni vale-tikotiko.

4A sa vosa vei Mosese ko Jiova, ka kaya,

5Mo taura maivei iratou, me yaga e na cakacaka ni vale gatu ni veitata; ia mo solia vei ira na luve i Levi, vei ira na tamata yadua me rauta na nona cakacaka.

6A sa kauta na veivale-vakayavana kei na karavau ko Mosese, ka solia vei ira na luve i Levi.

7E rua na vale-vakayavana ka va na karavau sa solia ko koya vei ira na luve i Kerisoni, me rauta na nodra cakacaka:

8ka va na vale-vakayavana ka walu na karavau sa solia vei ira na luve i Mirari, me rauta na nodra cakacaka, me lewa ko Icamari na luve i Eroni na bete:

9ia sa sega ni solia ko koya vei ira na luve i Koaca: ni ra sa daucolata na ka sa nodrai tavi e na vale tabu.

10Ia ko iratou na turaga, eratou a kauta na ka me vakatabui kina nai cabocabo-ni-soro e na siga sa lumuti kina; io sa kauta ko iratou na turaga na nodratoui madrali ki na mata ni cabocabo-ni-soro.

11A sa vosa vei Mosese ko Jiova, Me ratou kauta na nodratoui madrali na turaga yadua e na nona siga, me vakatabui kina nai cabocabo-ni-soro.

12Ia ko Nasoni na luve i Aminatapi, e na yavusa i Juta, sa kauta na nonai madrali e nai matai ni siga:

13ia na nonai madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka sa waki vata kei na waiwai, mei madrali laukana:

14e dua nai taki koula e tini na sikeli, sa sinai e na ka boi vinaka:

15e dua na karavau sa gone, e dua na sipi tagane, e dua na lami sa yabaki dua, mei soro kama:

16e dua na luve ni koti, mei soro ni valavala ca:

17ka rua na karavau, e lima na sipi tagane, e lima na koti tagane, e lima na lami sa yabaki dua, mei madrali e cabo e na veivinakati: o qo nai madrali i Nasoni na luve i Aminatapi.

18E nai karua ni siga sa kauta nai madrali ko Nicaneli na luve i Suari, na nodra turaga na Isakari:

19sa kauta ko koya me nonai madrali e dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka sa waki vata kei na waiwai, mei madrali laukana:

20e dua nai taki koula e tini na sikeli, sa sinai e na ka boi vinaka:

21e dua na karavau sa gone, e dua na sipi tagane, e dua na lami sa yabaki dua, mei soro kama:

22e dua na luve ni koti, mei soro ni valavala ca:

23ka rua na karavau, e lima na sipi tagane, e lima na koti tagane, e lima na lami sa yabaki dua, mei madrali e cabo e na veivinakati: o qo nai madrali i Nicaneli na luve i Suari.

24E nai katolu ni siga ko Iliapi na luve i Eloni, na nodra turaga na luve i Sepuloni:

25a nonai madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka sa waki vata kei na waiwai; mei madrali laukana:

26e dua nai taki koula e tini na sikeli, sa sinai e na ka boi vinaka:

27e dua na karavau sa gone, e dua na sipi tagane, e dua na lami sa yabaki dua, mei soro kama:

28e dua na luve ni koti, mei soro ni valavala ca:

29ka rua na karavau, e lima na sipi tagane, e lima na koti tagane, e lima na lami sa yabaki dua, mei madrali e cabo e na veivinakati: o qo nai madrali i Iliapi na luve i Eloni.

30E nai kava ni siga ko Ilisuri na luve i Siteuri, na nodra turaga na luve i Rupeni:

31a nonai madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka sa waki vata kei na waiwai, mei madrali laukana:

32e dua nai taki koula e tini na sikeli, sa sinai e na ka boi vinaka:

33e dua na karavau sa gone, e dua na sipi tagane, e dua na lami sa yabaki dua, mei soro kama:

34e dua na luve ni koti, mei soro ni valavala ca:

35ka rua na karavau, e lima na sipi tagane, e lima na koti tagane, e lima na lami sa yabaki dua, mei madrali e cabo e na veivinakati: o qo nai madrali i Ilisuri na luve i Siteuri.

36E nai kalima ni siga ko Silumieli na luve i Surisatai, na nodra turaga na luve i Simioni:

37a nonai madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka sa waki vata kei na waiwai, mei madrali laukana:

38e dua nai taki koula e tini na sikeli, sa sinai e na ka boi vinaka:

39e dua na karavau sa gone, e dua na sipi tagane, e dua na lami sa yabaki dua, mei soro kama:

40e dua na luve ni koti, mei soro ni valavala ca:

41ka rua na karavau, e lima na sipi tagane, e lima na koti tagane, e lima na lami sa yabaki dua, mei madrali e cabo e na veivinakati: o qo nai madrali i Silumieli na luve i Surisatai.

42E nai kaono ni siga ko Eliasafi na luve i Tiueli, na nodra turaga na luve i Kata:

43a nonai madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka sa waki vata kei na waiwai, mei madrali laukana:

44e dua nai taki koula e tini na sikeli, sa sinai e na ka boi vinaka:

45e dua na karavau sa gone, e dua na sipi tagane, e dua na lami sa yabaki dua, mei soro kama:

46e dua na luve ni koti, mei soro ni valavala ca:

47ka rua na karavau, e lima na sipi tagane, e lima na koti tagane, e lima na lami sa yabaki dua, mei madrali e cabo e na veivinakati: o qo nai madrali i Eliasafi na luve i Tiueli.

48E nai kavitu ni siga ko Ilisama na luve i Amiuti, na nodra turaga na luve i Ifireimi:

49a nonai madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka sa waki vata kei na waiwai, mei madrali laukana:

50e dua nai taki koula e tini na sikeli, sa sinai e na ka boi vinaka:

51e dua na karavau sa gone, e dua na sipi tagane, e dua na lami sa yabaki dua, mei soro kama:

52e dua na luve ni koti, mei soro ni valavala ca:

53ka rua na karavau, e lima na sipi tagane, e lima na koti tagane, e lima na lami sa yabaki dua, mei madrali e cabo e na veivinakati: o qo nai madrali i Ilisama na luve i Amiuti.

54E nai kawalu ni siga ko Kamilieli na luve i Pitasuri, na nodra turaga na luve i Manase:

55a nonai madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka sa waki vata kei na waiwai, mei madrali laukana:

56e dua nai taki koula e tini na sikeli, sa sinai e na ka boi vinaka:

57e dua na karavau sa gone, e dua na sipi tagane, e dua na lami sa yabaki dua, mei soro kama:

58e dua na luve ni koti, mei soro ni valavala ca:

59ka rua na karavau, e lima na sipi tagane, e lima na koti tagane, e lima na lami sa yabaki dua, mei madrali e cabo e na veivinakati: o qo nai madrali i Kamilieli na luve i Pitasuri.

60E nai kaciwa ni siga ko Epitani na luve i Kitioni, na nodra turaga na luve i Penijamini:

61a nonai madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka sa waki vata kei na waiwai, mei madrali laukana:

62e dua nai taki koula e tini na sikeli, sa sinai e na ka boi vinaka:

63e dua na karavau sa gone, e dua na sipi tagane, e dua na lami sa yabaki dua, mei soro kama:

64e dua na luve ni koti, mei soro ni valavala ca:

65ka rua na karavau, e lima na sipi tagane, e lima na koti tagane, e lima na lami sa yabaki dua, mei madrali e cabo e na veivinakati: o qo nai madrali i Epitani na luve i Kitioni.

66E nai katini ni siga ko Eieseri na luve i Amisatai, na nodra turaga na luve i Tani:

67a nonai madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka sa waki vata kei na waiwai, mei madrali laukana:

68e dua nai taki koula e tini na sikeli, sa sinai e na ka boi vinaka:

69e dua na karavau sa gone, e dua na sipi tagane, e dua na lami sa yabaki dua, mei soro kama:

70e dua na luve ni koti, mei soro ni valavala ca:

71ka rua na karavau, e lima na sipi tagane, e lima na koti tagane, e lima na lami sa yabaki dua, mei madrali e cabo e na veivinakati: o qo nai madrali i Eieseri na luve i Amisatai.

72E nai katinikadua ni siga ko Pakieli na luve i Okirani, na nodra turaga na luve i Aseri:

73a nonai madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka sa waki vata kei na waiwai, mei madrali laukana:

74e dua nai taki koula e tini na sikeli, sa sinai e na ka boi vinaka:

75e dua na karavau sa gone, e dua na sipi tagane, e dua na lami sa yabaki dua, mei soro kama:

76e dua na luve ni koti, mei soro ni valavala ca:

77ka rua na karavau, e lima na sipi tagane, e lima na koti tagane, e lima na lami sa yabaki dua, mei madrali e cabo e na veivinakati: o qo nai madrali i Pakieli na luve i Okirani.

78E nai katinikarua ni siga ko Eira na luve i Enani, na nodra turaga na luve i Nafitali:

79a nonai madrali sa dua na dari siliva, a kena bibi e dua na drau ka tolusagavulu na sikeli, e dua na bilo siliva sa vitusagavulu na sikeli, e vaka na sikeli ni vale tabu; sa sinai ruarua e na madrai droka sa waki vata kei na waiwai, mei madrali laukana:

80e dua nai taki koula e tini na sikeli, sa sinai e na ka boi vinaka:

81e dua na karavau sa gone, e dua na sipi tagane, e dua na lami sa yabaki dua, mei soro kama:

82e dua na luve ni koti, mei soro ni valavala ca:

83ka rua na karavau, e lima na sipi tagane, e lima na koti tagane, e lima na lami sa yabaki dua, mei madrali e cabo e na veivinakati: o qo nai madrali i Eira na luve i Enani.

84O qo na ka eratou vakatabuya kina na turaga ni Isireli nai cabocabo-ni-soro, e na siga sa lumuti kina: e tinikarua na dari siliva, e tinikarua na bilo siliva, e tinikarua nai taki koula:

85na dari siliva yadua sa dua na drau ka tolusagavulu na sikeli; kei na bilo yadua sa vitusagavulu: nai yaya siliva kecega sa rua na udolu ka va na drau na sikeli, e vaka na sikeli ni vale tabu:

86sa tinikarua nai taki koula, sa sinai e na ka boi vinaka, sa yatini na sikeli, e vaka na sikeli ni vale tabu: a koula kecega ni veitaki sa dua na drau ka ruasagavulu na sikeli.

87A karavau kecega mei soro kama sa tinikarua na karavau tagane; sa tinikarua na sipi tagane, sa tinikarua na lami sa yabaki dua, kei na kedratoui madrali laukana: ka tinikarua na luve ni koti mei soro ni valavala ca.

88Kei na karavau kecega mei madrali e cabo e na veivinakati sa ruasagavulu ka va na karavau tagane; sa onosagavulu na sipi tagane, sa onosagavulu na koti tagane, sa onosagavulu na lami sa yabaki dua. Sa vakatabui vakaoqo nai cabocabo-ni-soro, ni sa lumuti oti.

89IA ni sa curuma oti na vale gatu ni veitata ko Mosese me vosa vua na Kalou, sa qai rogoca na domo sa vosa vua mai na dela ni cabocabo-ni-bulubulu a ya sa tiko e dela ni kato ni vunau, mai na maliwa ni jerupi e rua: a sa vosa vua ko koya.