1Mo cakava talega e dua nai cabocabo-ni-soro e na kau sitimi: me tini na caga na kena balavu, ka tini na caga na kena raraba; me takiveilevu nai cabocabo-ni-soro e na yasana e va; ka ono na caga na kena cecere:
2ia mo cakava na veitikina sa tu cake e na tutuna e va: ena mai na nona kau na veitikina sa tu cake: ia mo botana e na parasa.
3Mo cakava talega na kena veisedre me biu kina na kena dravu, kei na kena veibilo me kau tani kina na dravu, kei na kena veibilo me kau kina na dra me kureitaki, kei na kena veiqila ni lewe ni manumanu, kei na kena veidari ni de-ni-buka; a kenai yaya kecega mo cakava e na parasa.
4Mo cakava talega kina e dua na miqa parasa, me vaka na lawa; ia mo cakava ki na lawa e va na mama parasa e na tutuna e va.
5Ia mo virikotora ki ruku ni bele ni cabocabo-ni-soro, me yaco ki na veimama ni cabocabo-ni-soro na lawa.
6Mo cakava talega e so nai vua ki nai cabocabo-ni-soro, ai vua e na kau sitimi, ka botana e na parasa.
7Ia me ra daramaki nai vua ki na veimama, ia me ra tu nai vua mai na yasa ruarua ni cabocabo-ni-soro, me colati kina.
8Mo cakava e na veipapa me vakaloma-lomana: me vaka ka vakaraitaki vei iko e na ulu-ni-vanua, me cakavi vakakina.
9Ta mo cakava e dua na rara sa vaka-bai me volita na vale-tikotiko: ki na yasana sa donuya na ceva me so na gatu me bai ni rara, e malo matailalai ni wa muloci, me rua na drau na caga na kena balavu e na yasa e dua
10kei na kena duru me ruasagavulu, kei na kedra qara me ruasagavulu, e na parasa; ai ruberube e na vei-duru, kei na kedra vei vau, me siliva.
11Ia me vakakina e na yasana sa donuya na tokalau e na kena balavu, me so na gatu e rua na drau na caga na kedra balavu, kei na kedra duru e ruasagavulu, kei na kedra qara parasa e ruasagavulu; ai ruberube e na veiduru, kei na kedra veivau, me siliva.
12Ia e na raraba ni rara sa vakabai e na yasana sa donuya na ra, me so na gatu me dua na drau na caga: na kedra duru me tini, ka tini na kedra qara.
13Ia na raraba ni rara sa vakabai vaka ki cake me dua na drau na caga.
14Ia na gatu ki na dua na yasa ni katuba me tolusagavulu na caga: na kedra duru me tolu, ka tolu na kedratou qara.
15Ia na gatu ki na yasana kadua me tolusagavulu na caga: me tolu na kedra duru, ka tolu na kedratou qara.
16Ia mei sogo ni rara sa vakabai me dua na ka-rube e vasagavulu na caga, e na ka karakarawa, ka damudamu, ka rusivakula, kei na malo matailalai ni wa muloci, sa caka e nai cula: me va na kedra duru, kava na kedratou qara.
17A duru kecega sa volita na rara sa vakabai ena vakai vau siliva; me siliva na kedrai ruberube, ka parasa na kedra veiqara.
18A balavu ni rara sa vakabai me rua na drau na caga, kei na kena raraba kece me dua na drau na caga e na yasana ruarua, ka tini na caga na kena cecere, me malo matailalai ni wa muloci, ka parasa na kedra qara.
19Me parasa ga nai yaya kecega ni vale-tikotiko e na kenai valavala kecega, kei na kenai vakadei kecega, kei nai vakadei kecega ni rara sa vakabai.
20Ia mo vunauci ira na luve i Isireli, me ra kauta mai vei iko na waiwai olive e makare sa vutuki, ki na rarama, me caudre tikoga kina na cina.
21Me vakarautaka ko Eroni kei iratou na luvena, e na vale gatu ni veitata, mai taudaku ni lati, sa donuya na kato ni vunau, me caudre mai na yakavi me yacova na mataka, e na mata i Jiova; me ka vakaroti tawa mudu e na nodrai tabatamata kecega e na vukudra na luve i Isireli.
Who We AreWhat We EelieveWhat We Do
2025 by iamachristian.org,Inc All rights reserved.
