1Ia o qo na ka mo cakava vei iratou me vakatabui iratou, me bete vei au: Mo kauta e dua na karavau tagane sa gone, kania na sipi tagane sa tawa ca,
2kei na madrai sa tawa vakaleveni, kei na buli lalai sa tawa vakaleveni sa waki vata kei na waiwai, kei nai buli mamare sa tawa vakaleveni sa boro e na waiwai: mo cakava e na madrai droka ni witi:
3ia mo viria ki na dua na sova, ka kauta vata e na sova kei na karavau kei na sipi tagane e rua.
4Mo qai kauti Eroni kei iratou na luvena ki na katuba ni vale gatu ni veitata, ka vui iratou e na wai.
5Mo qai kauta na veisulu, ka vakaisulutaki Eroni e na kote, kei nai sulu e ruku ni sulu-me-vauci, kei nai sulu-me-vauci, kei nai taube, ka vauci koya e nai vau talei ni sulu-me-vauci:
6ka vakaisalataka na uluna e nai sala, ka vauca nai sala tabu ki nai sala ko ya.
7Mo qai taura na waiwai mei lumu, ka livia ki na uluna, ka lumuti koya.
8Mo kauti iratou talega na luvena, ka vakaisulutaka e na kote;
9ka vauci iratou e nai vau ni tolo, ko Eroni kei iratou na luvena, ka vakaisalataki iratou e nai sala: ia sa lesi me nodratoui tavi ga na cakacaka vakabete ka tawa mudu: ia mo buli Eroni kei iratou na luvena.
10Ia mo kauta na karavau ki na mata ni vale gatu ni veitata: ia ko Erani kei na luvena eratou na tabaka mada na ulu ni karavau e na ligadratou.
11Mo qai vakamatea na karavau e na mata i Jiova, mai na katuba ni vale gatu ni veitata.
12Ia mo kauta e so na dra ni karavau, ka boroya kina na veitikina sa tu cake e nai cabocabo-ni-soro e na nomui qaqalo, ka livia na dra kecega ki na vu ni cabocabo-ni-soro.
13Mo qai kauta na uro kecega sa ubia na kena gacagaca, kei nai ubikoso sa toka ecake ka toka era na yate, kei na kena ivi ruarua, kei na uro sa ubia, ka vakania e na dela ni cabocabo-ni-soro.
14Ia na lewe ni karavau, kei na kulina, kei na dena, mo vakania e na buka e taudaku ni tikotiko: o qo nai soro ni valavala ca.
15Ia mo kauta na sipi tagane; ka me ratou tabaka na ulu ni sipi tagane ko Eroni kei na luvena e na ligadratou.
16Mo qai vakamatea na sipi tagane, ka kauta na kena dra, ka volita nai cabocabo-ni-soro, ka kureitaka kina.
17Ia mo tava na sipi tagane, ka vuya na kena gacagaca kei na yavana, ka virikotora ki na kena tavatava, kei na uluna.
18Ia mo qai vakama na sipi tagane taucoko e na dela ni cabocabo-ni-soro: o qo nai soro kama vei Jiova: a ka boi vinaka, a ka sa cabori e na buka waqa vei Jiova.
19Mo qai kauta na sipi tagane kadua, ka me ratou tabaka e na ligadratou na ulu ni sipi tagane ko Eroni kei na luvena.
20Mo qai vakamatea na sipi tagane, ka kauta e so na kena dra, ka boroya kina na mua ni daliga i matau i Eroni, kei na mua ni daligadratou i matau na luvena, kei nai qaqalo levu ni ligadratou i matau, kei nai qaqalo levu ni yavadratou i matau, ka volita nai cabocabo-ni-soro, ka kureitaka kina na kena dra.
21Ia mo kauta e so na dra sa tu e dela ni cabocabo-ni-soro, kei na waiwai mei lumu, ka kureitaka vei Eroni kei na nona veisulu, kei iratou kaya na luvena kei na nodratou veisulu na luvena: ena qai vakatabui kina ko koya kei na nona veisulu, kei iratou kaya na luvena kei na nodratou veisulu na luvena.
22Mo kauta talega e so na tiki ni sipi tagane, na uro kei na buina uro, kei na uro sa ubia na gacagaca, kei nai ubikoso sa voleka ki na yate, kei na ivi e rua, kei na uro sa tu kina, kei na tabana i matau; o qo na sipi tagane ni veibuli:
23a me dua nai buli madrai, ka dua nai buli lailai sa caka kei na waiwai, ka dua nai madrai sa buli me mamare mai na sova madrai sa tawa vakaleveni sa tu e na mata i Jiova:
24ia mo solia kecega ki na liga i Eroni, kei na ligadratou na luvena; ia mo yalovaka e na mata i Jiova mei soro e yalovaki.
25Mo qai kauta tani e ligadratou, ka vakama e na dela ni cabocabo-ni-soro vata kei nai soro kama, me ka boi vinaka e na mata i Jiova: o qo na ka sa cabori e na buka waqa vei Jiova.
26Mo qai kauta na mabu ni sipi tagane ni veibuli i Eroni, ka yalovaka e na mata i Jiova mei soro e yalovaki: ia ena kemu tikina o qori.
27Ia mo vakatabuya na mabuna sai soro e yalovaki, kei na tabana sai soro e lavelaveti, ni sipi tagane ni veibuli, ko ya sa kei Eroni, ko ya talega sa kedratou na luvena:
28ia ena nei Eroni ka nodratou na luvena, e na ka sa lesi me tawa mudu, maivei ira na luve i Isireli: o qo nai soro sa lavelaveti: ia enai soro lavelaveti maivei ira na luve i Isireli, mai na nodrai madrali sa cabo e na veivinakati, io na nodrai soro sa lavelaveti vei Jiova.
29Ia na veisulu tabu i Eroni ena nedra na luvena era muri koya, me ra lumuti kina, ka buli kina.
30Na luvena ko ya sa bete me kenai sosomi, ena vakaisulu kina ka bogi vitu, ni sa curuma na vale gatu ni veitata, me ia na cakacaka e na tikina tabu.
31Ia mo kauta na sipi tagane ni veibuli, ka saqata na lewena e na tikina sa tabu.
32Ia ko Eroni kei na luvena eratou na kania na lewe ni sipi tagane, kei na madrai sa tu e na sova, ni ratou tu voleka ki na katuba ni vale gatu ni veitata.
33Ia eratou na kania na ka o qo sa cabo mei bulubulu, eratou sa buli ka vakatabui kina: ia me kakua ni kania e dua sa mataqali tani, ni sa tabu.
34Ia kevaka sa vo e so na lewe-ni-manumanu ni veibuli, se na madrai, me yacova na sabogibogi, mo qai vakama e na buka na kena vo: me kakua ni kani, ni sa tabu.
35Ia mo cakacaka vakaoqo vei Eroni kei iratou na luvena, me vaka na ka kecega kaʼu sa vunautaka vei iko: me bogi vitu ni ko sa buli iratou tiko.
36Ia mo cabora e dua na karavau e na veisiga kecega, mei soro ni valavala ca, mei bulubulu: ia mo vakasavasavataka nai cabocabo-ni-soro, ni ko sa cabora oti na kenai bulubulu; mo qai lumuta, me vakatabuya.
37Me vitu na bogi ni ko sa kitaka tiko nai bulubulu e na vuku ni cabocabo-ni-soro, ka vakatabuya; ena qai tabu sara nai cabocabo-ni-soro: a ya kece sa tara nai cabocabo-ni-soro, ena tabu.
38Ia o qo na ka mo cabora e na dela ni cabocabo-ni-soro; e rua na lami sa dua ga na nedrau yabaki, e na veisiga kecega.
39E dua na lami mo cabora e na mataka, kei na kenai karua ni lami mo cabora e na yakavi:
40ia mo cabora vata kei na dua na lami e dua na omeri madrai droka sa waki vata kei na waiwai sa vutuki e rua na painiti ka levu cake; kei na waini e rua na painiti ka levu cake, mei madrali liviraki.
41Ia na kenai kania ni lami mo cabora e na yakavi, ia mo cakacaka kina me vaka ki nai madrali laukana e na mataka, ka vaka na kenai madrali liviraki; me ka boi vinaka, a ka sa cabori e na buka waqa vei Jiova.
42Enai soro kama tikoga e na nomudou veitabatamata, mai na katuba ni vale gatu ni veitata, e na mata i Jiova; a tikina kaʼu na veitata kina kei kemuni, me vosa kina vei iko.
43Ia kaʼu na veitata maikea kei ira na luve i Isireli, ia ena vakatabui e na noqu serau na tikina.
44Ia kaʼu na vakatabuya na vale gatu ni veitata, kei nai cabocabo-ni-soro: kaʼu na vakatabui Eroni talega kei iratou na luvena, me bete vei au ko ira.
45Ia kaʼu na tiko ga kei ira na luve i Isireli, ia kaʼu na nodra Kalou.
46Era na kila talega ko ira ni sa ko Jiova koi au na nodra Kalou, o koya ka kauti ira tani mai na vanua ko Ijipita, meʼu tiko vata kina kei ira: sa ko Jiova koi au na nodra Kalou.
Who We AreWhat We EelieveWhat We Do
2025 by iamachristian.org,Inc All rights reserved.
