Na Lako Yani 26 - AI VOLA TABU（FIJ1864）

Sa tukuni tiko nai valavala ni vale-tikotiko.

1Ia mo cakava na vale-tikotiko e na gatu e tini sa caka e na malo matailalai ni wa mu-loci, kei na ka karakarawa, ka damudamu, ka rusivakula: mo cakava kina e so na Jerupi, me vaka na cakacaka ni vuku.

2A kena balavu na gatu e dua me limasagavulu ka ono na caga, kei na kena raraba na gatu e dua me walu na caga: me tauvata na kedrai vakarau na gatu kecega.

3Me cula vata na gatu e lima, e dua ki na dua; ka cula vata na gatu e lima, e dua ki na dua.

4Ia mo cakava e so nai vakamatavili e na ka karakarawa e na bele ni gatu e dua, mai na bele ni ka sa cula; mo cakava talega vakakina e na bele ni gatu e saukana, e nai karua ni ka sa cula.

5E limasagavulu nai vakamatavili mo cakava e na gatu e dua, ka limasagavulu nai vakamatavili mo cakava e na bele ni gatu a ya e nai karua ni ka sa cula, me veitauri kina nai vakamatavili.

6Ia mo cakava e limasagavulu nai qila koula, ka veiqilaititaka na vei gatu e nai qila; ka me vale-tikotiko e dua ga.

7Ia mo cakava e so na gatu e na vutika ni koti, mei ubi ni vale-tikotiko: mo cakava me tinikadua na gatu.

8A kena balavu na gatu e dua me onosagavulu na caga, kei na kena raraba e dua na gatu me walu na caga: me dua ga na kedrai vakarau na gatu e tinikadua.

9Ia mo cula e lima na gatu me dua, ka ono na gatu me dua, ka lobia na kenai kaono ni gatu e na mata ni vale gatu.

10Ia mo cakava e limasagavulu nai vakamatavili e na bele ni gatu e dua, e saukana e na ka sa cula, ka limasagavulu nai vakamatavili e na bele ni gatu a ya e nai karua ni ka sa cula.

11Ia mo cakava e limasagavulu nai qila parasa, ka veiqilaititaka ki nai vakamatavili, ka veiqilaititaka vata na vale gatu, me dua ga.

12Ia na kena vo ni gatu ni vale gatu, na tiki ni gatu sa vo, ena savo yani mai daku ni vale-tikotiko.

13Ka rua na caga e na yasana vaka, ka rua na taga e na yasana vaka, a ya na kena vo ni balavu ni gatu ni vale gatu, me savo yani mai na yasa ni vale-tikotiko e na yasana o qo kei na yasana ko ya, ka me ubia.

14Ia mo cakava e dua nai ubi ni vale gatu e na kuli ni sipi tagane sa somoti damudamu; kei na dua nai ubi ecake e na kuli tani.

15Ia mo cakava na veipapa ki na vale-tikotiko e na kau sitimi, me duri tu.

16A kena balavu e dua na papa me ruasagavulu na caga, kei na kena raraba e dua na papa me tolu na caga.

17Ki na papa e dua me tikina sa sivi e rua, me veidonui: mo cakava vakakina ki na papa kecega ni vale-tikotiko.

18Ia mo cakava na veipapa ni vale-tikotiko: me ruasagavulu na papa ki na yasana sa donuya na ceva;

19ia mo cakava e vasagavulu na qara siliva e ruku ni papa e ruasagavulu; e rua na qara e ruku ni papa e dua, me rau dara kina na tikina sa sivi; ka rua na qara e ruku ni papa e dua, me rau dara kina na tikina sa sivi.

20Ia ki nai karua ni yasa ni vale-tikotiko, ko ya sa donuya na tokalau, me ruasagavulu na papa;

21kei na kedra qara siliva e vasagavulu; e rua na qara e ruku ni papa e dua, ka rua na qara e ruku ni papa e dua.

22Ia ki na yasa ni vale-tikotiko sa donuya na ra, mo cakava e ono na papa.

23Ka rua na papa mo cakava ki na tutu ni vale-tikotiko e na yasana ruarua.

24Ia erau na vauci vata era, ka vauci vata ecake, ki na mama e dua: me rau vakakina ruarua; me rau tutuna e rua.

25Ia ena walu na papa, kei na kedra veiqara siliva, e tinikaono na qara: e rua na qara e ruku ni papa e dua, ka rua na qara e ruku ni papa e dua.

26Mo cakava talega e so na kolokolo e na kau sitimi; e lima ki na veipapa e na yasa e dua ni vale-tikotiko;

27ka lima na kolokolo ki na veipapa e nai karua ni yasa ni vale-tikotiko, ka lima na kolokolo ki na veipapa e na yasa ni vale-tikotiko, ki na yasana sa donuya na ra.

28Ia na kolokolo eloma, me darabasika na gau ni veipapa, mai na kubu e dua ki na kubu kadua.

29Ia mo botana na veipapa e na koula, ka cakava e na koula na kedra veimama mei daradara ni veikolokolo: mo botana talega na veikolokolo e na koula.

30Mo qai vakaduria cake na vale-tikotiko me vaka na kenai vakatakarakara ka vakatakilai vei iko e na ulu-ni-vanua.

31Ia mo cakava e dua nai lati e na ka karakarawa, ka damudamu, ka rusivakula, kei na malo matailalai ni wa muloci: me cakavi kina e so na Jerupi, me vaka na cakacaka ni vuku:

32ia mo vakarubeca e na duru sitimi e va sa Lotani e na koula: me koula ga na kedratoui ruberube, e na qara siliva e va.

33Ia mo vakarubeca nai lati e ruku ni veiqila, mo kauta kina ki loma ni lati na kato ni vunau: ia nai lati ena wasea vei kemudou na tikina tabu mai na tikina tabu sara.

34Ia nai cabocabo-ni-bulubulu mo viritu ki dela ni kato ni vunau e na tikina tabu sara.

35Ia nai kanakana mo viritu e taudaku ni lati, kei nai tutu-ni-cina me qarava nai kanakana e na yasa ni vale-tikotiko sa donuya na ceva: ia mo viritu nai kanakana e na yasa sa donuya na tokalau.

36Ia mo cakava e dua na ka-rube mei sogo ni Vale gatu, e na ka karakarawa, ka damudamu, ka rusivakula, kei na malo matailalai ni wa muloci, sa caka e nai cula.

37Ia mo cakava e lima na duru sitimi ki na ka-rube ko ya, ka botana e na koula, me koula talega na kedratoui ruberube: ia mo vakawaicalataka na parasa me mai lima na kedra qara.