Na Vunau Ni Soro 24 - AI VOLA TABU（FIJ1864）

A waiwai ni cina, 1-4. A madrai dauraici, 5-9. Sa rukaka na Kalou na luve i Silomici, 10-16. A vunau e na veivakamatei, kei na veivakacacani, 17-22. Sa lauviri ko koya ka rukaka na Kalou, 23.

1A SA vosa vei Mosese ko Jiova, ka kaya,

2Mo vakaroti ira na luve i Isireli, me ra kauta mai vei iko na waiwai olive makare sa vutuki, ki na rarama, me caudre tikoga kina na cina.

3Me vakarautaka ko Eroni, mai taudaku ni lati ni kato ni vunau, e na vale gatu ni veitata, me caudre tikoga mai na yakavi me yacova na mataka, e na mata i Jiova; me ka vakaroti tawa mudu e na nomudou veitabatamata.

4Me vakarautaka tikoga ko koya na veicina e nai tutu-ni-cina maka-makalivata, e na mata i Jiova.

5Ia mo kauta na madrai droka, ka vavia e tinikarua nai buli madrai: me rua na omeri e nai buli madrai e dua:

6mo na qai tuva me yatu rua, me yaono na yatu, e na dela ni kanakana makamakali-vata e na mata i Jiova:

7mo qai viritu na drega dina me vakamai e na dela ni yatu kadua, me tu ki na madrai me dauveiva-kananumi, io nai madrali sa cabori e na buka waqa vei Jiova.

8Me vakatura vinaka tikoga ko koya e na mata i Jiova e na veisiga ni vakacecegu kecega, maivei ira na luve i Isireli e na veiyalayalati me tawa mudu.

9Ia ena kei Eroni kei iratou na luvena; me ra kania e na dua na yasana tabu: ni sa nona ka sa tabu sara mai na veimadrali sa cabo e na buka waqa vei Jiova, e nai vakaro me tawa mudu.

10A sa dua na luvena na alewa ni Isireli, sa kai Ijipita na tamana, sa lako yani ki na nodra maliwa na luve i Isireli: a rau a veivala e na koro, na luvena o qo na alewa ni Isireli, kei na dua na tamata ni Isireli;

11a sa vosavakacacataka na yaca i Jiova ko koya na luvena na alewa ni Isireli, ka ruru. A ra sa kauti koya vei Mosese: (ia na yaca i tinana ko Silomici, na luve i Tipiri, e na mataqali i Tani:)

12a ra sa vakatikora e na dua na yasana sogoti, me vakatakilai vei ira mada na vosa i Jiova.

13A sa vosa vei Mosese ko Jiova, ka kaya,

14Mo kauti koya sa ruru ki nai bili ni koro; ia ko ira kecega sa rogoci koya, me ra tabaka na uluna e na ligadra, me ra qai virika e na vatu nai vavakoso taucoko.

15Ia mo vosa vei ira na luve i Isireli, ka kaya, Ko koya yadua sa rukaka na nona Kalou me na cudruvi e na vuku ni nonai valavala ca.

16Ia ko koya sa vosavakacacataka na yaca i Jiova, me na vakamatei vakaidina; era na virika vakaidina e na vatu nai vavakoso taucoko: na vulagi se nai taukei, ni sa vosavakacacataka na yaca ko ya, ena vakamatei.

17Ia ko koya sa mokuta-mate na tamata e dua, me na vakamatei vakaidina ko koya.

18Kei koya sa mokuta-mate na manumanu e yavai va, me na sauma, na manumanu vaka mei sau ni manumanu ko ya.

19Ia kevaka sa vuetaka na kai nona na tamata e dua, ena kitaki vei koya me vaka sa kitaka ko koya;

20a vue mei sau ni vue, a mata mei sau ni mata, a bati mei sau ni bati: me vaka sa vuetaka e dua na tamata ko koya, ena caka vakakina talega vua.

21Io ko koya sa vakamatea na manumanu e yavai va, me na sauma: ia ko koya sa vakamatea na tamata, me na vakamatei.

22Me dua ga na nomudoui valavala ni lewa, vei koya na vulagi, me vaka vei koya nai taukei: ni sa ko Jiova na nomudou Kalou koi au.

23A sa vosa vei ira na luve i Isireli ko Mosese, era qai kauti koya ka ruru ki nai bili ni koro, ka virika e na vatu. A ra sa kitaka na luve i Isireli, me vaka ka vunautaka vei Mosese ko Jiova.