Na Lako Yani 19 - AI VOLA TABU（FIJ1864）

Era yaco ki Sinei na tamata, 1, 2. Sa veivosaki kei Mosese ko Jiova, ka kaya me ra vakarau na tamata me rogoci koya, 3-13. A ka rerevaki sa yaco e na ulu-ni-vanua, ni sa lako sobu kina ko Jiova, 16-25.

1NI ra sa lako tani oti mai na vanua ko Ijipita na luve i Isireli, ka sa vakatekivu na kenai katolu ni vula, sa ra qai yaco e na siga ko ya ki na lekutu mai Sinei.

2Ni ra sa lako tani oti mai Rifitimi, a sa yaco ki na lekutu mai Sinei, era sa qai tiko e na lekutu; io, era sa tiko na Isireli e na yasana ko ya sa donuya na ulu-ni-vanua.

3A sa lako cake vua na Kalou ko Mosese, a sa kaci vua ko Jiova mai na ulu-ni-vanua, ka kaya, Mo vosa vakaoqo ki na mataqali i Jekope, ka tukuna vei ira na luve i Isireli;

4Dou sa raica oti na ka kaʼu a cakava vei ira na kai Ijipita, kei na noqu colati kemuni e vaka e na taba ni ikeli, kei na noqu kauti kemuni mai vei au:

5ia o qo, kevaka kemuni na vakarorogo vakaidina ki na domoqu, ka vakabauta na noqu vosa ni yalayala, kemuni na qai noqu yau talei, ka yau lailai na matanitu kecega: ni sa noqu ko vuravura kecega:

6ia kemuni na matanitu bete vei au, kei na vanua tabu. O qo na vosa mo tukuna vei ira na luve i Isireli.

7A sa lako mai ko Mosese, a sa kacivi ira na nodra qase na tamata, a sa tauca vei ira na vosa kecega o qo sa rotaka vua ko Jiova.

8A ra sa vosa vata na tamata kecega, ka kaya, A ka kecega sa kaya ko Jiova keimami na cakava. A sa kauta tale vei Jiova ko Mosese na nodra vosa na tamata.

9A sa kaya vei Mosese ko Jiova, Raica, kaʼu sa lako mai vei iko e na o loaloa, me ra rogoca kina na tamata niʼu sa vosa vei iko, ka me tawa mudu na nodra vakabauti iko. A sa tukuna vei Jiova ko Mosese na nodra vosa na tamata.

10A sa kaya vei Mosese ko Jiova, Mo lako vei ira na tamata, ka vakasavasavataki ira edaidai kei na sabogibogi; me ra sava nodra veisulu talega;

11ka me ra vakarau tu me waraka na bogi tolu: ni na lako sobu ko Jiova e na bogi tolu ki na dela ni ulu-ni-vanua ko Sinei, e na matadra na tamata kecega.

12Ia mo yalana vei ira na tamata sa volita, ka kaya, Dou qarauni kemuni, mo ni kakua ni cabeta na ulu-ni-vanua, se tara e dua na tikina: o ira kecega sa tara na ulu-ni-vanua ena vakamatei vakaidina:

13me kakua e dua na liga me tarai koya, ia ena lauviri dina e na vatu, se lauvana dina; se manumanu se tamata, ena sega ni bula: ni sa balavu na rorogo ni davui, era na qai toro mai ki na ulu-ni-vanua.

14A sa lako sobu vei ira na tamata mai na ulu-ni-vanua ko Mosese, a sa vakasavasavataki ira na tamata; a ra sa sava nodra veisulu.

15A sa kaya ko koya vei ira na tamata. Mo ni vakarau tu me waraka na bogi tolu: kakua ni toro va na alewa.

16A sa yaco e na bogi tolu e na mataka, sa qai: ia na kurukuru kei na livaliva, a sa dua na o loaloa e na dela ni ulu-ni-vanua, a sa levu vakaidina na domo ni davui; a ra sa sautaninini kina na tamata kecega sa tiko e nodrai tikotiko.

17A sa kauti ira na tamata ko Mosese mai nodrai tikotiko me laʼki veitata kei na Kalou; a ra sa tu vakadua mai na ruku ni ulu-ni-vanua.

18A sa kubou na ulu-ni-vanua taucoko ko Sinei, e na vuku ni sa lako sobu ki delana ko Jiova e na buka waqa: a sa lako cake na kena kubou me vaka na kubou ni lovo, a sa yavavala vakalevu na ulu-ni-vanua taucoko.

19Ia ni sa rorogo vakabalavu na domo ni davui, a sa levu cake tiko, sa qai vosa yani ko Mosese, a sa vosa mai vua ko na Kalou e nai rorogo.

20A sa lako sobu oti ko Jiova ki na ulu-ni-vanua ko Sinei, ki na dela ni ulu-ni-vanua; a sa kacivi Mosese ko Jiova ki na dela ni ulu-ni-vanua; a sa lako cake ko Mosese.

21A sa kaya vei Mosese ko Jiova, Mo lako sobu, mo vakaroti ira matua na tamata, de ra lako cala mai vei Jiova me dikedike, ka mate kina e vuqa vei ira:

22o ira na bete talega, era sa dautorovi Jiova, me ra vakasavasavataki ira, de basubasu yani vei ira ko Jiova.

23A sa kaya vei Jiova ko Mosese, E sega ni cabe rawa ki na ulu-ni-vanua ko Sinei ko ira na tamata: ni kemuni a vakaroti keimami, ka vaka, Dou yalana na ulu-ni-vanua, ka vakatabuya.

24A sa kaya vua ko Jiova, Mo lakani, mo lako sobu, mo qai lako cake mai koi kemudrau vata kei Eroni: ia me kakua ni toro cala mai ko ira na bete kei ira na tamata me lako cake mai vei Jiova, de basubasu yani vei ira ko koya.

25A sa lako sobu vei ira na tamata ko i Mosese, ka sa vosa vei ira.